Gott hjá ungum sjálfstæðismönnum

Mér finnst þetta gott hjá ungum Sjálfstæðismönnum í Hafnarfirði að halda þetta mót.  Ég vona að þetta eigi eftir að leggja lóð á vogarskálarnar og verði til þess að menn skýri þær reglur sem um þetta gilda.  Það er auðvitað út í hött að menn megi ekki spila svona spil, bara af því það heitir póker.

Minni á grein sem ég skrifaði um þetta fyrir nokkru á Deiglan.com 

Pókermót haldið hjá félagi ungra sjálfstæðismanna í Hafnarfirði

Hann kom og fór

Eyjan upplýsir að það hafi ekki verið fyrir tilstilli Moggans sem bloggi var lokað.  Í rauninni kemur það á óvart að Mogginn er alls ekki viljugur að grípa inn í nánast sama hvað dynur á.  Ég hef rætt við nokkra lögfróða menn um þetta og menn eru almennt sammála að ábyrgð moggans geti verið nokkur í svona málum.    

Í rauninni þarf Mogginn að setja sér skýrar leikreglur hvað þeir ætla að bjóða upp á sínum vefjum.  Í dag get ég bloggað beint inn á fréttir og saklaust fólk smellt inn á bloggið mitt, þar sem ég get boðið upp á klám og sora.  Mér finnst ekkert eðlilegt við að Mogginn bjóði almennum lesendum sýnum upp á þetta. Í dag standa þeir nokkuð ráðalausir gagnvart þessu og leyfa hverju sem er að því er virðist viðgangast.  Það gæti meira segja verið að þeir hampi bloggi mínu sérstaklega, með því að birta það á forsíðunni.

Um leið og maður skráir sig inn skrifar maður upp á klásúlu, í rauninni er samt engin trygging fyrir því að ég sé að nota rétt nafn og kenntitölu.  Það getur því orðið þrautinni þyngra að finna mig, sé það vilji minn að koma inn á vefinn sora í gegnum moggabloggið.

Ég geri mér grein fyrir því að línan er þunn, en um leið og hver sem er getur bloggað við fréttir verða þeir að bregðast við slíkum hlutum. 

Er þetta sérsaklega ódýrt?

Stórmerkileg fréttamennska á mogganumm, spurning hvað þeir græða á
þessu, ætli það sé hægt að greiða fyrir umfjallanir.  Hvaða mat er
það að þetta sé sérstaklega ódýrt?  Ég efast um að þetta sé
einhver hreint ótrúleg útsala, miðað við verð eins og það er á
flórída. 

Fimm villur á Flórída boðnar fyrir lágt verð

Sparkað í liggjandi mann

Ég hef fengið nokkur viðbrögð út af færslunni minn, en ég hef bloggað nokkrum sinnum um þetta mál, en hef aldrei nafngreint nokkurn.  Það hefur svo sem ekki farið fram hjá fólki sem hefur lesið bloggið hver er á ferðinni.  Viðbrögðin hafa bæði verið jákvæð og neikvæð.

Varðandi forvitnisjöfnunina, var það ekki ætlunin að gera lítið úr viðkomandi einstakling, hvorki vegna greindar eða annars. Ég var ekki að reyna að slá mér til riddara.   Ég hef hins vegar fylgst mjög vel með þessu og sá hvernig hann færðist í aukana við hverja heimsókn og taldi það vera staðfestingu á að það sem hann var að gera væri rétt. Það er augljóst að ástandið er sjúkt, og maðurinn þarf að fá hjálp og stuðnings vina og fjölskyldu.

Fór í bláalónið

Eyjan segir frá bláalóninu. Einhvern tíman þegar aðeins lengra líður frá ætla ég að skella inn skemmtilegri sögu um málsatvik þess að ég fór í þessa ferð. Þetta var skemmtileg ferð.

Ég sá hins vegar engan sérstakan grænan lit. Það var mikið af túristum og félagið er "kassa" inn á túristum sem eru tilbúnir að greiða 1500 kall í sundið.

Starfsfólkið má eiga það að þau voru mjög hjálpsöm.

Forvitnisjöfnun

Svona eins og þegar við keyrum á stórum jeppa og kaupum okkur kolefnisjöfnun og líður ákaflega vel á eftir. Menn keyptu sér syndaaflausn í gamla daga, nú bíð ég upp á forvitnisjöfnun. 

Ég geri mér grein fyrir að margir standast ekki freistinguna og líta inn á mest umræddu síðu dagsins, ekki fyrir neitt annað en hvað viðkomandi er í virkilega sjúklegu ástandi.  Það sem er verra er að með auknum vinsældum færist hann einfaldlega í veðrið og efist í þeirri trú að það sem hann er að gera sé rétt.  Hann fær því einhvers konar stuðning úr meintum vinsældum.

Lausnirn er að forvitninsjafna, ef þú slysast inn á síðuna verðurðu að forvitnisjafna með því að fara líka inn á allar þessar.  Ég hvet þig til að láta þetta berast.

http://aslaugosk.blog.is/blog/aslaugosk/      

http://ellyarmanns.blog.is/blog/ellyarmanns/  

http://elias.blog.is/

http://stebbifr.blog.is/blog/stebbifr/

http://jax.blog.is/blog/jax/

Áhugaverð skýrsla

Andríki koma með þarfa áminningu, mér finnst ekki síst aukinn hlutur sveitarfélaga í heildakökunni mjög áhugavert.

Þar sem ríkið veitir persónuafslátt af sínum hluta eru tekjur ríkis og sveitarfélaga af launum landsmanna álíka miklar þrátt fyrir hærra skatthlutfall hjá ríkinu. Ríki og sveitarfélög taka álíka mikið úr launaumslögum landsmanna um hver mánaðamót. 

Hins vegar það sem þeir sleppa að minnast á eru allur hinnir tekjustofnar ríkisins, svo sem virðisaukaskattinn, fjármagnstejuskatt, tolla, vörugjöld, erfðaskatt og tekjuskatta fyrirtækja. Sá skattur sem er einna hættulegastur eru vörugjöldin, enda eru þau gjörsamlega ósýnileg fyrir neytendur. Hins vegar geta þau verið verulegar fjárhæðir af þeim hlutum sem verið er að kaupa. Hérna er skýrslan.

Andríki: Landsmenn voru að vinna fyrir hið opinbera til 21. júní

Ótrúlega ánægður með nýju myndina

Eftir því sem ég horfi oftar á nýju myndina sem Halldór Baldursson teiknaði af mér verð ég ánægðari og ánægðari með hana.  Ég viðurkenni fúslega að mér finnst hún ekki vitun lík mér, en þannig eru þessa myndir.

Það vill til að hún sýnir mig myndarlegri en ég raunverulega er.  Ég ákvað að nota hana hérna og á Pottinum, mér er sagt að þær séu svipað ólíkar mér og þar sem ég er töluvert myndarlegri á þessari mun þessi standa.

Svisnesk skúffufyrirtæki lofa öllu fögru

Fréttablaðið vekur athygli á því í dag að 2 svisnesk skúffurfyrirtæki hafa ákveðið að hefja farsímarekstur á Íslandi,  á sama tíma benda þeir á annað fyrirtæki sem hefur verið með leyfi frá árinu 2004 en seldu eingöngu örfá símakort á seinasta ári en halda enn leyfinu.

Það hlýtur að vekja athygli að svisknesk skúffufyrirtæki ákveði að gera það að sínu fyrsta verkefni að setja upp senda á hinu drefibýla Íslandi,  og á sama tíma og íslensku fyrirtæki sem sóttu um leyfin og hafa sjálf og þekkja vel inn á markaðinn treysta sér ekki til þess að ná sambærilegri dreifingu. 

Getur verið að þessum fyrirtækjum hafi verið veitt þessi leyfi án þess að fyrir hafi legið nákvæmar áætlanir hvernig þeir ætluðu að ná þessum markmiðum sínum? Dæmin á Íslandi sýna að ekkert af þessu er gert, menn komast upp með að lofa öllu fögru en gera ekki neitt eins og kom fram í Fréttablaðinu.   Aðilar sem hafa ekki enn staðið við samninga frá árinu 2000, og ekkert farið að gera.    

Það er ekkert eðlilegra en að það séu gerð útboð eins og var viðhaft núna, hins vegar er það eftirlitsþátturinn sem þarf að viðhafa.  Um leið og áætlanir ganga ekki upp er eðlilegt að menn fái viðvörun , séu hlutirnir í kjölfarið ekki leiðréttir eiga menn að missa leyfið.  Til hvers að halda útboð, ef það á aldrei að einnheimta það sem er lofað í útboðinu?

Hitt er að ef menn ætla að lofa dreifingu með því að keyra á dreifikerfi símans.  Hver sem er getur stofnað farsíma fyrirtæki ef hann nær að gera reikisamning við símann.   Sko er dæmi um fyrirtæki sem hefur gert slíka samning, en rekur sjálft enga senda.   Sko hefði verið í góðum málum í þessum samningum, með enga senda en rosalega dreifingu.

Spurningin sem Póst og fjarskiptastofnun þarf að spyrja sig er hvað liggur að baki.  Hangir eitthvað á spýtunni hjá þeim svinsnesku?  Getur verið að þetta sé fyrst og fremst gluggi fyrir þessa aðila til að geta komist inn á aðra markaði en póst og fjarskiptastofnanir í öðrum löndum taki einfaldlega í veg fyrir svona, en með leyfi upp á hönunum á Íslandi séu þeir að opna fyrir sér aðgengi á aðra markaði.

Ég hef í raun enga trú á því að þessi fyrirtæki muni reisa fleiri senda en hugsanlega í Reykjavík og Akureyrri.  Þessar hugmyndir um dreifignu sem átti að vera álíka eins og símans á örfáum árum var virkilega ótrúleg.  Um leið ætla ég rétt að vona að póst og fjarskiptastofnu taki nú á þessu máli og þessir menn verði sviftir leyfinni ef þessi spá mín rætist og við fáum inn aðila sem ætla virkilega að taka þátt í samkeppninni hér á markaðnum og bjóða upp á raunverulega samkeppni við símann og þar með lægra verð til okkar neytanda. 

Kominn á eyjuna

Ég er í hópi bloggara sem er komin á eyjuna, ég ætla að halda áfram að blogga hérna áfram en sjálfsagt verður það eitthvað öðruvísi.  Potturinn.com er það sem ég mun nota þar.

Miðað við hversu oft ég hef skrifað hérna verður hvort um sig kannski bara uppfært eins og hjá meðalbloggaranum.