Gekk ég kannski í Frjálslyndaflokkinn??

Það er áhugavert mál í gangi núna á málefnunum, félagi í Frjálslyndaflokknum virðist hafa upplýsingar um það að StebbiFr hafi verið skráður í flokkinn.

Þetta eru greinilega dæmi um þau makalausu vinnubrögð sem fóru fram á þessu þingi, amk. hafi einhver skráð sig á þingið í nafni Stebba og fengið að kjósa.

Það er líka áhugavert að vita til þess hversu opin flokksskráin er, þegar menn geta verið að þefa í henni finna áhugaverð nöfn og skrifa um það á netinu. Þetta er væntanlega eitthvað sem myndi bara gerast hjá Frjálslyndum.

Manni er spurn hvort maður hafi verið þarna líka? Þeir sem hafa tjáð sig um þetta mál, virðast sumir halda að þetta hafi verið vegna þess að Stebbi hafi verið að tjá sig um málefni Frjálslyndra, já og skipta sér af þeim. Ég "skipti mér" nú aldeilis aldeilis af þessu þá líka með því að blogga um þetta eins og Stebbi gerði.

Þetta er kannski einhver aðferð hjá þeim í Frjálslyndaflokknum til að fjölga í sínum röðum? Skrá fólk bara í hann.