Orðrómurinn réttur

Athygli vekur að Össur harðneitaði fyrir nokkrum dögum að Einar Karl hefði mætt til sín og gerði lítið úr Pétri Gunnarssyni. Nú hefur komið á daginn að meira var til í orðum Péturs en Össur vildi af láta.  Hvort sem Einar mætti til hans þann daginn eða annan.

http://ossur.hexia.net/roller/page/ossur/Weblog/hid_milda_yfirvald_og_petur 

Einar Karl ráðinn aðstoðarmaður Össurar

Mikið um að vera um helgina

Það hefur greinilega verið mikið um að vera um helgina, besta sagan var samt hjá RÚV í morgun af bílþjófi sem braust óvart inn í bíl annars bílþjófs.  Eigandi bílsins trylltist og lamdi hinn þjófinn (nema hvað) enda ekki ánægður með að láta brjótast inn í bílinn sinn.   Lögreglan mætti svo og tók þá báða inn enda þurfti eigandi bílsins að svara fyrir eitthvað af þeim munum sem fundust í bílnum hjá honum.

Skildi hann læra af þessu að það er leiðinlegt að láta brjótast inn í bílinn sinn?  Efast um það.

Ók á skilti og sofnaði

Spenna í LEB

Það er undirliggjandi að Ólafur er í hefndarhug, honum finnst að framkvæmdarstjórinn hafi komið illa fram við sig og ljóst er að Ólafur ætlar að sjá til þess að hann þurfi að taka pokann sinn.  

Það eru alltaf einhverjar spennandi kosningar í gangi.   

Stefnir í formannskjör hjá eldri borgurum

Hryllileg saga

Þetta er hryllileg saga sem hefur gengið á blogginu um helgina, það er gott að það hafi náðst í þetta fólk.  Maður fyllist óhug að svona geti gerst í okkar litla landi og að fólk skuli nánanst vera tilbúið að drepfa fyrir nokkra þúsund kalla.

Hægt er að lesa sögu mannsins hérna.

Ránsparið handtekið

Lá þetta ekki fyrir?

Þetta er saga sem maður hefur reglulega heyrt og jafnvel heyrt fólk segja að viðkomandi hegði sér á þennan hátt. Ég veit ekki hvort það sé rétt eða hvort það sé raunveruleg hugmynd höfundarins að hann sé hommalegur. Sá sem kom þessu af stað var Jerry Falwell og það sem hann hafði fyrir sér í því efni var:

"He is purple - the gay-pride colour; and his antenna is shaped like a triangle - the gay-pride symbol."

Sjálfum finnast mér þetta ekki mjög solid rök fyrir að hugmyndin hafi verið að hann ætti að vera samkynhneigður. Sjálfur hef ég aldrei séð þessa þætti og hef því lítið til að dæma út frá, en common er þetta ekki bara barna efni!

Pólsk yfirvöld rannsaka hvort Stubbarnir séu samkynhneigðir

Ekki samið við skuldara

Borgarbyggð ákvað að taka ekki lægsta tilboði heldur næst lægsta tilboði í vegalagningu. Þetta er mjög gott framtak hjá þeim og til eftirbreytni, það hefur verið alltof mikið af kennitöluflökkurum.

Jarðvélar fá ekki gatnagerð í Borgarnesi

28. maí 2007

Ekkert verður af því að sveitarstjórn Borgarbyggðar taki tilboði Jarðvéla um nýlagningu vega í Borgarnesi, en það varð nýlega lægst í útboði, þar sem fyrirtækið hefur ekki staðið í skilum með opinber gjöld. Að sögn Björns Bjarka Þorsteinssonar, forseta sveitarstjórnar er alltaf athugað hvort viðkomandi verkbjóðandi sé í skilum með opinber gjöld eða ekki. Svo reyndist ekki vera í þessu tilfelli og verður því gengið til samninga við Borgarverk ehf. sem á sínum tíma átti næst lægsta tilboðið. Tilboð Jarðvéla hljóðaði upp á 99,9 milljónir króna en tilboð Borgarverks var 116,9 milljónir. Kostnaðaráætlun Borgarbyggðar hljóðaði hins vegar upp á 141,9 m. krónur. Um er að ræða nýlagningu vega í Borgarnesi í Bjargslandi II, Selás, Kárastaðaveg og göngustíg. 

DEEP HEEP

Þá eru tónleikarnir búnir, Uriah Heep voru mjög þéttir sem kom ótrúlega á óvart miðað við þá diska sem maður á og hefur hlustað á. Þá er þetta hefðbundið hamondband með frekar skrækum söngvara. Í kvöld var það trommusettið sem var á oddinum frekar en Hamondið.

Ég hef aldrei skilið þessar pásur á milli hljómsveita, með allri þeirri tækni sem er til er ekki hægt að flýta þessu ferli eitthvað? Þetta er eins og ef ég ætlaði að nota bílinn eftir konunni, þyrfti ég að rúlla út nýjum dekkjum. Eftir að upphitunarbandið náði að kynda upp í hópnum, tæmdist salurinn í þær 30-40 mínútur sem tók að koma Purple fyrir.

Purple byrjuðu frekar slæmir, Bjarni við hliðina á mér, sem var líkur vin dóra (og spilaði á gítar), samkvæmt Nikka vin Jonna púaði allan tíman á meðan fyrsta lagið var spilað. Ian Gillan var bara í gallabuxum og svarti peysu eins og hann væri að koma úr skoðunarferð. Hann virtist ekki vera í gírnum. Fljótlega komst hann algerlega í gírinn.

Þeir tóku líklega færri lög núna en seinast, þeir tóku gömlu slagarana en minna af nýju efni. Ástæðan er líklega sú að Ian Gillan tekur sér lengri pásur á milli, áður tók hann sér einu sinni hlé en núna var þetta nánast annað hvert lag sem hinir tónlistarmennirnir spiluðu sóló. Það var kannski ekkert síðra, en lögunum fækkaði fyrir vikið.

Það var ágætt að vera við hliðina á áðurnefndum Bjarna, hann hafði fengið sér nokkra bjóra og var mjög hress. Dansaði eins og brjálæðingur, smá hausa dangl manns hvarf við hlið hans trylltu sporum.

Rokkað í Laugardalshöll

Skúffelsið

Fyrir nokkrum vikum birtist hér Hrólfur Guðmundsson, sem bloggvinur minn. Síðan þá hef ég nokkrum sinnum lesið hann. Ég fattaði fljótlega að ekki var allt með felldu, en skipti svo sem ekki máli.

Nú er sem sagt komin tilkynning um að hann sé að dikta þetta upp, og eftirfarandi komment fylgdi með:

Ertu ekki til? Skúffelsi að uppgötva það.

Brynja Hjaltadóttir, 27.5.2007 kl. 01

Emil vinur Hrólfs er hins vegar í þeirri skrítnu stöðu að vera "besti" vinur manns sem er ekki til. Hann er að slá í gegn sem bloggari.

Klóaleikur

Í í sumarleik Klóa eru 125 cubic skellinöðrur í verðlaun. Hvað ætli maður þurfi að vera gamall til að keyra svona öfluga skellinöðrur? Hvað með stelpurnar?

Ég sá þetta auglýst í gær og hélt að mér hefði eitthvað missést.

Brillíant að vera 5 og fá skellinöðru í verðlaun.

Merkilega yfirlýsing frá Tónlist.is

Ég er búinn að lesa nokkrar greinar um Tónlist.is, og trúað því að þar sé nú flest í nokkuð góðu lagi, fyrir utan nokkur smáatriði sem má betur fara. Hins vegar hafi menn gert nokkuð slæma samninga í upphafi og greiðslur verið allof lágar og hins vegar að þær hafi ekki borist til listamannanna. Þetta er allt nokkuð flókið mál og mikið hefur verið fjallað um það, það er því varla að ætlast til þess að fólk hafi ekki þeim mun meiri áhuga hafi nennt að setja sig inn í málið.

Í sunnudags mogganum var nokkuð ítarleg umfjöllun í viðbót, þar sannfærðist ég nokkuð um að þessi mál, væru einmitt í góðum farvegi og hérna væri bara ungt fyrirtæki á nýjum markaði sem væri bara að bæta sig. Svo þegar ég fletti blaðinu og sé yfirlýsingu frá framkvæmdarstjóranum, get ég ekki annað en trúað því að það sé einhver stór pottur brotinn. Umfjöllun moggans hefur verið frá mörgum sjónarhornum en það virðist vera að framkvæmdarstjórinn hafi viljað stjórna fréttaflutningnum frá A-Ö.

Það sem er merkilegast í þessu máli er í lok yfirlýsingarinnar frá framkvæmdarstjóranum, þar dregur hann svo sannarlega fram stóru samsæriskenninguna, mogginn mátti greinilega alls ekki fjalla um þetta mál vegna þess að sama fyrirtæki á og rekur tónlist.is og vísi.is. Þetta er því allt samsæri til að ná sér niðri á vísi.is.

Það er greinilegt að tónlist.is, þarf að vinna í að bæta ímynd sína. Þeir byrjuðu auðvitað ekki mjög vel, þegar þeir buðu upp á tilraunaáskrift í nokkra daga en þegar fólk sagði henni ekki sjálft upp á tilsettum tíma var sjálfkrafa rukkað. Þetta gerði það strax af verkum að margir hættu að treysta þeim.

Tónlist.is stendur skil á sínu