Blogg partý

Tók ekki eftir C-inu og las þetta fyrst sem blogg, missti mig að sjálfsögðu og las fréttina.

Hélt að hérna væri á ferðinni blogg partý og fannst AirWaves vera farnir að gefa netmiðlunum gauðan gaum. Nú væri komið að því að bjóða bloggurunum í partý og fá þá til að skrifa vel um hátíðina.

Þetta er alla vegna hugmynd.

Bloc Party á Iceland Airwaves 2007

Hafnarfjarðar aprílgabb

Í dag skrifa ég á Deigluna um fíaskóið sem upp er komið í Hafnarfirðir.
Hafnarfjarðar aprílgabb.

Mögnuð barátta

Það er magnað að fylgjast með þessari baráttu, eins og ég skrifaði ég gær skildi ég ekki alveg hvað Pálmi var raunverulega að koma fram, þar sem ekki var verið að skjóta á hann. Í dag vitum við að þetta er sem sagt Flugleiðum, Pálma og Samkeppnisstofnun að kenna hvernig fór fyrir Iceland Express. Þessir ágætu herramenn bera enga sök.

Í gær benti talsmaður femínista á að ekki er sagt:"Karlar eru körlum verstir". Ímyndið ykkkur hvað hún hefði sagt ef það hefðu verið konur sem hefðu rekið þetta og það samsæri sem karlarnir væru að leggja fyrir konurnar.

Segja Pálma eiga persónulegan þátt í rekstrarerfiðleikum IE

Georg Helgi Seljan Jóhannsson....

Ljósvakalæðan segir frá ati sem Logi Bergmann gerði við Helga Seljan.

Logi fór nefnilega austur í dag að stjórna árshátíð starfsmanna Fjarðaáls, og fannst tilvalin hugmynd að fá alla til að senda týnda syninum, Helga Seljan, örlitla kveðju, en hann hefði sem kunnugt er snúist gegn álverum og sæti nú að sumbli, með Jónsa í Sigurrós og Andra Snæ, á Kaffibarnum.

Svona eins og 2 þættir

Ég er mikill aðdáandi 24 þáttanna og á til fyrstu 4 seríurnar, sería 5 og 6 bíða betri tíma kannski páskanna.

Einu sinni reyndi ég að horfa á seríu á stöð 2 um leið og ég horfði á gamla seríu, það var algjörlega vonlaust verkefni. Besta leiðin er einmitt að horfa á þetta í einum rikk.

Ég er alls ekki sannfærður um að bíómynd eigi samt eftir að heilla mig. Ég veit það ekki, þetta er algjörlega þættir sem eiga að vera áfram sem þættir.

24 mega eiga það, að ólíkt mörgum þáttum sem eru snilld í fyrstu seríu, þá verða seríurnar á eftir eins og að horfa á lélega framhaldsmynd. Nú seinast stefnir í þetta með Prison Break, ef þeir ætla að halda áfram að teygja lopan í næstu seríu. Sama fannst mér t.d. um Lost og Desperate Houswifes.

24 kvikmyndinni slegið á frest

Enn heiðursgestur

Þessi frétt vakti athygli mína, ætli margir bæjir séu enn með Hitler sem heiðursboragra? Væntanlega hafa ansi margir gert Hitler að heiðursborgara á sínum tíma.

Það er svo auðvitað spurning hvort látinn maður geti verið heiðursborgari?

Sumarleyfisbær sviptir Hitler heiðursborgaratitli

Eitt langbesta í bænum

Var að skoða tilboð á ferðatölvum, enda er mín orðin frekar döpur, eftir þá meðferð sem hún hefur fengið. Rakst þá á þetta:

 

EITT LANGBESTA FARTÖLVUTILBOÐ Í BÆNUM - GRÍÐARLEGA VEL BÚIN TÖlVA - SJÓN ER SÖGU RÍKARI

Nú skal það tekið fram að þetta er sjálfsagt mjög gott tilboð, en væntanlega er þetta eitt besta eða þá langbesta tilboðið.

Frjálslyndir hafna Samfylkingunni

Undanfarið hafa verið umræður um stöðu Frjálslyndra innan kaffibandalagsins svokallað. Fyrst og fremst hefur verið rætt við formenn hinna flokkanna, en ekki verður annað sé en að Jón Magnússon, taki af skarið á blogginu sínu í dag og hafni samstarfi við Samfylkinguna, vegna áherslumunar í innflytjendamálum.

Það virðist fara nokkuð lítið fyrir formanninum þessa dagana, það er eins og Jón Magnússon sé orðinn formaður en Guðjón Arnar hafi týnst. Samruni eða take over?

Bloggátak dagsins

Bjössi er í bloggátaki og nú kominn á topp 400. Ég hef fulla trú á Bjössa, hann á örugglega eftir að skauta upp listann.

Netgreinar

Nú er kominn einhver efnisflokkur neðst á mogganum (mbl.is) sem heitir netgreinar, í fyrstu hélt ég að þetta væru bara aðsendar greinar og myndu birtast í þar til gerðu umhverfi innan mbl.is. Þegar ég prufaði að smella, þá birtust mér blogg.

Ekki minkaði hrifningin við þetta, þegar vinir mínir á blog.is myndu ekki bara taka eftir mér einhvern dag og setja mig á lista hinna viljugu og útvöldu, heldur væru þeir farnir að handvelja áhugaverðar færslur og birta þarna niðri. Hið besta mál og hvatning fyrir mig og fleiri virka bloggara til að skrifa inn langar og vandaðar færslur.

Nú er ég búinn að lesa þetta í nokkra daga, og tek eftir því að alltaf eru þetta fyrstu og einu færslurnar sem hafa birst hjá viðkomandi. Þetta virðist því ekki vera eins og ég hélt, einhverskonar handval, heldur heldur eru aðsendu greinarnar sem fá ekki birtingu í blaðinu skellt þarna, að því er virðist.

Það er spurning hvort þetta sé eitthvað trikk að fjölga notendum á blog.is?