Óli frændi orðinn klerkur

Nota tækifærið og óska Óla frænda til hamingju með daginn.  

Fréttablaðið, 25. feb. 2007 16:00

Yngsti klerkur landsins

Það verður stór stund í lífi Ólafs Jóhanns Borgþórssonar þegar hann verður vígður til prests. Auk þess markar vígsl-an önnur tímamót, því Ólafur Jóhann er aðeins á 26. aldursári og verður því yngsti prestur landsins. „Ekki þó frá upphafi," áréttar hann. „En þetta er sannarlega skemmtilegt þótt það sé auðvitað aukaatriði í sjálfu sér."

Ólafur er Eyjapeyi og ákvað það fyrir margt löngu að gerast prestur. „Ég ákvað það þegar ég var í 8. bekk og hef haldið nokkuð fast í það síðan. Það verður því ekki síst skemmtilegt að fá brauðið í ljósi þess að ég hef stefnt að þessu lengi." Þótt Ólafur Jóhann hafi lengi haft áhuga á trúmálum er hann ekki kominn af mikilli prestaætt. „Ég á einn fjarskyldan ættingja sem er prestur. Áhugi minn á starfinu kviknaði þegar ég var ungur og starfaði mikið í æskulýðsstarfi kirkjunnar í Vestmannaeyjum.

Þar fylgdist maður með starfi prestanna og því sem fylgdi, þar á meðal að taka þátt í stærstu stundum í lífi fólks. Prestar vinna að góðum hlutum og auðvitað á trúin ríkan þátt í þessu; að boða hinn æðsta boðskap er skemmtilegt og krefjandi verkefni sem mig langar að taka þátt í."
Ólafur Jóhann verður vígður til Seljakirkju og stígur því sín fyrstu skref í prestsskap í Reykjavík og líkar það vel.

„Ég er mikill landsbyggðarmaður í hjarta mér og vissulega væri spennandi að fara út á land, en hér í borginni er líka nóg af fólki. Ég hef starfað í Seljakirkju í hartnær tvö ár, sinnt æskulýðsstarfi og fleiru, og kann vel við mig í þessari sókn."
Ólafur býst við að halda upp á daginn með fjölskyldu sinni. „Við eigum sjálfsagt eftir að gera eitthvað skemmtilegt saman. Ég hlakka mikið til, þetta verður ábyggilega góður dagur og það er mikið og spennandi starf fram undan."

 

Bloggar í ritarann

Alltaf gaman þegar bloggurum gengur vel, en ég sé að femíniski bloggarinn Sóley Tómasdóttir er orðin ritari flokksins.

Til hamingju Sóley, þú ert væntanlega einu skrefi nær að bjarga heiminum :)

Steingrímur endurkjörinn formaður og Katrín varaformaður VG

Nýjir staðlar

Sé þetta raunin hljóta aðilar að færa sig yfir í nýja staðal, til dæmis Ogg sem er að mörguleiti betri staðall. Það er alveg út í hött að fyrirtæki séu að greiða fyrir þetta.

Einkaleyfisdeila gæti haft víðtæk áhrif á fyrirtæki sem nýta sér MP3-tæknina

Tvískynjungsháttur

Nú eru þeir að íhuga að hætta sýningu á "ljósbláum" myndum.  Skemmtilegt orðalag!  Þeir eru ekki að bjóða upp á klám heldur "ljósblátt". 

Svo afsaka þeir sig með eftirfarandi orðum:

"Þessar kvikmyndir séu frá viðurkenndum söluaðilum og framleiddar með löglegum hætti."

Ha! Hvað eru þeir að meina, er ekki klám bannað á Íslandi?  Þessir aðilar sem þeir hentu út fyrr í dag, framleiða einmitt "löglegt klám". Hvernig verða menn svo viðurkenndir söluaðilar á klámi?

Þetta er auðvitað tvískynjungsháttur af verstu sort.

Eigendur Hótel Sögu vilja hætta að sýna ljósbláar myndir gegn gjaldi

Átak hjá vindlinga framleiðendum?

Camel.is er eitt nýjast íslenska lénið. Það er Japan Tobacco sem skráði lénið.

Ætli við eigum von á auglýsingum í gegnum netið?

Eðlilegt

Það er auðvitað ekkert nema eðlilegt að þetta fólk leiti réttar síns, hótelið vissi alveg hvað var að fara um að vera þegar þeir bóka þetta. Hótelið er samt sjálfsagt með einhvern disclaimer þar sem segir að þeir geti hent þér út ef þeir vilja og þegar þeir vilja.

Klámframleiðendur ætla að leita lögfræðiaðstoðar vegna fjárhagslegs tjóns

Bændur til bjargar

Það voru þá bændur sem björguðu deginu, femínistum á væntanlega eftir að finnast mjólkin góð á næstunni.

Við þessu er svo sem ekkert að segja, eigendum hótelsins er frjáls að úthýsa þessum mönnum eins og öðrum gestum.

Það er þó eftirsjá eftir 150 gestum, sem voru hver og einn tilbúinir að greiða um 100 þúsund krónur í skráninguna, fyrir utan annað sem þeir hefðu eytt hér á landi.

Þó svo að nú sé fagnað víða, veit ég svo sem ekki hverju er verið að fagna. Er verið að fagna því að þetta fólk ætlaði að koma hingað og skemmta sér? Er verið að fagna minna klámi? Er verið að fagna því að þetta fólk fái ekki að skemmta sér?

Það er svo sannarlega ekkert minna klám Íslandi, áfram er hægt að nálgast það á næstu bensínstöð eða fara á súlustaði.

Miðað við umræðu undanfarinna daga er ljóst að maður tekur með efa upplýsingar um þessi málefni. Það hafa verið ótrúlegir öfgar í gangi um tilganginn og hvað þetta fólk sé að gera.

Hætt við klámráðstefnu hér á landi

Ný auglýsing fyrir Dominos

Jónas Þór bendir á auglýsingu sem gæti vel átt heima með Dominosauglýsingunum.

Hugmynd?

Ekki í liði með foreldrunum

Það er greinilegt að Timberlake er ekki í liði með foreldrunum, en eins og greint var frá fyrir skemmstu þá leituðu foreldrar Britneyar til hans um að ná control á henni.

Það skildi svo ekki vera að þetta sé allt hluti af PR leik. Justin og Britney bara í kósýheitum að skálda í eyðurnar og dæla í fjölmiðla.

Þetta er allavegna orðin veruleg sápa.

Timberlake hrifinn af snoðklippingu Spears

Ekki í áskrift!

Það vekur athygli að DV eigi ekki að vera hægt að fá í áskrift, maður veltir fyrir sér hvernig það eigi eftir að ganga. Ég spái því ekki mjög löngu lífið á því formi, ég held að þetta verði bara of dýrt.

Ég vona að þeir ákveði ekki að fara í gamla farið, það á auðvitað eftir að koma í ljós. Við vitum að sorpið selur.

DV dagblað að nýju