Flott hjá þeim

Það er mjög flott hjá þeim að gera þetta, ég veit samt ekki alveg tilganginn netið er einmitt mjög góður kostur fyrir marga heyrnarlausa, þar sem hægt er lesa stefnuna beint af skjánum.  Margir hafa einnig farið í mikla vinnu til að gera síðurnar sínar læsilegar fyrir sjónskerta líka, þannig að tölvuupplesararnir eigi auðveldara með að lesa síðurnar.  

Auðvitað er það mun persónulegra að hafa þetta á táknmáli frekar en að lesa þetta. 

Stefna Íslandshreyfingarinnar birt á táknmáli á vef flokksins

Mogginn gripið þetta

Ég byrjaði á að fjalla um þetta og benti meðal annars á það hér að Ellý er vinsælli en leitarvélin Leit.is. Nú hefur mogginn gripið þessa frétt og tekið við hana viðtal.

Mikil umræða skapaðist um þetta á blogginu mínu í gær en það nokkuð á óvart, en þrátt fyrir að hafa rekist inn á bloggið hennar reglulega, er það ekki minn tepottur. Anna.is hefur líka verið með áhugaverðar sögur fyrir þá sem hafa áhuga á að lesa svona, ég hef svo sem heldur ekki verið dyggur lesandi Önnu, en hún er einnig gríðarlega vinsæll bloggari. Kannski á ekki á skalanum leit.is.

Enga trú á stórum sigrum

Hvenær skildum við læra? Enn eina ferðina förum við af stað vissir um að sigurinn sé í höfn. Máli okkar til stuðnings höfum við að þessu sinni orð frændþjóða okkar, sem voru ekki tilbúnir að hafna laginu fyrir framan Eirík sjálfan.

Í hvert einasta sinn höfum við svo komið til baka með skottið á milli lappanna, án þess að hafa komist upp úr undankeppninni.

Mín spá er að svo verði líka að þessu sinni.

Evrovision-hópurinn lagður af stað til Finnlands

Bollywood orðið þreytt

Það er ákveðinn kostur í pólitík að vita hvenær menn eigi að hætta. Guðmundur Steingrímsson kom með bollywood myndbönd, en hægt er að fara inn hingað og byrja að kvikmyndaferilinn. Þetta þótti fyndið í fyrsta skiptið sem hann gerði þetta, næsta skipti féll þetta í grýtan jarðveg.

Í dag kemur svo Dofri löngu síðar aftur með sama brandarann.

Menn hljóta að fara að koma með eitthvað nýtt. Bollywood er bara ekki fyndið lengur.

Iðnaðarmenn, eru launin ykkar farin að lækka?

Frjálslyndir auglýsa nú á Útvarpi Sögu:

Iðnaðarmenn, eru launin ykkar farin að lækka?

Hversu margir Iðnaðarmenn ætli geti svarað þessu játandi? Það er nánast vonlaust að finna iðnaðarmann í Reykjavík, það er svo mikið að gera hjá þessari stétt. Þeir geta unnið allan sólarhringinn, kjósi þeir svo.

Launin hafa hækkað hjá þessum hópi, bara ekki jafn mikið og hjá mörgum hinna. Hins vegar bera að líta til þess að inn í þennan hóp eru nú kominn mjög stór hópur erlendra verkamanna sem er á lágmarkslaunum. Sá hópur er líka inn í þessum tölum.

Þessar auglýsingar Frjálslyndra eru því skot út í loftið, sem ég held að fáir hlusti á.

Ellý upp úr þakinu

Getur einhver útskýrt það fyrir mér afhverju Ellý Ármanns er orðinn mesti stjörnubloggari landsins með meira en 2 sinnum meiri lestur en næsti maður og líklega meira en Steingrímur Sævarr náði nokkurn tíman.

Gott svar hjá Jónínu

Mér finnast þessi svör mjög góð og trúverðug hjá Jónínu, það er greinilega nokkur hópur sem hefur veirð að fá ríkisborgararétt og þetta ekkert einsdæmi.

Eftir að Kastljósið fór fram með þetta mál, hefur það verið þeim mikið í mun að sýna fram að þetta hafi verið rétt. Ég held að það umþb. allt sagt sem hægt er að segja um þetta mál og vona að því fari að linna.

Um ríkisborgararétt og Kastljósið

Verðið mun tvöfaldast

Það væri auðvitað mjög gott ef baðfélagið yrði að öðru bláalóni, væntanlega myndi það gagnast að markaðssetja þessar laugar saman. Hins vegar spái ég því að aðgangseyririnn muni tvöfaldagst í verði ef bláalónið (heldur áfram að kaup).

Þegar ég fór í baðið á Mývatni varð aðgangseyrin aðeins dýrari en í sund, hins vegar kostar á annað þúsund að fara í bláa lónið. Lúxus sem hef amk. ekki verið tilbúinn í, enda búinn að taka út minn skammt þegar það var ókeypis ofan í nema ef þú notaðir búningsaðstöðuna.

Bláa lónið bauð hæst í Baðfélag Mývatnssveitar

Að missa kúlið

Íslandshreyfingin virðist alveg vera að missa kúlið, amk. koma frekar skrýtin skilaboð frá þeim um þessar mundir. Margrét Sverrissdóttir ræðs mjög harkalega að spyrlum í fjölmiðlum, sem er annars mjög merkileg ákvörðun 10 daga fyrir kosnignar og ekki beint til þess fallið að skapa velvild hjá þessum hóp.

 Svo er það hlutur spyrlanna.  Það vita allir, að þeir sem spyrja spurninganna í þessum þáttum eru innvígðir og innmúraðir í stjórnarflokkana.  Þetta fólk er örugglega ekki flokksbundið í dag, starfs síns vegna, en sum þeirra hafa ýmist gegnt stöðum formanna Sambands ungra sjálfstæðismanna á sokkabandsárum sínum, verið í stjórn Vöku í Háskóla Íslands, eða verið í sérverkefnum fyrir stjórnarflokkana og hafa við ýmis tækifæri látið berlega í ljós hver pólitísk afstaða þeirra er.

Þetta vekur auðvitað mikla athygli og spurningar um þessa þáttastjórnendur, hvaða fólk er þetta sem á að hafa haft þennan bakgrunn? Hafi einhver tekið þátt í háskólapólitík á sínum yngri árum á að dæma viðkomandi úr leik það sem eftir er?

Hvaða fólk er þetta? Er þetta Sigmundur Ernir eða Egill Helgason? Margrét gerir enga tilraun til þess að upplýsa hvaða fólk þetta er, þessu er bara skotið yfir alla þessa fjölmiðlamenn. Það væri líka gaman að vita hvort einhver af þessum spyrlum hafi nokkurn tíman verið formaður SUS. Ég man amk. ekki efir viðkomandi.

Það er merkilegt að þegar Margrét er googluð, þá kemur þessi síða. Þetta er síða á vegum Margrétar og velmerkt Frjálslyndaflokknum.

Ríkisstjórnaflokkarnir bæta stöðu stúdenta

Ég var mjög ánægður að sjá að stjórnflokkarnir löguðu stöðu stúdenta og veitir ekki af enda fáir sælir af því að lifa að þeim lánum sem eru í boði.

Til hamingju Sjálfstæðisflokkur og Framsóknarflokkur.

Dregið úr tekjutengingu námslána hjá LÍN