Þessu verður að breyta

Ég skil bara ekki þessa þrjósku, það er greinilegt að Árni Matt þarf að labba niður í Tollstjóra og leiðrétta það.  Það er bara ekkert eðlilegt við að innheimta þennan skatt, fyrir utan allt það smygl sem er í gangi á þessum tækjum.  

Þetta er alveg gjörsamlega út í hött! Ég trúi því bara ekki að menn ætla að halda þessu til streitu. 

iPod tollurinn er kominn til að vera

Athugasemdir

[Svartinaggur, 18.10.2007 kl. 08:59]

Tollar eru innheimtir samkvæmt lögum og þá getur ráðherra ekkert breytt því með því að "labba niður í Tollstjóra og leiðrétta það".

[TómasHa, 18.10.2007 kl. 11:39]

Hins vegar er það mat tollstjóra í hvaða flokk varan lendir, það er klárlega orðið nokkuð teygt þegar kemur að Ipod og eina ástæðan er afla tekna.  Ef þú hefðir lesið fréttina sérðu hvað þetta mál er í mikill krísu, þar sem menn eru að hoppa fram og til baka með t.d. síma eða handtölvu.

Ef menn teljað það nauðsynlegt að breyta lögum, þá þarf að aðlaga þau að þessu.   

[Þórir Hrafn Gunnarsson, 18.10.2007 kl. 13:50]

Er ekki bara kominn tími á að slaufa þessum raftækja tollum öllum?

Hver er eiginlega tilgangurinn með þeim? Það hefur sýnt sig að þetta skilar hlægilega litlum tekjum í ríkiskassann og lægri verð á raftækjum myndi vafalítið skila ríkinu meiri tekjum í gegnum virðisaukaskattinn.

Einhver rök um verndun íslensks iðnaðar virðast augljóslega ekki eiga við. Er annars einhver massíf brauðrista eða Ipod framleiðsla í gangi hér á landi sem ég vissi ekki af?

Burt með þetta.

Kveðjur :) 

[Kári Harðarson, 19.10.2007 kl. 06:54]

Tollar eru innheimtir samkvæmt lögum - en ekki hefur hæstvirt Alþingi úrskurðað um hvern einasta tollalið í 500 blaðsíðna tollskrá?

Hvernig er þessu stýrt?  Það er sundurliðun í skránni niður á Satsúmur og Tangerínur, ég hef aldrei séð sjónvarpað frá neinum klementínu og mandarínufundum Alþingis.  Þetta hlýtur að gerast á öðrum vettvangi.  Spyr sá sem ekki veit.