Deiglan.com tilnefnd

Deiglan var tilnefnd sem besti Afþreyingarvefuinn hjá Íslensku vefverðlaunum. Aðrir vefir tilnefndir eru:

Besti afþreyingarvefurinn

• www.baggalutur.is
• www.deiglan.com
• www.leikjanet.is
• www.tonlist.is
• www.visir.is

Guðmundur í Byrginu kærir nauðgun

Guðmundur í Byrginu er með afsakanir á öllu á reiðum höndum, nú eru lygarnar eitthvað farnar að bíta hann í rassgatið.    Vefurinn 69.is birtir myndir af Guðmundi, þar sem hann er í aðgerðum með stúlkunni sem kom í Ísland í dag, fyrir áramót.  Reyndar sést andlit Guðmundar hvergi á þessum myndu, en það er samt nokkuð ljóst hver er á ferðinni.

Ég mæli ekki með þessum myndum fyrir neinn.

Greinilegt var að Guðmundur hefur séð þetta því sagt var að þessar myndir væru að finna á bloggi en séu þetta einu myndirnar er það ekki rétt, því þetta birtist inna 69.is  Myndirnar hafa þeir ekki af netinu því þetta virðist vera myndband sem er meira en 300 mb.

Guðmundur staðfestir að þetta er hann með því að segjast vera búinn að kæra þetta myndband og þá fyrir nauðgun!  Það verður fróðlegt að heyra hvernig þessi smáa stúlka á að hafa náð að nauðga honum og afhverju hann hefur þá ekki sagt frá því áður!

Vísir, 17. jan. 2007 19:27

Guðmundur í Byrginu ætlar að kæra nauðgun

Guðmundur Jónsson, fyrrverandi forstöðumaður Byrgisins, segist ætla að kæra stúlku fyrir nauðgun, sem sjálf hefur kært hann fyrir nauðgun. Þetta sagði hann í kvöldfréttum Ríkissjónvarpsins í kvöld. Myndband hefur gengið manna á millum á netinu í dag þar sem Guðmundur sést í BDSM kynlífsleikjum með stúlkunni.

 

Áður hafði Guðmundur staðfastlega neitað því í viðtölum að hafa nokkurn tíma stundað BDSM-kynlíf eða að hafa átt kynferðislegt samneyti við stúlkuna, sem var á sínum tíma vistmaður í Byrginu.

Að sögn Ólafs Helga Kjartanssonar, sýslumanns á Selfossi, hefur kæra Guðmundar ekki borist en hann segist hafa ástæðu til að ætla að hún berist von bráðar.

 

Shit happens

Það er ótrúlegt að heyra svona sögur. Væri ekki bara betra að fá aðeins ódýrari hring og fá að gifast þeirri sem þú elskar.

Ég sé þetta alveg fyrir mér, hann að færa ástinni nýskitnum hringnum...

Brúðguminn gleypti hringinn

Kom þetta henni á óvart?

Skildi það hafa komið Margréti á óvart að fóstbróðir Magnúsars Þórs, Guðjón A. Kristjánsson, hafi lýst yfir opinberum stuðningi við hann?  Hún hefur ráðist opinberlega á þá báða.  Hún hefur alla tíð sagst ætla að bjóða sig fram í formann eða varaformann.  

Hver var svo sættin að bjóða sig fram til varaformanns?  Þetta hljómar eins og Margrét ráði þessu bara, hún sé að gera Guðjóni Arnari greiða að hann fái að vera þarna aðeins lengur.   Hún ráði og reki menn í flokknum.

Svo eftir að hún er búinn að ráðast á þá félaga kvartar, hún undan því að hún fái ekki að bjóða sig fram á eigin verðleikum.  Það er eins og hún eigi enga stuðningsmenn í flokknum, eru hún ekki að bjóða sig alveg jafnt fram á eigin verðleikum og aðrir flokksmenn?   

Þetta er auðvitað allt saman hluti af plottinu, Margrét er að spila skák og hefur verið að gera það frá upphafi.   Hún þorði ekki að bjóða sig fram til formanns, því hún veit að Magnús Þór er mun umdeildari en Guðjón Arnar. Með þessu er hún að kalla eftir samúðaratkvæðum.  Hún ein konan á móti vondu strákunum. 

Margrét: Hlýt að íhuga að bjóða mig fram í formannsembættið

Við vitum þetta

Það þarf ekki Hawking til að segja okkur þessar fréttir, þetta vitum við.  Það er fagnaðarefni hvað Íslendingar eru að verða meðvitaðri um þessi mál á hverjum degi.  

Þetta byrjar allt hjá okkur sjálfum. 

Hawking: Loftslagsbreytingar hættulegri mannkyninu en hryðjuverk

Sleggjann til Frjálslyndra?

Nú hefur Kristinn H. ákveðið að þyggja ekki sætið.  Það vekur athygli að þetta skuli gerast eftir að listinn hefur verið kynntur, en reyndar áður en hann hefur verið samþykktur.   Maður hefði haldið að flokkurinn hefði farið fram á að Kristinn gæfi svar  á undann.

Nú er það spurning hvort Kristinn fari ekki til Frjáslyndra, líklega er það einu sem eru enn með opna lista á þessu svæði en Kristinn er greinilega kominn með næsta leik en hann segir að þetta muni skýrast á næstu dögum.

Kristinn H. ekki í framboð fyrir Framsóknarflokkinn í NV-kjördæmi

Mun tapa

Ef eitthvað kemur Margréti í embætti, þá er það þegar Magnús og félagar bitu á krókinn og ráku hana.  Sverrir og Margrét bjuggu til snilldarplott, hún hegðar sér illa gagnrýnir stóru strákana, kemur svo fram sem saklausa duglega stelpan sem strákarnir eru á móti.

Augljóslega er ég ekki í flokknun, en þetta virðist liggja svo augljóslega fyrir og hreint ótrúlegt að þetta sé að takast.

Ef Margrét var upphefa á móti félögum Jóni og kó, afhverju birtist ekki neitt fyrr en löngu síðar.  Jafnvel kom fram að hún styddi þessar umræður.

Það var svo ekki fyrr en fylgið rauk upp úr öllu valdi að Margrét trompast og snýr algerlega við blaðinu.

Ég held að margir úr flokknum viti allt um þetta og því muni Margrét ekki bera sigur úr bítum.

Margrét Sverrisdóttir sækist eftir sæti varaformanns Frjálslynda flokksins

Kristilegavefritið Tadds

Kristilega vefritið Tadds hefur birt greiningu um heimsókna á vefinn sinn. 

Taddsarar eru konungar einkahúmorsins.   

Enginn á torrent.is

Það fór sem mig grunaði, það þorði enginn að gefa sig fram og bjóða mér á torrent.is enda allt eins víst að ég sé náinn samstarfsmaður Dómsmálaráðherra og stundi persónunjósnir um gesti mína.

Nei, bíðið við það er annar bloggari.

Hvað er bráðun?

Hefði haldið að þetta ætti að vera bráðnun, en bráðun kemur tvisvar fyrir. Ætli þetta sé dregið af bráð og ísinn sé að verða bráð sólarinnar?

Bráðun hafíss hraðar hlýnun andrúmsloftsins

Hæg bráðun hafíss kann að hraða hlýnun andrúmsloftsins mun meira en hingað til hefur verið talið, að því er vísindamenn við Náttúrustofnunina á Grænlandi segjast hafa uppgötvað. Ástæðan er sú, að ísinn bindur koltvísýring úr andrúmsloftinu í hafinu.

 

Bráðnun hafíss hraðar hlýnun andrúmsloftsins