Áhrifana farið að gæta

Var að lesa þetta, það er því greinilegt að það hafa runnið tvær grímur á suma kjósendur VG vegna þessara frétta.

Ég býð eftir því að sjá merki, úr þessari merkilegu merkjavél hans Stebba Páls, þar sem stendur "Kjóstu! Seta heima er atkvæði greitt Framsókn". Það myndi hugsanlega hræða einhverja stuðningsmenn VG, til að kjósa þrátt fyrir áhættu um að VG séu á leiðinni í eina sæng með Íhaldinu.

Munu öll börn í Hafnarfirði deyja?

Undanfarið hefur Sól úr straumi dreift myndbandi bæði í gegnum netið, sem og með auglýsingum í sjónvarpi. Þar hefur CO2 losun álversins verið lýst sem eitri sem muni drepa börnin í Hafnarfirði, við sjáum hvernig börnin kafna í reyk og hósta.

Staðreyndin er að allt í kringum okkur er CO2, í andrúmsloftinu eru eitthvað í kringum 0,03% og við öndum frá okkur um 4,5% CO2 (ef ég mann rétt úr menntaskóla). Hvert og eitt okkar skaffar um 1 kg af CO2 til andrúmsloftsins á sólarhring. Allt í kringum okkur eru CO2 gjafar, án þess að það sé að hafa sérstaklega slæm áhrif á okkur eða börnin okkar. Að sjálfsögðu er þetta í úrblæstri bíla, rotnun og svo framvegis. Þegar við öndum, þegar við brennum kerti, í hveravatni og eldgos svo einhver vel þekkt dæmi séu nefnd.

Það efast enginn um að þessar tölur eru réttar með útblásturinn álversins í samanburði við bílaflotann. Það er hins vegar framsetningin sem eru verulega gagnrýniverð. Losun þessa CO2, hefur ekki meiri áhrif á börn Hafnarfjarðar frekar en losun á sama magni á Húsvík. Skildi Sól í Straumi hafa heyrt um hugtakið "Global Warming"? Það hentar þeim því miður ekki að segja frá hinum raunverulegu áhrifum CO2, það væri ekki eins dramatískt fyrir húsmæður í Hafnarfirði.

Hrafninn alltaf hress

Ingvi Hrafn kann að reita fólk til reiði, ég veit samt ekki hvort hann sé búinn að nota þetta trikk einum of oft, en í dag skrifar hann:

Líklega er rétt hjá mér að konur sem í stórum hópum segjast ætla að kjósa VG séu að skrökva.Konur í eðli sína velja sér þá sem þær telja að geti skaffað. Allir vita að Vinstri grænir geta ekkert skaffað, kunna engin úrræði til að skaffa og boða stefnu,sem yrði hreint afturhvarf til atvinnuleysis og hnignunar.

Það kemur væntanlega í ljós á þegar gengið verður í kjörklefann, hvort þessi kenning sé rétt hjá Ingva.

Annað sem Ingvi segir er:

Velti fyrir mér hvort Ingibjörg Sólrún Gísladóttir geri sér grein fyrir hve Evrópumálin,sem hún er enn einu sinni að tönnlast á eru lágt á forgangslista kjósandans.

Þarna er ég hins vegar hjartanlega sammála honum, menn eins og Gummi Steingríms eru að reyna að koma þessar umræðu á koppinn. Ég held að það sé ekki mikill jarðvegur fyrir því að ræða þetta. Það er hlægilegt að lesa um "Suðupott Sjálfstæðisflokksins" í þessum efnum.

Er þessum tölum treystandi?

Ég velti fyrir mér hversu mikið er hægt að treysta þessum tölum, Ístak er varla hlutlaust aðili nema þeir hafi ákveðið að bjóða ekki í verkið.

Af hverju fengu Sjóvá ekki verkfræðistofu til þess að sjá um þetta?

Hægt að tvöfalda Suðurlandsveg fyrir 7,5 milljarða

Meirihluti þingmanna með minnihluta atkvæða?

Einar Mar er með áhugaverðar pælingar. Oft hafa ný framboð mælst í hæstu hæðum í fyrstu könnunum og svo hefur fylgi reist af þeim þegar nær dregur kosningum.

Borgarflokkurinn og Þjóðvaki eru ágætt dæmi um þetta. En við höfum líka dæmi um hið gagnstæða t.d. þegar VG kom fram þá mæltist flokkurinn ekki hátt í fyrstu könnunum en bætti stöðugt við sig fram að kosningum.

Svo segir hann líka:

Ef marka má Fréttablaðskönnunina virðist Íslandshreyfingin fyrst og fremst vera að taka fylgi af VG og Frjálslynda flokknum sem er í takt við það sem ég og fleiri spáðum. Þ.e. þeir sem eru líklegastir til að kjósa ný framboð eru þeir sem eru ósáttir við núverandi ástand og myndi því að öllu jöfnu kjósa stjórnandstöðuna.

Þeir eru því ekki að taka fylgi af Sjálfstæðisflokknum eins og yfirlíst markmið þeira eru.

Það hlakkar væntanlega í Margréti að vera yfir 5% línuna á meðan gamli flokkurinn hennar er rétt undir henni og þar með ekki með neinn mann á þingi, á meðan 5% duga flokki Margrétar fyrir 3 mönnum, vegna 5% reglunnar. Margréti finnst það sjálfsagt ekkert leiðinlegt að vera þess valdandi að þeir koma ekki manni á þing.

Valdimar Leó ekki í toppsæti

Miðað við fylgi Frjálslyndra er alls ekki víst að þetta skipti nokkru einasta máli. Það vekur samt athygli að Valdimar skuli sætta sig við annað sæti og þar með nokkuð örugglega að vera utan þings, eftir að hafa rokið á dyr hjá Samfylkingunni.

Frjálslyndir birta framboðslista í Suðvesturkjördæmi

Hvaða rugl er þetta

Má hún ekki bara fá sér það gæludýr sem henni langar í? Það er ekki eins og hún sé að fá til sín dýr sem er í útrýmingarhættu eins og svo margir frægir eru að gera, bara upp á sportið.

Menn hafa ræktað alls konar dýr, það er nú enginn sérstaktur sómi af mörgum þessu smáhundum. Spurningin er kannski frekar hvort hún fari ekki vel með kisuna og að henni líði vel í höndum Parisar.

Það er annars hægt að gangrýna allt hjá þessu fólki.

París gagnrýnd fyrir að fá sér dvergkött

Kraftmikil súpa

Hafa ekki súpuframleiðendur verið að keppast um að auglýsa krafmiklar súpur? Þetta hefur svo sannarlega verið krafmikil súpa þarna á ferðinni, það vill til lukku að það slaðaðist enginn, enda kvikknaði svo sem enginn eldur.

Fyrst þegar ég sá þetta hélt að einhver hefði verið að herma eftir vísindanördanum í sjónvarpinu, sem var að kvetja fólk til að gera tilraunir með örbylgjuofninn heima hjá sér, meðal annars með geisludiskum. Í kjölfarið átti ég von á nokkrum svona fréttum, nema með strákum á fermningaraldri.

Það vill okkur hinum til happs kannski að þeir nenna ekki að horfa á kastljós.

Mikill reykur myndaðist vegna núðlusúpu í örbylgjuofni

Óþolandi Gmail

Mikið svakalega er ég pirraður út í gmail þessa dagana. Ótrúlega algeng skilaboð eru eftirfarandi:

Villa í vefþjóni

Því miður er liggur Gmail-vefpósturinn niðri tímabundið. Unnið er við að leysa vandann - reyndu að skrá þig inn eftir nokkrar mínútur.

Ég vona að þeir fari að laga þetta, en undanfarið hafa stundum verið klukkutímar sem maður hefur ekki getað farið í póstinn sinn.

Gott mál

Það er ákaflega gott mál að flokkarnir hafi getað komist að þessu samkomulagi, það er betra en hefur verið undnanfarin ár þar sem menn hafa eitt ansi miklu. Það hefur komið fram að ákveðnir flokkar hafa ætlað að eyða meira.

Það sem er best við þetta er að flokkarnir hafa sjálfir komist að þessu samkomulagi en þeir voru ekki neyddir með neinum lögum.

Eins og hefur áður komið fram ættu þeir að geta nýtt þessa peninga ágætlega, þar sem enginn viðurkenndi fyrir seinustu baráttu að hafa eytt meira í heildarkostnað.

28 milljóna króna mark sett á auglýsingakostnað flokkanna