Alltaf allt öðrum að kenna hjá Framsókn

Í vor var það DV sem drap Framsóknarflokkinn, en í dag er það Egill Helgason sem má bera þann kaleik. Eins og hjá DV hefur hann nú ítrekað haldið fram þessari tuggu.

Það sjá það allir hverskonar ástand er innan framsóknarflokksins þessa dagana, þeim væri nær að taka á sínum eigin málum heldur en að kasta ábyrgðina á aðra aðila.

Ótrúlega margar kenningar hafa verið í gangi ein þeirra að Halldór Ásgrímsson og Finnur Ingólfsson hafi lesið yfir bréfið góða og hafi jafnvel staðið að því.

Það sem eftir situr eru nokkuð loðin svör Binga um framtíðina, hann lokar ekki á neitt og því búast margir við að þetta sé bara biðleikur hans. Hann komi svo sprækur inn í pólitíkina aftur eftir nokkur ár, þegar allir hafa gleymt fatakaupamálinu, með afsögn þar sem hann tók stóð sína pligt og sýndi ábyrgð með því að segja af sér. Margar þessara kenninga enda á að Bingi gangi í Samfylkinguna, sem er í sjálfu sér ekkert ólíklegt en þar á bæ hafa menn keppst við að verja hann.

Átök framsóknarmanna í Reykjavík hafa jaðrað við mannvíg

Að tala upp fjöldann

Ég hef séð nokkrar fréttirnar í kvöld af því að það hafi verið hundruð eða þúsundir gesta á borgarstjórnarfundinum í dag sem hafi verið mótmælendur.    Það virðist að eftir því sem hefur liðið á daginn hefur fjöldinn aukist hjá mörgum.

Það virðist vera sá misskilningur í gangi að allir sem fóru þarna í dag hafi verið að mótmæla, en svo var alls ekki og var mín ferð og fjölmargra annarra sem ég þekkti þarna alls ekki í þeim tilgangi.  Enda mótmæltum við ekki, og virtum þær reglur sem þarna gilda.

Þegar myndir af fundinum eru skoðaðar frá fundinum í dag sést augljóslega að þeir sem eru að mótmæla eru fyrst og fremst þeir sem eru standandi uppi og svo þeir sem eru til hliðanna.   Það er alveg augljóst að hundruð eða þúsund manns komast ekki þarna inn.

Það er merkilegt einnig að heyra í viðtölum að menn eru að reyna að fullyrða að þetta hafi ekki verið skipulagt, heldur hafi þetta verið fyrst og fremst uppsprottin gremja.  Miða við það er þessi frétt frekar undarlega, þar sem send var út í gær sameiginleg ályktun þar sem fólk var hvatt til þess að mæta.

Einnig var farið í framhaldsskóla með gjallarhorn og fólk hvatt til þess að fjölmenna. 

Annað sem hefur vaxið ansi mikið er undirskriftarsöfnunin.   Fullyrtu að þetta væri einsdæmi á tveimur dögum. Ég var sjálfur einn að aðsendum mótmæla gegn DV á sínum tíma.  Sú könnun skilaði 32 þúsund undirskriftum á tveimur dögum, þrátt fyrir að netþjóninn hafi verið niðri í langan tíma vegna álags.   Aðrar undirskriftir hafa skilað svipuðum árangri.  Þessar fullyrðingar aðstandenda könnunarinnar eru því rangar.

Að lokum var ótrúlegt að heyra í Svandísi Svavarsdóttur í dag fullyrða að það hafi þurft lögregluvald til þess að rýma salinn.  Aldrei nokkurn tíman sást til lögreglu en 2-3 starfsmenn borgarstjórnar rýmdu salinn, þótt það hafi tekið tíma var það alveg átakalaust.  Lögreglan var vissulega á staðnum, en kom ekkert að rýmingu af hennar hálfu.

Hávær mótmæli í Ráðhúsinu

Útsendingar sjónvarp á EM

Það er merkilegt að RÚV skuli ekki nýta sér tæknina til að sýna aðra leiki frá EM.  Þeir hafa tækifæri til þess að deila álaginu á netþjóna sýna með því að senda í gegnum myndlykla Símans, en það er ekki nýtt. Í staðin fyrir það er landinn að liggja yfir þeim leikjum sem eru ekki sýndir á netinu. 

6.527 II

Ég vil benda á ágæta grein eftir Stefán Pálsson, ég er einmitt mjög sammála þessu. Hverar skoðunar sem menn eru á þessum nýja meirihluta þá hefði þessi umræða verið allt eins gild þegar Margrét gekk úr F-listanum en sumir urðu eftir á meðan aðrir voru enn í F-listanum. Hvað hafði hún mörg atkvæði að baki sér?

Ég hef einmitt undrað mig á þessari undirskriftarsöfnun og því orðalagi sem þar er.  Ég skil vel að menn vilji mótmæla þessu, en þessar forsendur eru mjög hæpnar. 

Bingi hættur - ótrúlegar fréttir

Merkilegt nokk var ég vakandi vegna þess að ég var að koma heim af góðum fundi hjá JCI Esju.  Þegar ég settist fyrir framan tölvuna kíkti ég á eyjuna eins og ég geri alltaf og viti menn eftst var yfirlýsing frá Binga þá að detta inn.

Það hefur verið gaman að sjá vini og kunningja sem eru áhugamenn um pólitík detta inn á msn og gmail spjallið.  Greinilegt að þessar fréttir eru að berast mjög hratt um. 

Maður þorir varla að fara að sofa, maður veit ekkert hvað verður komið í fyrramálið.   

Það verður fróðlegt að lesa blöðin í fyrramálið, ætli einhver prentunin hafi verið afturkölluð?  Mbl.is er amk. ekki búnir að birta fréttir af þessu en hins vegar er vísir.is búinn að því. 

Guðjón Ólafur hefur sjálfsagt farið í skápinn og náð sér í góða kampavínsflösku.  Hann er búinn að skila hnífasettunum aftur heim til sín. 

Ungir stuðningsmenn Margrétar Sverrisdóttur

Þegar maður heyrir þetta brosir maður.  Ætli þetta sé Margrét sjálf.  Hún var nú lengi vel einn efnilegasti "ungi" stjórnmálamaðurinn hjá Frjálslyndum.

Ungliðahreyfingar „tjarnarkvartettsins" gefa út sameiginlega ályktun

Og hvað?

Þetta eru nú ekki mjög merkilegar fréttir að mínu mati og ekki hægt að sjá hvaða áhrif þetta hefur á þessa deilu.

Það er hins vegar ekki hægt annað en að skilja kröfu handritshöfunda og eiginlega óskiljanlegt hvað kvikmyndaverin eru þrjósk með þetta.  Nú þegar eru þeir búnir að tapa stórum fjárhæðum vegna þess að þeir eru að endursýna gamla þætti og áhorf hefur minnkað.  

Það er auðvitað fyrir utan sölu og hagnað af þáttum sem ekki eru framleiddir um þessar mundir. 

Hótar að sniðganga Óskarsverðlaunahátíðina

Afturför hjá DV.is

Það hefur orðið gríðarleg afturför hjá DV.is síðan Guðmundur Magnússon hætti þar afskiptum. Vefurinn var kominn á bullandi flug með sjálfstæða blaðamennsku og einn af þeim vefum sem var í rúntinum. Vörumerkið DV.is var auðvitað mein, en samt stóð vefurinn og fréttaflutningurinn undir sínu. Þeir sem stóðu að þessum hefði betur valið þessum nýja vef eitthvað annað nafn. Hann hefði líklega verið í betri málum í dag hefði það verið valið.

Eins og þetta er í dag, þá virðist þetta vera eins og þetta var, þar sem helst er verið að segja frá fréttum sem hafa verið sagðar í blaðinu og fá menn til að kaupa.

Eini munurinn er að það er ekki þessi ljóta auglýsing fyrir neðan hverja frétt þar sem mönnum er boðin áskrift.

Biðlaunin góðu

Ekki að þessi biðlaun séu mikill sómi en hins vegar virðist vera mikill miskilningur með þau, eins og ég heyrði í morgunútvarpi Rásar 2 í morgun. 

Biðlaun þeirra manna sem eru í meirihluta eru óveruleg, þeir eru með grunnlaun 432.800, ofan á þetta bætist  25% fyrir að vera forseti borgarstjórnar, (upp í 541000 kr) og svo önnur 25% ef menn eru formenn í fastanefnd ( og þá upp í 649200).

Auðvitað er það mjög óheppileg staða að vera með 3 borgarstjóra á launum, hins vegar er þetta eins svakalegar tölur og menn hafa verið að benda á. 

Öngstræti í Pólitík

Bendi á mjög góðan pistil á Deiglunni í dag um nýjan meirihluta.

Það verður að segjast að sú atburðarrás sem borgarbúar, og þjóðin öll hefur horft upp á, er ákaflega dapurlegur vitnisburður um þau öngstræti sem valdabrölt í pólitík getur leitt menn í. Það þarf mikið hugmyndaflug til þess að trúa því að hugsjónir og hugmyndir hafi ráðið miklu um þær fléttur sem settar hafa verið á svið á síðustu mánuðum. Sjálfstæðismenn, sem voru sviknir síðastliðið haust, hafa náð fram hefndum. En hefndin er hvorki gott vegarnesti né góð ástæða til þess að leggja í vegferð. Það er því ákaflega brýnt að hinn nýi meirihluti - þegar gleðivíman er runninn af honum - finni sér brýnna erindi í sínum störfum heldur en að fullnægja hefndarþorsta