Ekki í atkvæðaleit?

Undanfarið hafa Frjálslyndir sagt að þeir séu bara að huga að erlendum gestum okkar en séu ekki að ala á útlendingahatri. Í því ljósi er fróðlegt að lesa þetta.

Hvað gerir Arna?

Nú er komið í ljós að eingöngu forsvarsmenn Króníkkunnar ætla yfir á DV. Spurningin er þá hvað gerir Arna. Hún var búinn að starfa lengi á Mogganum, og sjálfsagt orðin þreytt á því. Spurningin er hins vegar hvort hún snýr aftur á sinn gamla vinnustað eða leitar annað?

Enn og aftur sannast að það eru blaðamenn en ekki bæjarstjórar sem eiga að fá feita starfslokasamninga.

Afhverju ætti Alcan að gefa upp kostnaðinn?

Það er furðuleg krafa á hendur Alcan að þeir gefi upp hvað þeir kostuðu til þessa verkefnis. Þetta er einkafyrirtæki og skilar sínum sköttum. Hvort þeir ákveði að bæta sína ímynd fyrir einhverjar milljónir (sem má augljóslega deila um hvort hafi virkað) er algjörlega þeirra einkamál.

Það er augljóst að hérna var mikið hagsmunamál á ferðinni, kostnaðurinn við þessar kynningar hefur væntanlega verið dropi í hafið miðað við þann kostnað sem verksmiðjan hefur nú þegar lagt í við undirbúning verksmiðjunnar sem aldrei rís.

Kostnaður Sólar í Straumi um 3,5 milljón króna

Blogg partý

Tók ekki eftir C-inu og las þetta fyrst sem blogg, missti mig að sjálfsögðu og las fréttina.

Hélt að hérna væri á ferðinni blogg partý og fannst AirWaves vera farnir að gefa netmiðlunum gauðan gaum. Nú væri komið að því að bjóða bloggurunum í partý og fá þá til að skrifa vel um hátíðina.

Þetta er alla vegna hugmynd.

Bloc Party á Iceland Airwaves 2007

Hafnarfjarðar aprílgabb

Í dag skrifa ég á Deigluna um fíaskóið sem upp er komið í Hafnarfirðir.
Hafnarfjarðar aprílgabb.

Mögnuð barátta

Það er magnað að fylgjast með þessari baráttu, eins og ég skrifaði ég gær skildi ég ekki alveg hvað Pálmi var raunverulega að koma fram, þar sem ekki var verið að skjóta á hann. Í dag vitum við að þetta er sem sagt Flugleiðum, Pálma og Samkeppnisstofnun að kenna hvernig fór fyrir Iceland Express. Þessir ágætu herramenn bera enga sök.

Í gær benti talsmaður femínista á að ekki er sagt:"Karlar eru körlum verstir". Ímyndið ykkkur hvað hún hefði sagt ef það hefðu verið konur sem hefðu rekið þetta og það samsæri sem karlarnir væru að leggja fyrir konurnar.

Segja Pálma eiga persónulegan þátt í rekstrarerfiðleikum IE

Svona eins og 2 þættir

Ég er mikill aðdáandi 24 þáttanna og á til fyrstu 4 seríurnar, sería 5 og 6 bíða betri tíma kannski páskanna.

Einu sinni reyndi ég að horfa á seríu á stöð 2 um leið og ég horfði á gamla seríu, það var algjörlega vonlaust verkefni. Besta leiðin er einmitt að horfa á þetta í einum rikk.

Ég er alls ekki sannfærður um að bíómynd eigi samt eftir að heilla mig. Ég veit það ekki, þetta er algjörlega þættir sem eiga að vera áfram sem þættir.

24 mega eiga það, að ólíkt mörgum þáttum sem eru snilld í fyrstu seríu, þá verða seríurnar á eftir eins og að horfa á lélega framhaldsmynd. Nú seinast stefnir í þetta með Prison Break, ef þeir ætla að halda áfram að teygja lopan í næstu seríu. Sama fannst mér t.d. um Lost og Desperate Houswifes.

24 kvikmyndinni slegið á frest

Enn heiðursgestur

Þessi frétt vakti athygli mína, ætli margir bæjir séu enn með Hitler sem heiðursboragra? Væntanlega hafa ansi margir gert Hitler að heiðursborgara á sínum tíma.

Það er svo auðvitað spurning hvort látinn maður geti verið heiðursborgari?

Sumarleyfisbær sviptir Hitler heiðursborgaratitli

Eitt langbesta í bænum

Var að skoða tilboð á ferðatölvum, enda er mín orðin frekar döpur, eftir þá meðferð sem hún hefur fengið. Rakst þá á þetta:

 

EITT LANGBESTA FARTÖLVUTILBOÐ Í BÆNUM - GRÍÐARLEGA VEL BÚIN TÖlVA - SJÓN ER SÖGU RÍKARI

Nú skal það tekið fram að þetta er sjálfsagt mjög gott tilboð, en væntanlega er þetta eitt besta eða þá langbesta tilboðið.

Frjálslyndir hafna Samfylkingunni

Undanfarið hafa verið umræður um stöðu Frjálslyndra innan kaffibandalagsins svokallað. Fyrst og fremst hefur verið rætt við formenn hinna flokkanna, en ekki verður annað sé en að Jón Magnússon, taki af skarið á blogginu sínu í dag og hafni samstarfi við Samfylkinguna, vegna áherslumunar í innflytjendamálum.

Það virðist fara nokkuð lítið fyrir formanninum þessa dagana, það er eins og Jón Magnússon sé orðinn formaður en Guðjón Arnar hafi týnst. Samruni eða take over?