Kostar ekkert að menga?

Hvað á fólk við að það kosti ekkert að menga? Er það svo að það kostar jafn mikið að aka um á Ford F-350 eða Austin Mini? Hefur það eitthvað breytt eða er meiri hluti verðs á elsneyti í raun skattar á vegum ríkisins, er þar með ekki verið að rukka menn fyrir að menga. Fáir mengandi hlutir eru jafn mikið skattlagðir og eldsneyti. Annar kostnaður við rekstur bifreiðar er nánast hverfandi miðað við áfengiskostnaðinn.

Athygli skal vakin á að það var bara verið að ræða um rekstrarkostnað, innkaups verð er annað mál. Þar eru örugglega tækifæri til að lækka gjöld og álögur á bifreiðar.

Umfjöllun um kynlífsráðstefnuna

Egill Helgason skrifaði mjög áhugaverðan pistil um klámráðsetefnuna.  Hvernig verið er að bendla þetta fólk við barnaklám, án þess að fyrir því liggi nokkuð annað en það að skapa viðbjóð hjá fólki, hitt hvernig sumir tala um að loka eigi landinu.  Hvernig er hægt að taka mark á svona fólki, þegar það er að tala um málefni sem venjulegt fólk er sammála? Má búast við því að allur málflutningur þeirra sé litaður á þennan hátt? 

Ég las svo á Bloggi Rósu Erlingsdóttur í dag, eftirfarandi:

Auðvitað fór það svo að tæknilega er ekki hægt að stoppa ráðstefnu klámhunda á Íslandi. Ekki má ganga gegn helstu rökum frjálshyggjunnar um frelsi einstaklingsins og hefta för klámframleiðenda þó þeir hafi játað á sig lögbrot í fréttum Ríkisútvarpsins.
Ætli víkingasveitin verði send að njósna þegar farið verður á skíði á afvikna staði? Verður fróðlegt að fylgjast með hvernig og hvenær verði gripið til aðgerða ef einhver grunur leikur á lögbrotum.

Er nú svo hægt að fara að um bæinn að handtaka fólk út af einhverju sem það hefur hugsanlega ætlað að gera? Það er hangið á þessu eina hálmstrái, til þess að gera þetta all voðalega tortryggilegt.

Á nú að fara að ráðast inn í svefnherbergi hjá fólki í leit að myndavélum?  Það er vel þekkt að af einhverjum ástæðum sem ég skil ekki tekur sumt fólk myndir af sér stunda kynlíf, hérna er um hreint klám á ferðinni samkvæmt þessu. Og  hvað með það þótt að það verði ákveðið að taka mynd af nöktu fólki í einhverjum afviknum dal, hvern sakar það?

Svo var nú merkilegt að lesa á sama bloggi rétt á eftir hvernig Steingrímur J, var máluð sem einhver karlremba. Sem höfundur skrifaði reyndar ekki sjálf sagði að væri eins og mælt úr hennar munni. Skildu aðrir femínista úr VG kvitta upp á þetta?

Steingrímur J. hefur misst flokk sinn í háðulegar samþykktir í bæjarstjórnum, skilar auðu í landbúnaðar- og matarverðsmálum og hefur að auki verið afhjúpaður sem karlremba í nýlegri bók.

Guð almáttugur bjarga okkur frá Össuri

Var að lesa bloggið hans Össurar þar vill hann breyta lögum um gjaldþrotaskitpi, þannig að kröfur á hendur þeim, sem sætir gjaldþroti, falli niður við lok skipta, ef ekki fæst fullnusta þeirra við gjaldþrotaskiptin.

Undir lokin segir hann:

Þessu ætla ég semsagt að breyta þegar mínir menn fara í ríkisstjórn – og guð forði bönkunum frá því að gera annaðhvort mig eða Jóhönnu Sigurðardóttur að arftaka Árna Matt.

Guðmundur Magnússon fyrrum bloggari var fljótur til og svarar:

Megi Guð almáttugur bjarga okkur öllum frá því,ekki bara bönkunum.

Þetta er auðvitað mjög fyndið hjá Guðmundi, en samt nokkur sannleikur til í þessu hjá honum. Án þess að ég sé nokkuð að blanda Guði inn í þetta finnst mér ekki spennandi að hugsa til þess að annað hvort Jóhanna eða Össur verði fjármálaráðherrar.

Það er samt gott að vita hverjir eru fjármálaráðherraefni þeirra. Ég tek undir með Össuri að það veiti ekki af því að breyta þessum, ef hann verði fjármálaráðherra.

Samfylkingin hlýtur að ráða yfir betri fjármálaráðherraefnum en þessum tveimur.

Hið eina rétta

Auðvitað getum við ekki stöðvað ferðalög fólksins hingað til lands, hins vegar geta menn tekið á því ef þetta fólk fer að brjóta einhver lög.

Við getum ekki takmarkað ferðir fólks bara af því við höldum að það ætli að gera eitthvað ólöglegt.

Þetta er mun eðlilegri afstaða heldur en margra annarra sem hafa lagt til að landinu verði lokað, í einhverjum popúlisma.

Ekki hægt að hefta för klámframleiðenda hingað

Flott hjá Miði.is

Í morgun skrifaði ég blogg um miðasölukerfi bíóanna en þau ætla að fara að nýta sér þjónustu Midi.is.

Þegar ég les fréttina var eins og eina leiðin til að fá rafræna miðann, væri í gegnum MMS. Nú eru menn eins og ég ekki mjög nútímalegir í símum, og minn er gamli jálkur er t.d. ekki með MMS. Hef amk. aldrei notað mér þann fídus, því fannst mér heldur flókið að nýta sér þetta. Síðar kemur í ljós að þetta er bara ein þjónustan, ég mun geta nýtt mér að prenta út miðann og mæta með mitt útprentaða blað.

Mér finnst flott hjá midi.is að kommentera strax á bloggið og leiðrétta miskilninginn. Þar á bæ eru menn greinilega að fylgjast með umræðunni. Flott hjá þeim.

Annars finnst mér merkilegt að ekkert bíó hérna heima skuli bjóða upp á númeruð sæti. Manni finnst alltaf hálfgerð ómenning í gangi þegar fólk er að ryðjast inn til þess að ná sér í bestu sætin. Úti í Danmörku panta menn sér sæti á netinu eða í miðsölu og fá bara sitt sæti. Svo er hægt að hafa nægan tíma til þess að kaupa sér popp án þess að standa í troðningi.

Hressandi steggjun

Þetta er ekki í fyrsta skipti sem maður heyrir af svona á sér stað. Heyrði af einum sem tók sig til og labbaði yfir nokkra bíla á laugaveginum, hann þurfti ekki að kæra en hann greiddi fyrir þær skemmdir sem hann olli. Ég heyrði af öðrum sem notaði hveitibrauðsdagana til þess að bíða eftir vísareikningnum, en hann hafði greitt heldur mikið í ákveðna dansmey, nokkrum dögum fyrir giftingu.

Svo hefur maður auðivitað orðið vitni af aðilum bara klæddum í plastpoka, með vodkapela um hálsinn, vafrandi um miðbæinn.

Ég held nú samt að tími þessara ofursteggjanna sé að mestu liðinn. Þetta er amk. ekki mjög spennandi innganga í hjónabandið að þurfa að greiða háar sektir, eða eiga von á lögsóknum eftir tryllt djamm.

Steggjunin endaði í fangaklefa

Króníkan

Ég las Krónikuna um helgina og varð fyrir nokkrum vonbrigðum.  Það var fyrst og fremst fyrir efnistökin, ég hélt að það ætti að vera fréttablað með dýpri greiningu á fréttum.  Ég get alveg eins keypt mér Mannlíf eins og að kaupa mér þetta blað.

Ég vil fá slúður, ég vil fá dýpra fréttatengt efni um málefni líðandi stundar.   Hvorugt fannst mér koma fram í þessu fyrsta tölublaði.

Ég vona að þeir endurskoði þetta og næsta útgáfa verði betri.

Spá þulan Ellý Ámansdóttir segir að þetta sé í stjörnumerkinu hjá ritstjóranum. Ég hef aldrei verið trúaður á stjörnumerki.

Gaman að hitta bloggvin

Í gær hitti ég í fyrsta skipti bloggvin minn "In real life", reyndar heilsuðumst við bara en það er gaman að hitta fólki í eigin persónu. Sú umrædda var hlaupkonan og lögfræðineminn Magga Elín.

Of flókið

Ég velti fyrir mér afhverju þeir eru að gera þetta svona flókið, af hverju er ekki hægt að láta fólk prenta þetta út og mæta með miðan útprentaðann?   Menn geta svo valið um að fá þetta í MMS símann sinn ef það er komið nálægt sýningartíma.

Bíó: Rafrænir bíómiðar teknir í notkun

Smáborgarabylting vegna klámstefnu

Pawel Bartoszek skrifar góða grein um klámráðstefnuna á Deigluna. Þessi grein hans Pawel er ansi góð og lýsir mörgu af því sem ég hef sagt hérna um þetta mál. Ótrúlegt hvað það virðist vera mikil populismi í gagni þessa dagana um þetta.

Smáborgarabylting vegna klámstefnu