Óumhverfisvæni bíll forsetans

LeóM, sem er landsþekktur vegna áhuga á bílum skrifaði í dag ansi merkilegan pistil um bíla og umhverfisvernd.  Hann bendir á að bíll forsetans er hugsanlega ekki jafn umhverfisvænn og bent hefur verið á vegna eyðingar á rafhlöðunni.  Ekki veit ég hvað er til í því eða hvaða aðferðir hann notar.  Hitt er ekki síður merkileg sem hann bendir á en það eru kostir Díselbíla fram yfir bensín, í umhverfislegu sjónarmiði.  Það er mjög áhugavert og við höfum séð hér heima, meðal annars oktavían sem fór hringinn í kringum landið á 1 tanki, en það hefur ekki verið leikið eftir af bensín bíl.  

Mér skilst að það sé verið að vinina í að endurskoða þessi mál nú hjá ríkinu og ég spái að dísil muni lækka í verði miðað við bensín. 

Greinin 

Stílbrot

Ég sá þetta þegar ég var þarna úti, mér fannst þetta alveg týpískt fyrir ameríkuvæðingunni í Kína að það hafi meira að segja verið kominn Starbucks í forboðnu borginna. Ég átti eiginlega ekki til orð.

Starbucks lokar í Forboðnu borginni

Tómur bær

Það er áhugavert að kíkja niður í bæ núna, það er eins og það sé
Evróvision í gangi, nánast ekki sála á ferðinni. Það er greinilegt að
þjóðvegur 1 hefur verið yfirfullur í gær af sumarbústaðareigendum og
tjaldbúum.

Frídagur

Búinn að vera að reyna að ná í nokkra aðila, það virðist nánast alveg
sama hvert maður hringir, menn eru farnir í frí.  Ætli það verði
ekki svoleiðis að maður bara skellir sér sjálfur í frí.

Ég og viktoría

Við Viktoría höfum verið ágætis félagar ansi lengi, alveg síðan hún vinakði mér um árið og á afmælisdaginn sinn á Öland, þegar ég mætti og tók þátt í prógramminu á afmælinu hennar.  Þar sem meðal annars hin knái píanó snillingur Robert Wells, og Lionel Richie spiluðu.  Hún var reyndar ekkert að hafa fyrir því að vinka mér sérstaklega þar, en gerði það hins vegar fyrir utan eigin kastala.

Ég hafði svo sem ekki fyrir því að segja henni að það er tæp vika á milli okkar i aldri.  Það gerist síðar. 

Stressandi afmælisdagur fyrir Viktoríu Svíaprinsessu

Össur hress

Össur var að gera góða hluti í fréttunum áðan, að löggan sé að brjóta jafnréttislög með því að stöðva ekki róna en stöðva svo venjulegt fólk sem er að fá sér einn kaldann.  

Ég styð össur í þessu, það eru ótrúlega fáir dagar þar sem þetta er í boði.  Nágrannar eða aðrir sem þetta fer í taugnarna ár verða bara að bíta í vörina á sér í smá stund.

Skál. 

Afhverju ólöglegt?

Mér finnst þetta mjög merkilegar fréttir, að það skuli eiga að stoppa þetta.  Þetta er afgreitt samkvæmt öllum reglum sem gilda í Svíþjóð, ég get varla ímyndað mér að þau séu mikið slakari en þau íslensku.  Þarna er hreint ótrúlegtur verðmunur á þessum lyfjum og það þarf amk. að kynna sér afhverju þessi verðmunur stafar.   

Nú er ég ekki að segja að það sé okur íslensku lyfjafyrirtækjanna, það er spurning hvort hérna séu skattar, eða lög t.d. um merkingar að kenna.  Ég átta mig ekki á það hvaða skildur eru.   Það þarf þá að skoða það, hvað er að valda þessum kostnaði.

Lyfjastofnun telur vefsíðuna minlyf.net vera ólöglega

Iphone blandaður í duft

Samkvæmt þessu myndbandi blandast hann ansi vel. Þetta gengur nú ansi víða á netinu þetta myndband og menn misánægðir með að meðferðinni á símanum.  Það kom mér reyndar á óvart hversu mikið hann blandast, verður algjörlega að dufti.

Minni á greinina mína á Deigluni í gær um Iphone. Ég nefndi reyndar ekkert um blöndunar möguleika símans en ýmsir aðrir eiginleikar voru teknir fyrir.

 

Rosaleg bygging

Ég er búinn að fylgjast með þessu svakalega ferlíki rísa, ég hélt alltaf að þarna væri Bauhaus að rísa og við ættum fljótlega eftir að sjá meiri samkeppni í byggingarvöru.  Þetta er bygga af svona svipuðum stíl, það er þetta er ódýr stálgrinarhús.  

Maður spyr sig hvenær eiginlega verði komið nóg af verslunarhúsnæði hér í borginni, og hver ætli eiginlega að flytja í allar þessar skrifstofubyggingar sem nú eru að rísa í borginni. Er virkilega markaður fyrir þessi húsnæði?

Á sama tíma hefur ekkert framboð verið af lóðum hjá borginni af fyrir bara venjuleg hús, þetta eru allt einhverjar risaskrifstofu byggingar.  Hvenær skildi borgin laga þetta?   

Verslunarhúsnæði byrjað að taka á sig mynd

Kemur nú ekki á óvart

Það kemur ekki á óvart að fimmti hver svíi eigi meira en milljón í eigifé, um leið og íbúðarverð hefur rokið upp þar eins og hér er auðvelt að hrein eign vaxi í milljón sænskar (eða um 9 milljónir), þetta eru augljóslega ekki peningar í hönd.  Það er örugglega 5 hver Íslendingar sem á orðið 9 milljónir í eigið fé eftir gríðarlegan vöxt undanfarinna ára.  Það er nóg að bara hafa keypt venjulega íbúð fyrir nokkrum árum síðan.   Að sjálfsögðu finna menn samt ekkert fyrir þessu, því þessir peningar eru bundnir í steypi og þetta kemur ekki í ljós nema að menn flytja aftur heim til mömmu.

Hitt kemur svo alls ekki á óvart að eldra fólk eigi meiri pening en ungt fólk. Fyrr má nú vera, þetta er fólk sem hefur unnið alla ævi.  Það er eins og að segja að ungt fólk sé unglegra en eldra fólk.  Auðvitað á eldra fólk að meðaltali meiri pening en yngra fólk, fólk sem er búið að vinna alla ævi og koma sér upp húsnæði og greiða niður, búin að koma upp börnum og greiða allar skuldir.  

Fimmti hver Svíi á milljón