Ekki í 10 heldur 12

Í frétt Moggans segir eftirfarandi: 

Athygli vekur, að Svíar, sem spáð var velgengni, lenti í 10. sæti í undankeppninni en 10 þjóðir fóru áfram úr hvorum riðli í úrslitin.

Það rétta er hins vegar að Svíar lentu raunverulega í 12 sæti með 54 stig, en á undan þeim voru Makedónía með 64 stig og Búlgaría með 56 stig. 

Hins vegar voru Svíar lánssamir því dómnefndi valdi þá áfram.

Annað sem vekur athygli er að rússar lentu eingöngu í 3 sæti í undankeppninni í sínum riðli en Grikkir voru í fyrsta sæti. 

Ísland varð í 8. sæti í undankeppninni

Stóri glæpur Eyva

Það er nokkuð merkilegt að stóri glæpur Eyva í Stormskersmálinu er að hann kallar Sverri, Sverri Ólafsson.   Það er merkilegt ef það er hægt að fara í mál við Sverri þegar hann er kallaður því nafni sem hann raunverulega heitir.   Ég get ekki séð að það sé nokkur skráður sem Sverrir Stormsker í þjóðskránni.

Er ekki Eyvi að gera það sem á að gera?

 

Bjartsýni

Íslendingar eru frábærlega bjartsýn þjóð, ég held að við höfum alltaf haldið að við myndum vinna þessa keppni, jafnvel þegar Daníel Ágúst fór út.  Þórhallur hefur örugglega eitthvað betra við tíma sinn að gera en að leita að húsi undir keppnina.  Ef við vinnum munar varla um 2-3 daga, meðan menn jafna sig, til þess að finna húsið. 

Keppendurnir okkar í ár, mega reynda eiga það að þau stóðu sig bara ágætlega í keppninni. Hins vegar eru fjölmörg góð atriði í keppninni og þrátt fyrir gott gengi er sigurinn frekar langsóttur.

Ég veit amk. hvað ég ætla að kjósa á morgun, ef ég kýs. Það verður franska lagið, skemmtilegt lag og gott myndband.  Svo skemmir ekki fyrir að lagið er á ensku, í fyrsta skipti sem það gerist hjá Frökkum. Það væri ekki leiðinlegt að Frakkar myndu vinna þessa keppni þegar þeir syngja á ensku.

Þegar ég las um viðbrögð forsætisráðherrans franska rifjaði ég upp umræðuna þegar Mörður Árnason setti sig upp á móti því að Birta yrði að Angel.

Evróvisjón á vellinum?

Sverrir heldur áfram

Um daginn las Sverrir upp yfirlýsingu á Útvarpi Sögu, þar sem hann er þáttagerðarmaður, vegna greinar sem Stefán Hilmarsson skrifaði og svaraði eldri umræðu.

Nú hefur hann skrifað meira:

Stefán var mjálmandi í mér einsog smákrakki öllum stundum biðjandi mig að gera sig frægan: „Gerðu það gerðu mig frægan. Mig langar svo að verða frægur." Og ég gerði það. Þessi kvennaskólakrakki hafði sérkennilega háa rödd, ekki óáþekka Mikka mús.

Þetta eru ótrúleg skrif og varla birtingarhæf.  Þetta er þó bara eitt af mörgum dæmi í þessum ótrúlega pistli.  Ég er nokkuð viss um að Fréttablaðið myndi ekki birta þessa grein, hefði það verið einhver annar sem hefði skrifað hana.  

Stefán sagði í sinni seinustu grein að hann ætlaði ekki að svara honum. Þessi grein er nú þannig að menn hljóta að bregaðst við.   

Í þessari grein ræðst hann líka á Eyva, þar sem hann segist ætla að fara í mál við hann fyrir að geta síns ekki sem höfundar að textanum "Gott", meðal annars á heimasíðu Eyva. Ég "googlaði" þetta nú og ef þessi síða er til þá er hún nú ekki ofarlega í leitinni.

 

Sverirr tekur upp haglabyssu og dritar í allar áttir

Nokkuð gaman að fylgjast með Sverri Stormsker þessa dagana, þar sem hann virðist vera búinn að taka upp haglabyssinu og dritar í allar áttir

Vegna slæmrar reynslu af hinum harðlæsta plötubransa þá lagði ég mig hins vegar í líma við að koma fjölmörgum söngvurum á framfæri, til að mynda Stebba Hilmars sem ég fann bláeygðan og gjörsamlega óþekktan og rennblautan á bak við tóneyrun í Kvennaskólanum á sínum tíma og ruslaði honum upp á svið.

Í dag finnst þeim ágæta manni heilladrýgst að þakka fyrir sig með því að minnast ekki einu orði á það á heimasíðu sinni hver hafi dröslað honum á lappir og samið ofan í hann fyrstu vinsælu lögin sem hann söng inn á plötur og gerðu hann að því sem hann vildi verða – frægan. Hann leggur sig hins vegar í framkróka við að sniðganga mig þegar kemur að styrkveitingum úr Tónskáldasjóði FTT en þar situr Stebbi einn þriggja í úthlutunarnefnd. Munurinn á hundum og mönnum er sá að hundarnir bíta mann ekki eftir að maður gefur þeim að éta. Þar skilur á milli dýrs og ódýrs. Það er annað að vera sheep en cheap.

 

 

Hver kom Stormsker á framfæri?
Bitur bögusmiður á skítadreifara

Nú skilst mér að Sverrir sé að undirbúa að lesa upp yfirlýsingu í þættinum sínum Miðjan á Útvarpi Sögu.

Múslimarnir og Bandaríkjamenn

Það er gaman af umræðu um málfrelsið, sérstaklega þegar kemur að Bandaríkjamönnum.  Allt vitlaust á þessu bloggi.

Svo hugsar maður til dönsku myndanna.

Ætli Bandaríkjamenn eigi eftir að sitja um Sigmund :) 

Myndasaga Sigmunds gagnrýnd

Tæki fyrir safnið á Akureyri

Ég fann til með Safninu á Akureyri, sérstaklega þegar ég veit að það sé til tæki sem hjálpi þeim verulega.

Þau eru að glíma við alltof hátt rakastig, það er samt ekkert annað sem þarf að gera en að lækka rakastigið.  Eitthvað sem við glímum við á hverjum einasta degi.

Þurrktæki myndu bæta ástandið verulega hjá þeim. 

Ekki að húsnæðið er ekki óásættanlegt, en það má ýmislegt gera til að stjórna rakstigi með þurrtæki.  Við höfum reyndar ekki verið að bjóða upp á það en séð og kynnt okkur rakatæki sem eru bæði raka og þurrktæki í einu og sama stykkinu, þannig að það er alltaf rétt hitgastig. 

Mögnuð skeiti

Ég hef verið að skoða nýar vörur frá Kína og hef verið í sambandi við nokkra aðila um að kaupa vörur.  Var að fá þetta skeiti frá einum:

Hello ,have a good day ?How are you ? I hope all is well for you ,I am not fine ,our country have a earthquake,so all the people not feel well .

 

 B&R

 

Kathy

 Það er samt aðdánunarvert að mörgu leiti hvað þeir voru fljótir að bregðast við.

Heitu sumri spáð

Það er jafn mikið að gera í vinnunni minni eins og hitastigið úti.  Í janúar er ekki handtak að gera enda fáum of heitt í janúar (þá er helst að gera í að selja hitara).  Hins vegar breytist þetta allt þegar hitastigið verður 17 stig, eins og spáð er í dag.  

Þá er loftkæling málið, ásamt öðrum tækjum til að kæla loftið eins og uppgufunarkælum, öflugum viftum og rakatækjum.  

Undanfarin ár hefur samt orðið smá breyting í þessu, Íslendingar eru að venjast því að það er heitt á sumrin og eru farnir að undirbúa sig aðeins fyrr.  Þrátt fyrir að maður sé allur að vilja gerður þá er of seint að bregaðst við þegar hitinn er orðinn 20 stig.  

Þá er nú fínt að Veðurstofan hafi gefið það út að það eigi líklega eftir að verða mjög gott sumar.   

Allt að 17 stiga hiti í dag

Hugleiðingar eða fréttir

Mér finnst æðislegt að blogga.  Ég set oft hingað inn sem ég er að hugsa og fæ athugasemdir til baka. Því fer fjarri að ég geri sömu kröfur til mín eins og til fjölmiðla.  Hugsanir fá oft að standa hérna án þess að þær hafi verið kláraðar. 

Ég skammast mín ekkert fyrir að skrifa lélegan texta, skrifa setningar sem ekki allir skilja eða allir fá botn í. 

Það er bloggið mitt. Spontant og óyfirlesið.

Þetta virðist stundum vera höfuðverkur markaðsstjórans. Í dag var þetta höfuðverkur markaðsstjóra HR, hann skrifar yfirborðslega kurteisi þar sem hann þakkar mér fyrir að fylgjast með velgengni HR.  Svo setur hann út að ég hafi ekki unnið mína rannsóknarvinnu.

Málið er að ég þarf alls ekki að vinna mína rannsóknarvinnu.  Það er kosturinn við að blogga.  Menn geta bara skrifað athugasemd ef þeir eru ósáttir.  

Hitt er annað mál, að það breytir því ekki þótt að einhver heimasíða hafi búið hafi haldið í hugtakið vestur-Evrópa, er það jafn kaldastríðslegt í mínum huga og það var áður en ég las hana.  Mér finnst það alveg jafn fyndið og áður, og það minnkar ekki þá staðreynd að ef HR hefði verið á meðal 50 bestu í ALLRI Evrópu, hefði það staðið í auglýsingunni. 

Þetta er reyndar ekki í fyrsta skipti sem markaðastjórar hafa verið ósáttir við skrifin. Sá fyrsti var líklega markaðastjóri útvarpsins. Þá gagnrýndi ég "Fréttasímann" sem var símsvari sem hægt var að hringa í og hlusta á fréttirnar.  Ég spáði því fyrirbrigðinu litlum vinsældum og hafði heldur betur rétt fyrir mér.  Markaðsstjórinn tók þessu heldur illa á sínum tíma.

Enda var það hans starf.

Eins og það er starf markaðsstjóra HR í dag að segja mér hvað HR sé góður skóli.  

Ekki ætla ég að mótmæla því.

Aðeins og mikill marmari fyrir gamlan MR-ing.