Stórir grænlendingar

Svona fréttir eru alltaf merkilegar.

Frá Grænlandi. Þar sem karlmenn eru karlmenn.

Vísir, 05. júní. 2007 15:49

Smokkarnir voru of litlir

Óli Tynes skrifar:
Meðalstærð af smokkum sem grænlenska landsstjórnin útdeildi ókeypis til þegna sinna reyndist vera of lítil fyrir grænlenska karlmenn. Forvarnarstofnunin Paarisa sendi í fyrra smokka með nafninu Torrak til allra karlmanna á Grænlandi til þess að draga úr kynsjúkdómum og óæskilegum þungunum. Og ekki vantaði að smokkunum var vel tekið.

Hinsvegar fóru fljótlega að berast kvartanir til Paarisa um að smokkarnir væru alltof litlir. Paarisa hafði valið evrópska meðalstærð. Það var ekki nóg fyrir þorra grænlenskra karlmanna.

Sofie Jessen, sem starfar hjá Paarisa segir í viðtali við grænlenska blaðið Sermitsiaq að nú hafi verið pantaðir stærri smokkar, til þess að allir geti verið með.

Seinhepnar stjörnur

Mikið svakalega eru þessar stjörnur okkar seinheppnar, Einar Ágúst með sín vandamál og svo núna Kalli Bjarni. Það var amk. ekki verið að bíða eftir lögum og dómi þangað til hann er nafngreindur. Þetta er bara í fyrstu frétt og með fullum upplýsingum um það sem hann er frægur fyrir. Fréttin á vísir.is.

Kalli var auðvitað aldrei alvöru stjarna, náði frægð í smástund meðal annars með því að fjalla um eigin fíkniefnanotkun. Það er greinilegt að frægðin hefur farið mjög illa með hann í kjölfarið.

Öfga frjálshyggjan hér á ferð?

Framsókn hefur verið dugleg að kalla þessa nýju ríkisstjórn
frjálshyggjuríkisstjórn. Þarna sýnir ríkisstjórnin þetta í verki. Eða
hvað?

Fækkun á biðlistum forgangsatriði í aðgerðaáætlun í þágu barna og unglinga

Björn Ingi í lóðabraski?

Ég var að skoða þessa frétt á RÚV, þar kemur fram að Faxaflóahafnir hafi úthlutað fyrirtæki sem er 6  gömlu fyrirtæki, en fyrirtækið hafi verið svo selt nánast daginn eftir til fjárfesta.    Nokkrum dögum síðar koma stórtækar hugmyndir um íbúðarbyggð á svæðinu þar sem Björn Ingi fer fremstur í flokki enda formaður stjórnar Faxaflóahafna.

Björn Ingi hlýtur að svara þessu.  Hann getur varla staðið undir þeim ásökunum að hafa staðið fyrir braski á þessum lóðum.   

Þetta eru amk. ekki vinnubrögð sem eru mér af skapi og ég vona að Björn og félagar sem stóðu að þessari úthlutun komi með einhver svör.  Þetta er að minnsta kosti ekkert sem hjálpar Framsókn að minnka spillingarstimpilinn sem er á þeim. 

Góð framkoma aðstoðarforstjóra

Manni er minnistæð hvernig það var algjört PR klúður þegar Samkeppnisstofnun réðst inn í Vísa.  Á þeim tíma spáðu menn að stutt væri þangað til Halldór væri látinn taka pokann sinn, sem reyndist svo vera raunin.

Nú bregður svo við að forstjóri Mjólkursamsölunnar er úti í fríi og því bara aðstoðarforstjórinn á staðnum.  Hann kom virkilega vel út úr þeim viðtölum sem ég hef heyrt og svaraði spurningum mjög og útskýrði að þetta væri bara eðlilegt, þeir teldu allt vera í góðum málum og að vinna að því að aðstoða lögreglu við þetta og svo myndu hlutirnir halda áfram eins og áður. 

Húsleit í húsakynnum MS, Auðhumlu og Osta- og smjörsölunnar

Eiður í auglýsingu fyrir landsleikinn

Nokkuð merkilegt að Sýni skuli nota Eið Smára í auglýsingu fyrir Landsleik Íslands og Svíþjóðar.  Þetta er sérstaklega merkilegt, þegar meira að segja jafn litlir áhugamenn um íþróttir og ég vita að hann verður ekki með.

Það er greinilegt að Svíar hafa lesið bloggið mitt í gær, en í fréttum á Bylgjunni kom fram að Svíar hafa miklar áhyggjur af því að einhver muni hlaupa inn á völlinn.  Það kemur í ljós að það þarf ekki einu sinni að vera Svíi, þeir bera einfaldlega ábyrgð á þessu þannig að ef einhver hverrar þjóðar sem hann er hleypur inn á Völlinn og neglir dómarann er það á ábyrgð Svía.

En von :)

Annars kom líka fram að Daninn á von á sekt upp að 200 milljónum.  Ég reyndar efast um að bjórþamabarinn eigi svo mikið sem 2 milljónir til.

Hakkaðir bananar

Heimasíða ávaxtarisans Banana hefur verið hökkuð.  Það vekur athygli að þeir virðista ekkert hafa gert til að lagfæra þetta en þessi síða stendur enn svona ég sá þetta fyrst snemma í morgun.   Síðan er hýst hjá vodafone, þannig að það ætti að vera einfalt verk að setja amk. upp eitthvað annað en þessa tilkynningar.

Þeir sem hökkuðu síðuna hefðu sjálfsagt getað valið sér vinsælli íslenska síðu til að hakka.  Ætli síðan sé svo lítið lesinn að þeir lesa hana ekki einu sinni sjálfir?

Ókeypis námskeið

Félagið mitt, JCI Esja, ætlar að bjóða upp á kynningarfund á fimmtudaginn, fundurinn hefst klukkan 20 og verður í Sjálfstæðissalnum í Grafarvogi.  Á eftir verður boðið upp á námskeið sem heitir Platínureglan.

Líttu við ef þú hefur áhuga á að kynnast starfi JCI, það kostar ekkert :) 

Frekari upplýsingar um JCI á www.jci.is og á www.jciesja.org

Gmailið að verða fullt

Gmail auglýsir alltaf "Aldrei að henda pósti aftur", nú bregður svo við að póstur til mín er í meira magni en þeir bæta við megabætum.  Ef sama þróun verður áfram mun boxið mitt fyllast á nokkrum mánuðum.  

Hvað er þá til ráða?

-Byrja að eyða, en það er t.d. ekki auðvelt að finna email með stórum viðhengjum

-Byrja upp á nýtt og skrá nýtt email

Maður segir núna eins og Karíus og baktus (í boði Samfylkingarinnar), ekki senda mér póst, ekki senda mér póst. 

Egill bloggar enn

Ég sé að það er enn opið á bloggið hans Egils, maður hefði haldið að 365 hefði nú amk. lokað á það miðað við allar yfirlýsingarnar. Þar fer hann nokkuð vel yfir sín mál. Þetta virðist vera nokkuð sollid case hjá honum.

Annað merkilegt í fréttum er auðvitað að eðalbloggarinn Óli Björn hafi fengið nýja vinnu, amk. treystir hann sér ekki lengur til að blogga. Greinilegt að 50 þúsund kallinn frá Byr hafi ekki dugað fyrir bloggarann.