Góður peningur

Það er ekki spurning að þetta er mjög gott verð fyrir þetta hús, 600 milljónir. Miðað við þá starfsemi sem hefur farið fram þarna var þetta eina vitið.

Það sem við þurfum að fá að vita núna er, hversu há hin tilboðin voru og afhverju VG var á móti.

Þær hugmyndir sem eru í boði eru svo sannarlega verðugar hugmyndir, flott að kaupa sér hús og breyta því í safn um afa sinn.

Það er nánast ótrúlegt að heyra efasemdaraddir þess efnis að það hafi verið eitthvað óeðlilegt við þetta. Hvernig getur verið eitthvað óeðlilegt við þetta, þegar Björgúlfarnir greiða 600 milljónir? Varla ætla menn að segja að þeim hafi verið gefið húsið.

Borgarráð samþykkti að taka tilboði Novators í Fríkirkjuveg 11

Ást össurar á Chavez

Bjarni Már skrifar alveg hreint ágætis grein á Deigluna í dag og ryfjar þar upp skoðun Össurar á nokkrum ágætismönnum í mið- og suður-Ameríku.

Össur og Chavez
Váleg tíðindi berast frá Venesúela. Þann 31. janúar samþykkti þing Venesúela að veita forseta ríkisins, Hugo Chavez, völd til að stjórna með tilskipunum næsta hálfa annað árið, á meðan hann reynir að gera að veruleika þjóðnýtingaráform sem eiga að vera lykillinn að vinstribyltingunni sem hann vill gera. Sú bylting felst m.a. í þjóðnýtingu orku og fjarskiptaiðnaðarins í ríkinu.

 

Betri er einn fugl í hendi en tveir í skógi

Ég skil nú ekki hvernig líkurnar eiga að hafa aukist við þetta. Hvernig í veröldinni jukust líkurnar á framboði umhverfissina, umhverfisaflið framtíðarland hætti við að bjóða fram.

Ég held að málshátturinn Betri er einn fugl í hendi en tveir í skógi eigi óvenju vel við hérna.

Ómar Ragnarsson telur auknar líkur á framboði umhverfisverndarsinna

Áhugaverð grein um stúdentakosningar

Var að rekast þessa grein um stúdentakosningar.   

Þar segir hún:

það sem mér finnst samt leiðinlegt er að sjá einn framboðslistann blogga við þessa frétt um að stúdentapólitík sé heimskuleg. Stúdentapólitík er nefnilega alls ekki heimskuleg, heldur hagsmunamál. Ef eitthvað er heimskulegt þá er það að flokkur í framboði komi með þá yfirlýsingu að stúdentapólitík sé heimskuleg, ef hún er svona heimskuleg hvað eru þið þá að gera í framboði?

 Ég gæti ekki verið meira sammála henni. Fyrst þetta er svona ofboðslega heimskulegt, afhverju er fólk að þessu??

Ívar byrjar að blogga

Nose Job er mættur aftur til leiks. Það er gaman af því að ein fyrsta færslan skuli vera af gömlum kunningi af gamla blogginu, sem þótti á sínum tíma óhemju fyndinn.

Hvað kostar nýtt hátæknisjúkrahús

Fannst merkilegt að eins og það er nú mikið af upplýsingum á vef um nýtt háttæknisjúrkahús virðist kostnaðurinn við bygginguna ekki liggja fyrir.

Þetta er nú ekki vísindaleg rannsókn, bara smáskoðun sem leiddi þetta í ljós.

Þarna er ansi margt um fróðlegar upplýsingar og skoðanir.  Hvað það sparar að byggja það.

Ætli Alfreð treysti sér ekki til að birta þetta opinberlega?

 http://www.haskolasjukrahus.is/nyrlandspitali/islenska/forsida/

 

Björn glæsilegur

Vefritið Panama birtir grein um fallega fólkið í framboði.  Eitthvað klikk virðist vera í þessu því efsti Vökumaðurinn er í 3. sæti.  Þar er á ferðinni Björn Patrick Swift, good guy.

Viðkomandi virðist ekki hafa heldur mikinn smekk fyrir Háskólalistanum, en kemst enginn á lista.   Ég hef reyndar grun um að hluti skýringarinnar sé lélegt aðgengi að myndum af þeim.

3. sætið

Hugbúnaðarverkfræðineminn Björn Patrick Swift skipar 17. sætið hjá Vöku til Stúdentaráðs. Með því að hafa Björn til skrauts í næstsíðasta sæti listans er Vaka greinilega með á nótunum eftir hverju fólk kýs. Björn leggur sig fram um að vera myndarlegur á myndinni og kann því greinilega að spila kosningaleikinn. Drengslegur póló-bolurinn og uppsett brosið segir: „Krakkar, þið megið vera vinir mínir.“ Eflaust þónokkrir sem vilja vera memm með Swiftinum og setja x-ið við Vöku í komandi kosningum.

Ef Björn heldur áfram í pólítikinni verður hann:
Bætið á Björn nokkrum árum og aðeins fleiri kílóum og hann umbreytist í Sjálfstæðisbangsann Bjarna Benediktsson.

Fullt virði fyrir peninginn

Snickersmenn hafa væntanlega fengið nóg fyrir peninginn. Það er sjálfsagt mál að taka auglýsinguna úr loftinu, biðja hommana afsökunar og allt gott. Fullt af ókeypisathygli.

Málið er bara að vera réttumegin við mörkin.

Nú hef ég ekki séð auglýsinguna, en ég sé svo sem ekki hvernig þetta móðgar homma. En ég bíð með frekari fullyrðingar um þetta þangað til ég hef séð auglýsinguna.

Baráttusamtök samkynhneigðra ósátt við Snickers-auglýsingu

Sóttur í tíma!

Ég var nokkuð hissa áðan í tíma þegar maður kom og bað um að fá að tala við mig. Í kjölfarið óskaði hann sem sagt að ég léti af áróðri á kjörstað og færi úr þeim bol sem ég var í.

Ég var sem sagt í bol merktum Vöku, en einhverjir húmoristar gáfu mér bolinn um daginn eftir umræður hér á blogginu. Ég ákvað að fara í bolinn í tilefni dagsins, en ég verð í vinnunni í mestallan dag en þurfti að fara í einn tíma. Þetta var meira bara húmor, svona í tilefni gamlla tíma. Ég hefði svo sem getað valið hvaða bol sem var, og því ekki að fara í þennan í dag...

Ég var auðvitað búin að gleyma bolnum þegar ég mætti í skólann um hádegisbilið, ég hafði setið og hlustað á uppfræðlsu kennarans. Ég gerði mér svo sem enga grein fyrir að þar sem ég var í þessum tíma væri ég um leið að útdeila áróðri. Ég óskaði því eftir að vita á hvaða forsendum hann gæti vaðið inn í tíma truflað kennslu og skipað mér úr bolnum.

Þá dró hann úr sínu pússi reglur sem á stóðu að áróður inna byggingar væri ekki heimilur.

Það vildi svo sem til að kennarinn sem var í þessum tíma, var heldur ligeglad en ég velti fyrir mér hvað aðrir kennarar hefðu sagt ef það er verið að stöðva kennslu til að sinna þessum erinumd. Sérstaklega þar sem ég sat nú bara þarna í rólegheitunum. Það var nú ekki einu sinni hægt að bíða fram í hlé.

Ég veit ekki fyrir hvaða fylkingu viðkomandi kjörstjórnarfulltrúi var, og mér er svo sem nokk sama en finnst þetta vera út í hött ef menn eru að vaða inn í tíma. Auðvitað ef ég hefði farið að rölt og fengið mér kaffi, eða verið með einhver fíflalæti í bolnum eða gert eitthvað sem hefði verið að veikja athygli, en þetta atvik vakti í raun mun meiri athygli á því sem stóð á bolnum og ástæðunni fyrir að viðkomandi kom og truflaði okkur.

Þess má að lokum geta að ég hef meiri trú á kjósendum en svo að þeir taku U beygju á milli fylkinga út af því hvað stendur á bol. Getur einhver bent mér á dæmi að kjósandi hafi skipt um skoðun og ákveðið að kjós einhvern allt annan flokk eftir að hafa séð merktan mann á kjörstað?

Merkilegt á tímum netsins

Þetta kemur óneitanlega á óvart á tímum netsins og þegar fólk fær allar upplýsingar beint af netinu.

Hefði veðjað á samdrátt eða í besta falli kyrrstöðu.

Upplag dagblaða í heiminum hefur farið vaxandi síðustu ár