Skellum okkur í bað

Spurning um að vera á réttum stað á réttum tíma og baða sig þá í peningum.

Stöð 2, 26. jan. 2007 19:30

Sturtaði evruseðlum yfir mannfjöldann

Vegfarendum í Kaiserslautern í Þýskalandi varð nokkuð hverft við í morgun þegar ský dró fyrir sólu og peningaseðlum tók að rigna. Ekki voru örlátir veðurguðir þarna á ferðinni heldur maður sem unnið hafði 100.000 evrur, jafnvirði níu milljóna króna, í útvarpshappdrætti. Hann ákvað að halda aðeins fjórðungi upphæðarinnar eftir handa sjálfum sér og hella afganginum, fimmtán þúsund fimm evruseðlum, niður úr kranabíl til fjárþurfi borgarbúa. Á fjórða þúsund manns reyndu að krækja sér í seðil þrátt fyrir að í borginni væri nístingskuldi.

 

Öllum er boðið

Þá er það ljóst hver sem er getur kosið hjá Frjálslyndum, bara droppa við fyrir klukkan 3 á morgun og greiða 2000 krónur og þá ertu gildur. Nema að þú sért gamalmenn eða öryrki þá þarftu ekkert að greiða.

Það er með hreinum ólíkindum að flokkurinn skuli ekki vilja kjósa menn inn á þetta þing. Á þessu þingi ætla þeir ekki bara að kjósa sér varaformann, heldur ætla þeir að marka sér stefnu. Það eru ástæður fyrir að menn vilji vita fyrir hverjir ætla að mæta, menn vilja fá vinnufrið.

Aðalástæðan fyrir þessu hjá Frjálslyndum er væntanlega sú að þeir eru að reyna að smala í flokkinn.

Viljum eiga aðild að ríkisstjórn eftir kosningar

Hvaða fólk er þetta?

Það vita nú allir hverjir róling stones eru en það eru þeir sem koma á eftir sem vekja spurningar hjá mér.

Tim McGraw - Kántrý gaur

Rascal Flatt - Kántrý band

Fleiri kántrýmenn eru á þessum lista. 

Þetta segir ansi mikið um vinsældir kántrýtónlistar í Bandaríkjunum. Maður þekkir varla til þessarar tónlistar hérna heima, nema eintstaka lag. Það kom mér á óvart þegar ég hef rætt við Kana, sem þekkja mjög lítið af annari tónlist nema kántrý.

Rolling Stones þéna mest allra í Bandaríkjunum

Er öllum boðið?

Það vekur nokkra furðu að ég virðist geta gengið í Frjálslyndaflokkinn á morgun og komist beint á Landsþing.

Það er gríðarleg samkeppni hjá stóruflokkunum og menn eru að keppast um sætin.

Þér er ekki boðið!

Var það ekki Rotvæler hundarnir sem átti hið ágæta lag þér er ekki boðið.

Væntanlega gildir þetta um Viktoríu ef hún neitar að mæta eins og hún er beðin um.

Hvernig berst svona annars í fjölmiðla? Sendir Viktoría frá sér tilkynningu eða?

Bleikt er ekki liturinn hennar Viktoríu

Alfreð illur

Alfreð var greinilega kolbrjálaður í lok leiksins, hann virtist á tímabili ætla að höggva mann og annan en róaðist svo.

Veit einhver hvað var þarna í gangi. Það kom á óvart að hann var ekkert spurður út í þetta í viðtali sjónvarpsins.

Kommentið ef þið vitið eitthvað um þetta.

HM: Logi bjartsýnn þrátt fyrir meiðsli

Guðmundur hættur

Það kemur nokkuð á óvart að Guðmdunur Magnússon sé hættur. Ætli það megi ekki segja að Guðmundur sé að hætta á toppnum.

Oft þegar bloggarar hætta er þetta í kjölfarið á því að menn dala rólega niður í ekkert eða að menn séu að skipta um vinnu og fara í vinnu sem krefst bloggleysis.

Skildi Guðmundur vera kominn með jobb?

LEIÐARVÍSIR Í ÁSTAMÁLUM FYRIR UNGAR STÚLKUR

Rakst á þessar snilldar bók.

Ekki að ég hafi lesið hana en ég geri ráð fyrir að fyrirsögnin segi allt sem segja þarf.

Hvar.is snilld

Ég er alltaf að átta mig meira og meira á því hvað hvar.is er mikil snilld.

Ég fór um daginn til Bandaríkjanna en þurfti á greinum að halda. Þá kom í ljós að margar þeirra voru læstar og ég gat ekki komist inn á þær.

Skattaafsláttur

Las þessa frétt á vísi.is, ég sé að rætt er um fjármagnstekjuskatt en sé ekki hvar rætt er um þenna skattaafslátt.  Hvaða skattaafslátt fær þetta fólk?  Borgar það ekki sína skatta eins og upp er sett? 

Stöð 2, 25. jan. 2007 18:17

Fá ríflegan skattafslátt en njóta allra réttinda

Eitt hundrað og fimm hjón sem höfðu lifibrauð sitt einungis af fjármagnstekjum, samkvæmt skattframtali höfðu tæpar níu milljónir á ári að meðaltali í árstekjur, en mikill munur er á þeim tekjulægstu og tekjuhæstu í hópnum. Fjármagnseigendur greiða minna en þriðjung þeirra skatta sem venjulegir launþegar þurfa að borga. Þeir njóta hins vegar sambærilegra réttinda til að fá barnabætur og vaxtabætur. Ef við skoðum þann afslátt aðeins nánar, að teknu tilliti til persónufrádráttar og tökum dæmi af tvennum hjónum með tólf milljónir í samanlagðar tekjur á ári, kemur í ljós að önnur hjónin sem vinna venjulega launavinnu borga þrjár milljónir fimm hundruð og tuttugu þúsund í tekjuskatt, útsvar og framkvæmdasjóð aldraðra.Hin hjónin, sem hafa jafnmiklar tekjur greiða einungis tæpa eina milljón í skatta.Fjármagnstekjurnar skerða hins vegar ekki barnabætur nema eins og venjuleg laun, þannig að þetta fólk fær barnabætur og vaxtabætur til jafns við hina

Sex þúsund og sexhundruð manns hafa meirihluta tekna sinna af fjármagnstekjum, þar af lifa tvö þúsund og þrjú hundruð þeirra eingöngu af fjármagnstekjum. Ríflega tvöþúsund þeirra gefa upp tekjur sem ná ekki skattleysismörkum.