Viljum við... vorkenna Sól í straumi?

Voru Sól í straumi að biðja um málefnalega umræðu? Svo bjóða þeir uppp á svona myndband í eigin nafni. Er þetta sú málefnalega umræða sem þeir vilja?

Maður áttar sig nú ekki á þessum áróðri hjá þeim:

Barn: Mamma, ég get ekki andað
Móðir: Æi, farðu bara og hlustaðu á Bjögga diskinn

Margrét hefði sagt strax af sér!

Það eru greinilega ekki allir sáttir við Margréti eftir að hún hætti í Frjálslyndaflokknum, en hún virðist hafa viðurkennt að þetta hafi bara verið leikrit, einmitt eins og ég sagði frá upphafi. Nú skal það tekið fram að það sem ég hef fyrir mér eru orð Benedikts, en þeim hefur ekki verið hafnað en hann skammaður fyrir að senda Margréti ekki persónuleg skilaboð.

Hafi þessi orð Margrétar verið rétt eftir henni höfð er ljóst að hún hafði ansi marga að fíflum í þessari leikflettu.

Hérna eru orðin eins og þau standa í athugasemdakerfi Margrétar:

Margrét
ég ætla vænta þess að þú lest þetta

en mér þykir þú vera ASNI,
þú bauðst þig fram til varaformanns frjálslyndra en segir síðan í viðtali við Helgarútgáfuna á rás 2 á laugardaginn að þú hefðir FARIÐ STRAX UPP Í PONTU OG SAGT AF ÞÉR UM LEIÐ EF ÞÚ HEFÐIR NÁÐ KJÖRI, VEGNA ÞESS AÐ ÞÚ LEIST YFIR SALINN OG SÁST ÞAR FÓLK SEM ÞÚ MYNDIR EKKI GETA UNNIÐ MEÐ.
þú hafðir mig og mjög marga af fíflum sem komu gagngert til þess að styðja þig í þessum slag og við vonuðum að þú myndir ná kjöri, Sem svo hefði ekki skipt neinu máli því þú hefðir sagt af þér um leið.
Ég er bálreiður út í þig Margrét og kannski ætti ég bara að fara skíta þig út.
mér finnst að þú ættir að drulluskammast þín.
kveðja
Benidikt Guðmundsson

 

Safnanir fyrir lagabreytingar

Af Silfri Egils:

Samkvæmt góðum heimildum mínum höfðu sumir flokkanna vaðið fyrir neðan sig áður en lögin tóku gildi, herjuðu á fyrirtækin í landinu og söfnuðu í sjóði til að eiga í kosningunum. Þeir semsagt sníktu peninga áður en þeim var bannað að sníkja peninga

Ég ætla rétt að vona að flokkarnir hafi safnað eitthvað áður en þessi lög tóku gildi, rétt eins og menn hafa hömstruðu Díselolíu áður en lög um dísel breyttust. Díselinn kláraðist eðli málsins samkvæmt fljótlega, og sama gildir væntanlega um peninga úr þessum söfnunum.

Áhugavert málþing

Var að rekast á áhugavert málþing hjá Vöku. Gæti verið spennandi að líta við og sjá hvað menn hafa um málin að segja. Hvernig verður stemningi á milli Margrétar og Jóns? Hvað mun Björgvin segja varðandi skólagjöldin, sem hann viðraði fyrir skemmstu?

Eru stjórnarviðræður í gangi?

Pétur Gunnarsson kom með ansi hreint skemmtilegt skúbb, þess efnis að formaður VG og formaður Sjálfstæðisflokksins hafi hist. Þetta er snilldartrikk hjá Pétri, hrein snilld.

Hvernig getur nú VG fullyrt að Framsókn og Sjálfstæðisflokkurinn sé ein heild þegar VG og D eru í stjórnarviðræðum bak við tjöldin? Hversu trúverðugur er kommaáróðurinn þegar þeir eru búnir að ákveða að skella sér í eina sæng með D eftir kosningar?

Árna Þór bítur svo á agnið með því að koma inn á athugasemdakerfið með hálf dularfulla færslu um spindoktora en afneitar ekki fundinum. Það gefur Pétri spinn til að skella sér í umferð 2 með þetta mál, þar sem hann kemur með kenningar um að Árni hafi ætlað sér að svíkja eigin flokk, með leikfléttu.

Pétur er greinilega í ham í dag, ég fylgist spenntur með.

Tillögur framsóknarflokksins

Framsóknarflokkurinn mun hafa viljað 35 milljón króna þak á auglýsingakostnaðinn, Samfylkingin vildi miða við 30 milljónir en hinir flokkarnir stungu upp á 15 til 20 milljónum.

Það vekur óneitanlega athygli hversu mikið Framsóknarflokkurinn er tilbúinn að eyða í kynningarstarfið og er alveg í takt við hvernig flokkurinn hefur spilað undanfarin ár. Sama gildir um Samfylkinguna sem vildi eyða 30 milljónum á meðan hinir (og þar meðtalið Sjálfstæðisflokkurinn) vildu bara eyða 15 - 20 milljónum, sem er verulega minna.

Auglýsingakostnaður stjórnmálaflokkanna takmarkaður við 28 milljónir

Fráleitar hugmyndir

Þetta eru alveg fráleitar hugmyndir, afhverju ætti að setja þetta frekar á pizzukassa frekar en t.d. mjólkurfernur? Fyrst það verið að birta þessi nöfn á annaborð má ekki birta þetta í blöðum eða á netinu?

Það mæti ætla að markhópurinn "kaupendur á pizzum" eigi eitthvað annað sameiginlegt en að hafa áhuga á að vita hverjir greiði ekki í barnameðlög. Kannski að gosframleiðendur séu betur til þess fallnir að auglýsa á þessum kössum?

Myndir af mönnum sem skulda meðlag á pizzukössum

Vís stjórn

Menn eru á fullu um allan bæ að búa til nýja Ríkisstjórn. Hérna er eitt mynstur sem viðkomandi kallar VÍS:
Góða eða slæm stjórn?

Vanhæfni umhverfisráðherra

Denni er með ansi merkilegar pælingar um stöðu umhverfisráðherra gagnvart Framtíðarlandinu, sérstaklega í ljósi þess að ekki er vitað hverjir fjármagna þessi samtök.

Orkufrekur iðnaður og VG

Rauðaljónið bendir á að Steingrímur hafi stutt orkufrekan iðnað í kringum Húsavík. Steingrímur hefur amk. ekki farið fram á að þessi frétt sé leiðrétt.

Það væri áhugavert að heyra frá Steingrími hvort þetta væri allur orkufrekur iðnaður eða hvort hann hefði einhvern sérstakan iðnað í huga. Hvort þetta væri bara í hans kjördæmi eða hvort önnur svæði mættu njóta góðs af þessum iðnaði, t.d. austurland.

Í fréttinni segir nákvæmlega:
Þá lýsti Steingrímur J. Sigfússon yfir eindregnum stuðningi við það að nýta jarðhitasvæðin í nágrenninu fyrir orkufrekan iðnað á Húsavík og nafngreindi hann sérstakalega Þeistareyki og jarðhitasvæðin í Mývatnssveit.

Við hljótum að fá einhverjar útskýringar á þessu frá VG.