Bloggátak dagsins

Bjössi er í bloggátaki og nú kominn á topp 400. Ég hef fulla trú á Bjössa, hann á örugglega eftir að skauta upp listann.

Netgreinar

Nú er kominn einhver efnisflokkur neðst á mogganum (mbl.is) sem heitir netgreinar, í fyrstu hélt ég að þetta væru bara aðsendar greinar og myndu birtast í þar til gerðu umhverfi innan mbl.is. Þegar ég prufaði að smella, þá birtust mér blogg.

Ekki minkaði hrifningin við þetta, þegar vinir mínir á blog.is myndu ekki bara taka eftir mér einhvern dag og setja mig á lista hinna viljugu og útvöldu, heldur væru þeir farnir að handvelja áhugaverðar færslur og birta þarna niðri. Hið besta mál og hvatning fyrir mig og fleiri virka bloggara til að skrifa inn langar og vandaðar færslur.

Nú er ég búinn að lesa þetta í nokkra daga, og tek eftir því að alltaf eru þetta fyrstu og einu færslurnar sem hafa birst hjá viðkomandi. Þetta virðist því ekki vera eins og ég hélt, einhverskonar handval, heldur heldur eru aðsendu greinarnar sem fá ekki birtingu í blaðinu skellt þarna, að því er virðist.

Það er spurning hvort þetta sé eitthvað trikk að fjölga notendum á blog.is?

Frá hverjum var bréfið?

Á lokadögum fyrir kosningarnar um álverið barst bréf til Hafnfirðingar frá bökkum Þjórsár, nú hefur Guðmundur Sigurðsson, sett nokkuð ljós á málið.

 Í upphafi skal endirinn skoða.

 

Tilefni þess að ég sendi ykkur línu, er bréf það sem búið er að bera í hús í Hafnafirði og kennt við bændur á bökkum Þjórsár.

Þegar undirskriftirnar eru skoðaðar kemur í ljós að fæst af þessu fólki á beinna hagsmuna að gæta. Aðeins, að mér sýnist, tveir aðilarjavascript:tmc.toggle() Nota grafískan ham sem hafa hagsmuna að gæta, sem sagt búa á jörðum sem ná að Þjórsá og vatnsréttindi hafa ekki verið seld á.

Annars er þarna mest fólk sem býr fyrir neðan allar virkjanir og svo gamalmenni sem ekki stunda búskap lengur. Það eru ekki nærri allir á þessum lista sem eiga land að Þjórsá.

Með baráttu kveðju
Guðmundur Sigurðsson
Reykhóli Skeiðum

Tekur eldri eigendur í nefið

Það er nokkuð magnað að lesa þetta eftir að hafa lesið orð Pálma. Ég veit reyndar ekki hvernig eða hvar þeir hafa verið að ráðast á Pálma eins og hann segir, en hitt er annað mál að þetta er örugglega rétt hjá Pálma, enda man maður hvað var gert þarna í kjölfarið á að hann keypti það.

Hitt er auðvitað annað mál, að stundum læddist að manni sá grunur um að samstarf á milli Iceland Air og Iceland Express hafi aukist við þetta, amk. voru verðin oft alveg nákvæmlega þau sömu og oft nokkuð dýrari hjá Iceland Express heldur en hjá Icelandair.

Íslendingar munu væntnalega seint njóta sömu kjara og þegar gömlu eigendurnir voru að reka félagið, eins og Pálmi bendir á var það þá kannski rúsnesk rúlletta, og spurning hvenær maður endaði án flugfars. Ég nýtti mér oft á þessum tíma ódýrar ferðir sem voru í boði nánast bara fyrir svokallaða flugvallarskatta.

Voru í forstjóraleik og án allrar reynslu í flugrekstri

Áhugaverðar vangaveltur Staksteina

Staksteinar velta því fyrir sér í dag hvort það séu samningaviðræður í gangi bakvið tjöldin um sameiningu Glitnis við Landsbankanna eða KB. Ætli það sé eitthvað til í þessu?

Talandi um staksteina, þá virðast þeir vægast sagt lítið lesnir hérna á blogginu, með um 600 lesningar í það heila á heilli viku. Ætli það sé einhver að hafa handvirkt fyrir því að setja þetta þarna inn? Það vinna sem borgar sig varla.

Auglýst eftir afstöðu

Þeir hefðu kannski getað auglýst eftir afstöðu flokksins í Hafnarfriði. Miðað við við viðbrögð bæjarbúa í dag, verur fróðlegt að fylgjast með viðbrögðum flokksins eftir þetta. Varla ætla þeir að gera ekki neitt, eftir að vera búnir að bíða svona lengi með þessar kosningar. Það er ótrúlegt að vera búnir að láta Alcan leggja í allan þennan kostnað, gera alla þessa samninga og fá öll tilskilin leyfi. Svo rétt áður en framkvæmdir hefjast, þá að skella á þessum kosningum.

Sveitastjórnarráð Samfylkingarinnar óskar Hafnfirðingum til hamingju

Slapt gabb á mogganum

Þetta er óvenju slappt gabb hjá Mogagnum í ár. Stöð 2 átti betra, það eru sjálfsagt einhverjir sem eru núna á leiðinni á vísi og skoða hvað þurfi til að skrá sig á vísi.is í varaliðið. Svo er ég örugglega ekki á leiðinni niður í Rúv að kaupa mér ódýr húsgögn frá RÚV ohf.

Aprílgöbb stór og smá

Pyrrhosarsigur í Hafnarfirði?

Borgar Þór Einarsson, skrifar áhugaverðan pistil í Dag á Deigluna, með fyrirsögninni: Pyrrhosarsigur í Hafnarfirði?.

Þar segir hann:

Ögmundur Jónasson, þingflokksformaður Vinstri grænna, segir á heimasíðu sinni um úrslitin í Hafnarfirði að þáttaskil hafi orðið í langvarandi deilum um virkjanastefnu og efnahagsstefnu á Íslandi. Hann og aðrir stöðvunarsinnar ætla greinilega að falla í þá gryfju að túlka niðurstöðuna í Hafnarfirði sem sigur fyrir sinn málstað.

Nú munu augu manna væntanlega beinast að uppbyggingu stóriðju norður á Bakka við Húsavík og suður í Helguvík í umdæmi Reykjanesbæjar. Á báðum þessum stöðum, einkum Húsavík, er atvinnuástandið mun síðra en í Hafnarfirði og á báðum stöðum stendur til að reisa álver nokkuð fjarri íbúðarsvæðum. Ef íbúarnir á þessum stöðum lýsa yfir vilja sínum til þess að álver verði reist þar, væri það þá til marks um íslenska þjóðin sé fylgjandi stórfelldri álvæðingu? Með röksemdarfærslu Ögmundar, og þeirra sem túlka úrslitin í Hafnarfirði með álíka hætti og hann, yrði svarið afdráttarlaust já

Það er nokkuð mikið til í þessu miðað við þá umræðu sem nú fer fram um næstu skref álvinnslu.

Frjálslyndir leggja línurnar

Hafi það farið fram hjá einhverjum, þá liggur alveg ljóst fyrir eftir auglýsingar helgarinnar hvaða stefnu Frjálslyndir ætla að taka. Það á númer 1,2 og 3 að ala á ótta vegna útlendinga.

Fullan kraft í Húsavík og Helguvík

Þetta þýðir að nú verður settur fullur kraftur í Helguvík og Húsavík. Hafnfirðingar hafa ekki náð að losa okkur við CO2, mengun en nú eins og allir vita eru þessir tveir staðir að undirbúa álver. Álverið í Hafnarfirði hefði tafið þessar framkvæmdir og því er þetta sjálfsagt léttir fyrir þá aðila.

Hafnfirðingar höfnuðu stækkun álversins