Háskólinn missir góðan mann

Það er fyndið að Ágúst skuli ekki geta svarað fyrir það hvað hann ætlaði að gera. Auðvitað tekur hann stöðuna sem hann er búinn að gera. Hann bauð sig fram til Rekstors og fékk ekki brautargengi, nú er hann komin með góða stöðu á Bifröst.

Ég skil ekki hvað hann er að gera að sækjast eftir því að halda þessari stöðu. Það er skiljanelg afstaða hjá Háskólanum að binda ekki stöðuna í amk. 4 ár meðan hann byggir upp annan skóla.

Hitt er annað mál að með þessu er Háskólinn að missa mjög öflugan mann, þetta var klókt hjá Bifröst að ná í Ágúst. Buisnessmann, Háskólamann og gamlan pólitíkus.

Fær ekki launalaust leyfi

Landsleikurinn

Ég fór í fyrsta skipti í meira en áratug á handboltaleik áðan.  Ástæðan var hið sniðuga boð KSÍ með hjálp miði.is.  Ég verð að segja að þetta var bara nokkuð áhugavert, og mun meira að gerast en í blessuðum fótboltanum, sem ég fór á í sumar.

Ég þekkti auðvitað nánast ekki einn einasta kappa úr landsliðinu, og ýmislegt kom mér á óvart.

Mér fannst þeir ekki nógu kappsamir, það vantaði neistann þangað til undir lokin þegar eitthvað gerðist.  Ég held að það vanti einhvern óútreiknanlegan í liðið, annars fannst mér þetta oft voðalega vélrænt og fyrir séð.  Helst var það þessi Róbert, sem sýndist vera svona “loose Canoon”.  Þeir voru auðvitað að reyna fullt af nýjum strákum, það var gaman að sjá hvað það eru margir ungir eru að koma upp.  Reyndar gerðu þeir ótrúlega mörg mistök í leiknum en væntanlega er það eitthvað sem er að skólast til.

Mér fannst líka fyndið hvað það var rosalega mikill hæðarmunur, þetta var bara eins við væru að spila við risa.    Maður mætti halda að okkar strákar væru einhverjir sérstakir stubbar.

Mér finnst þetta frekar vera á gráu svæði þegar kynnirinn er að nota hljóðkerfi hússins til að hvetja liðið áfram “strákana okkar” og nota kynningar á mörkum til að búa til anda.  Salurinn á að sjá um þetta, en svo virðist vera sem að liðið hafi neitað að borga “klöppurunum”.  Reyndar datt þetta allt í gang á endanum.

Svo var verið að kynna stuðningsfélag landsliðins sem var kallað í blíðu og í stríðu.  Sjálfsagt margir tilbúnir að standa alltaf að baki liðinu.

Galia tryggði Tékkum sigur í Höllinni

Viðtal tekið vegna viðtals á eigin miðli

Þetta er fyndið hjá Mogganum, taka viðtal við eigin blaðamann fyrir að vinna vinnuna sína og um hvernig gekk að taka viðtalið við viðkomandi.

Mér skilst að þetta hafi allt gengið vel hjá Ingbjörgu, hún hafi verið ljúf en þetta hafi þó ekki gengið allt vel.   

Ætli við eigum að eiga von á þessu á næstunni að fá fleiri svona viðtöl við starfsmenn Moggans, næst verði viðtal við prentsmiðjuna hvernig gekk að prenta, uppsetjarna hvernig uppsetning gekk og að lokum megum við ekki gleyma blaðberunum. 

Ingibjörg Sólrún ræðir stjórnarsamstarfskosti

Meira um Útvarp Sögu og Margréti

Ég er dyggur hlustandi Útvarps Sögu, eftir að það var eina masstöðin, og einnig eftir að Sigurður G. og morgunhaninn mætu á stöðina.  

Ég var að lesa á vefsíðu Margrétar Sverrisdóttur, þar sem hún hamast út í Jón Magnússon og útvarp sögu. Ég hafði ekki séð þetta þegar ég skrifaði um viðtalið við Eirrík Stefánsson í gær.

Þetta segir hún:

Um nokkurra mánaða skeið hefur fámennur hópur karla haft frjálsar hendur á Útvarpi Sögu til að flytja endalausan óhróður um mig.  Þeir ýmist flytja pistla eða hringja inn þegar símatími er og hafa einnig verið í viðtölum. Þetta eru eftirtaldir: Jón Magnússon formaður Nýs afls sbr. þessa heimasíðu http://www.nyttafl.is/jm/jm_149.html, Höskuldur Höskuldsson varaformaður Nýs afls, Tryggvi Agnarsson, stjórnarmaður í Nýju afli og Eiríkur Stefánsson frá Fáskrúðsfirði.

Ég get nú ekki verið sammála þessu, Jón Magnússon hefur verið með fasta pistla í nokkur ár á stöðinni, og hinir hafa komið 1-2 að undanförnu.

Margrét og hennar fólk hefur haft sama aðgengi og aðrir að símatímum stöðvarinnar, menn eru ekkert sérstaklega valdir inn heldur er þetta (eins og nafnið gefur til kynna) símatími! Ég man ekki betur en að Margrét hafi einmitt nýtt sér einn svona tíma til að tjá sig.

Ég heyrði svo í Tryggva áðan, en hann var nú aðlega að tala um hvað það væri gott að vera í flokknum og hvað það væri öflugt innra starf. Veit ekki hvort þetta var eitthvað háð hjá honum, eða þetta sé svo öflugt vegna handalögmála en ekki uppbyggjandi starfs.

Ég endurtek það sem ég sagði hérna um daginn og spái því að flokkurinn mun ekki fara einn til næstu þingkosninga heldur verði þetta eitt eða fleiri brot.

Guli hummerinn til sölu

Var að sjá að Guli hummerinn er til sölu á 25 milljónir.  Í fyrstu er maður alveg bit á þessu verði, fyrir einn bíl.   

Þegar ég skoða þetta á ebay fann ég 2 hummera, annars vegar einn 2003 módelið á 50 þ dollara og hins vegar 2006 módelið á 150 þúsund dollara reyndar stærri útgáfu. Verðið 25 milljónir virðist því ekki vera neitt út úr korti, þótt líklega megi prútta það niður sem nemur 1 krúser og jafnvel smábíl í viðbót.

Auglýsingin sem hefur verið keyrð mjög reglulega er ferðastu um eins og Holliwood stjarna, og var sérstaklega keyrt á auglýsignar í DV.  

Líklega hefur þetta aldrei náð nægum vinsældum og bara kostað eigandann pening.  Ég veit um ýmsa sem myndu langa að fara í limma, en þetta er einhvern veginn limmi á sterum sem ég held að fáir hafi áhuga á að fara í.

Amk. ekki að greiða það hátt verð að það réttlæti 25 milljón króna fjárfestingu. 

Margrét neitar að mæta Eiríki

Margrét Sverrisdóttir hefur ákveðið að mæta ekki Eiríki Stéfanssyni á Útvarpi Sögu. Eiríkur hafði skorað á á Margréti að mæta sér í beinni útsendingu.

Í staðin fyrir fékk Eiríkur að fjalla um málefni flokksins án þess að nokkur væri til svara. Nema nokkrir áheyrendur sem hringdu inn.

Það er ljóst að það eru gríðarlega átök framundan í flokkum. Bæði hann og Jón Magnússon hafa fullyrt að hún hafi ætlað sér að verða formaður eða varaformaður en notfært sér þetta til að skapa sér ágrenning. Eftir að útlendingaumræðan hafi aukið vinsældirnar og því hafi formennskudraumarnir dalað.

Jón Magnússon hraunaði svo yfir heimssíðu Margrétar þar sem hann talaði um níðvísur Margrétar í pistli um daginn.

Það er reyndar vandséð afhverju Margrét hefði átt að mæta Eiríki, en Eiríkur er ekki beinn málsaðili að þeim deilum sem hafa verið innan flokksins. Eiríkur hefur hins vegar haft stórar skoðanir á þessum málum.

Það sem vakti athygli var að Sverrir Hermansson [Leiðrétt], neitaði að mæta, upphrópaði stöðuna fyrir að ofsækja dóttur sína og skellti á Arnþrúði. Það verður fróðlegt að fylgjast með framvindunni í kjölfarið, það kæmi á óvart ef það kemur heill flokkur út úr þessum deilum.

Bílar og sport blogga

Ég fjallaði um fyrirtæki sem blogga aðeins í gær. 

Það er gaman að sjá að ný fyrirtæki eru farin að blogga.  Núna var ég að taka eftir fyrirtækinu bílar og sport. 

Þetta er nú nokkuð áhugavert. 

Flott hjá Jafet

Mér finnst þetta mjög flott hjá Jafet, en ég spái honum þó ekki miklum árangri enda held ég að klíkurnar séu búnar að ákveða annað.

Nema Jafet eigi tromp upp í hendinni, spurning hvort hann beiti ekki sömu aðferðum og fyrir norðan, en Jafet hefur efnast nokkuð vel undanfarið.  Hann gæti boði hverjum kjósanda ágætis summu.

Hitt er svo annað mál að nú er komin upp umræða um launamál formanns KSÍ, áður hafði verið fullyrt í mín eyru að þessi staða hafi verið launalaus.  Nú kemur framkvæmdarstjóri og formannsefni fram og segir að svo sé alls ekki.  Hann geti þó ekki upplýst hver þau laun eru.  

Jafet gefur kost á sér til formanns KSÍ

Skuggalegt mál

Það má spyrja sig um tilganginn en greinilega hefur átt að líta út sem að þetta væri einhverjir strákar hafi verið á ferðinni.

Fyrsta tilraun klúðrast og þá er ráðist í þá næstu.

Það má spyrja sig hvað hafi verið í gangi, hvort hérna sé um einhvers kona trygginarmál, hefndaraðgerð eða bara skemmdarfíkn.

Eldur lagður að skemmtistað í Kópavogi

Umferðarteppan

Pétur Gunnarsson gerir að umtalsefni umferðateppan hér í borginni í morgun, það hjálpar nú ekki til að vera bæði með snjókomu og vera einn fyrsti dagur ársins hjá framhaldsskólum.  Þetta er mjög hættulegur Kokteill.

Mér fannst nokkuð skemmtilegt að í dag var ég 40 mínútur heiman frá mér og í Háskólann.  Á leiðinni spjallaði ég við Loft vin minn sem vinnur í Borgarnesi.  Það stefndi allt í að það tæki hann svona 50 mínútur að ná sínum áfangastað.