Magnað

Mér finnst alveg magnað hvað þeir eru vinsælir, ég fór sjálfur á tónleikana þegar þeir komu fyrir ca. 2 árum síðan. Ég hélt að menn hefðu skolað Deep Purple úr kerfinu. Ég gerði það allan vegnaa. Spurning hvort koma Uriah Heep með setji auka boost í þetta. Maður fær kannski Easy linving flutt almennilega ef maður fer :)

Uppselt í stúku á tónleika Deep Purple og Uriah Heep

Gaman í Norrænu?

Undanfarið hafa verið keyrðar mjög sérstakar auglýsingar frá um Norrænu (Smyriline). Seint verður hægt að segja að það sé gaman að ferðast með Norrænu, en ég hef nokkrum sinnum farið með skipinu.

Þegar skipið var stækkað hélt ég að það væri komið kjörið tækifæri fyrir þá til að gera eitthvað skemmtilegt með skipið, en allt kom fyrir ekki. Enn er Viking Lounge, bara aðeins stærri, mötuneytið er eins bara nýrra. Eina nýjungin var nokkra metra löng sundlaug.

Svo má ekki gleyma klefunum góðu, seinast þegar ég fór var ég í 9 manna klefa, 3 kojur á hæðina, þannig að næsta koja var bara beint ofan í andlitið á þér. Kojur á 3 vegu, og í botninum var koja sem náði á milli veggja, viðkomandi hafði svona rúman metra til að komast í kojuna um miðja koju, því á báða kanta voru hinar kojurnar. Í þessu herbergi var engin rafmagnskló, þannig að ég fékk straum frammi af gangi til að hafa tölvuna mína í gangi.

Það þarf auðvitað ekki að taka fram fýluna í klefanum og hroturnar um nóttina.

Nú er ég ekki að segja að Norræna sé vonlaus ferðamáti, ég myndi alveg fara aftur með bátnum. Þetta er upplifun. Það er bara svo fjarri sanni að segja að þetta sé einhver skemmtun.

Anna hataði móður sína

Þá er þessum parti í sögunni lokið, ég hef stundum stillt á ET þegar þættirnir hafa verið endursýndir á nóttunni. Þar hefur þetta verið aðalmálið og já Britney. Auðvitað hefur verið sýnt frá réttarhaldinu og hinum léttgeggjaða dómara.

Miðað við það sem Anna hefur sjálf sagt um móður sína, hefur hún varla nokkuð með hana að gera. Þær hafa ekki talast við í mörg ár, og Anna grét hástöfum þegar hún lýsti móður sinni sem hræðilegri manneskju.

Svo var það auðvitað spurningin úr hverju hún dó, ýmsir hafa vitnað til þess að hún hafi verið að taka ýmis lyf. Reyndar er þá nokkuð fyndið að það hafi fundið nein lyf í íbúðinni eins og sagt var.

Svo eru það allir þessir elskugar, hún hefur svo sannnarlega ekki verið við eina fjölina felld, ef hluti af þessum ástarsamböndum er réttur.

Nú er það auðvitað næsti þáttur í sögunni, það er málið hver fær barnið. Við eigum sjálfsagt eftir að sjá þann hluta fram á vorið.

Anna Nicole Smith verður jarðsett á Bahama eyjum

Ekki mjög spennandi

Ég held þetta sé ekki mjög spennandi þáttur, ég heyrði einu sinni í Beckham sjálfum og þvílíkt leiðilegt enska sem maðurinn talar og þess rödd...

Svo fá þau um milljarð fyrir þetta. Ekki leiðinilegt að fá milljarð fyrir að flytja.

Veruleikaþættir um Beckhamhjónin í Hollywood

Frekar hress

Hún hefur alltaf verið frekar hress á þessum myndum sem við höfum séð hana á, ég hef nú meiri áhyggjur hvað er um að vera hjá barngreyinu.  Hvar er það á meðan móðirin hendist inn og út af endurhæfingarstofnunum.

Læknar telja Britneyju haldna fæðingarþunglyndi

Skrifstofustarf en ekki ritskoðun

Ég hafði gaman að lesa grein Steingríms J, í mogganum í dag.  Hvernig hann ræðst að bloggurum Samfylkingar og Framsóknar fyrir að benda á Netlögregluna sem hann vill koma á fót.   

Það er gaman að hlusta á hvernig Steingrímur reynir að kenna þeim um þetta, að þeir séu að mistúlka orðin hans, eða þessu hálfu setningu eins og hann kallar þetta.  Ég held að meiningin hafi ekki farið fram hjá neinum sem sá þetta. Núna er hins vegar búin nað setja á fullt í bakkgírinn þegar viðbrögðin koma í ljós. Hérna er því á ferðinni það sem PR-menn myndu kalla "Damage control".

Það sem Steingrímur sagði og þessi hálfa setning sem hann skrifar í dag heila grein til að verja er nokkurnvegin svona:

Egill: Myndirðu vilja ráðstafana til að takmarka klám á netinu:
Steingrímur: Já, alveg absalút, ég vil stofna netlögreglu sem meðal annars hefur það hlutverk og ekki síst að stöðva dreifingu kláms á netinu...

Dæmi nú hver fyrir sig, hvort þessi orð um netlögreglu hafi verið tekin úr samhengi. Hvernig á lögreglan að stöðva klám? Senda erlendum klámdreifingaraðilum bréf?

Hérna er augljóslega verið að ræða um ritskoðun.

Mannanafnanefnd víða að störfum

Fyndið! Spurning hvort einhverjir húmoristar eigi ekki eftir að reyna þetta sama hérna.  Góðan daginnn ég heiti Mancester United Jónsson, Vinir mínir kalla mig manna.

Þarna er fullorðinn maður á ferðinni sem veit alveg hvaða afleiðingar þetta hefur, ég get svo sem ekki séð neina ástæðu til að banna manninum þetta.

Vildi fá að heita Manchester United

Góð grein hjá Hannesi

Ég hef ekki alltaf verið sammála Hannesi, en greinin sem birtist í mogganum í morgun var virkilega góð.

Þar voru nokkrir mjög góðir punktar:

• Stefán Ólafsson notaði ranga aðferð til að reikna ginistuðulinn, skýrsla evrópusambandsins sýnir að tekjudreifing er ekki eins og Stefán segir.
• Aðstæður 20% fáttækasta hópsins hefur batnað meira en meðaltal OECD
• Fólk við lágtekjumörg er næst fæst á Íslandi, á eftir Svíþjóð
• Raunverulegur fjármagstekjuskattur er 26,2%, þegar búið er að greiða tekjuskatta af fyrirtækjum og fjármagnstekjuskatt.
• Fólk með lágar tekjur t.d. 100 þúsund, greiða hærra hlutfall tekna í skatt en á Íslandi.

 

Að lokum bendir Hannes á hvernig íslenska ríkið hefur aukið tekjur sínar af fjármagnstekjuskatti, úr 2 milljörðum í 18 milljarða.  Peningar sem hafa verið notaðir til að greiða niður skuldir og læka skatt (nú seinast vsk á matvælum).  Verði þessir skattar hækkaði er augljóst að fyrirtæki muni hætta að gera upp á Íslandi og færa penigna sína eitthvað annað.  Nær væri að lækka skattinn enn frekar til að laða að okkur erlend fyrirtæki.

Það er ótrúlegt hvernig vinstrimenn hafa undanfarið reynt að mála skrattann á veginn þegar staðreyndin er að við höfum það bara nokkuð gott hérna heima.

Skipulagið ekki í lagi?

Það er fyndið að Samfylkingin viðurkennir að vera svo sein að eina helgin sem er laus hafi verið sama helgi og Sjálfstæðisflokkurinn er að halda sitt landsþing.

Þvílíkt skipulagsleysi!

„Var eina helgin sem var laus"

Fátt nýtt undir sólinni

Ég hef fengið svoan símtöl síðan ég skráði fyrsta lénið mitt, þá var ég nógu vitlaus til að setja rétt símanúmer undir og síminn stoppaði ekki hjá mér á eftir.

Núna fæ ég bara svona 1 - 2 símtöl í mánuði, þar sem mér eru boðin hreint ótrúleg tilboð, eitthvað sem ég get ekki hafnað.

Einhvera hluta hefur mér alltaf þótt þægilegra að hafna þessu.

Þetta fólk er augljóslega mjög þjálfað sölufólk og eru með öll rökin. Fyrst reyndi ég að rökræða við þetta fólk og hafna þeim kurteisilega, núna segi ég bara nei takk og legg símann á. Ég nenni ekki að þjarka við einhvern í 10 mínútur um þetta. Ég er löngu hættur að hafa samviskubit yfir því að vera ókurteis.

Svona er maður orðinn ódannaður.

Varað við hlutabréfaviðskiptum