Kastljósið

Það var gaman að sjá hvern frambjóðenda Framsóknarflokksins á fætur öðrum koma fram með þægilegar spurningar og skot á andstæðinganga. Það má auðvitað deila um gang slíkra spurninga, sérstaklega þegar menn eru kynntir inn sem frambjóðendur.

Góð ábending hjá Hirti

Það er alveg ljóst í hvað Hjörtur er að nota fæðingarorlofið í þessa dagana, undanfarið hefur komið hver eðalfærslan á fætur annari. Nú bendir hann hvort félagar Margrétar Sverissdóttir vilji nú fara að stunda landráð að hennar mati.

Heppinn ráðherra

Ráðherrar ferðast mikið og eru á ferðalögum landshornanna á milli. Þeir eru því svo sannarlega í áhættuhópi fyrir svona slysum, eins og sagan sýnir.  Það er mikið lán að Einar sé ekki meira slasðaur en raun ber vitni.

Ráðherrann slapp ómeiddur úr bílveltu

Blogggáttin er snilld

GulliKr kommentar hér fyrir neðan á færslu hjá mér um moggabloggið og notar tækifærið og minnist á blogggáttina.

Ég nota blogggáttina oft á dag, algjör snilld.

Af hverju í veröldinni?

Afhverju í veröldinni ætti að gefa manninum upp sakir? Maðurinn er látinn fyrir mörgum árum, væntanlega hafa dómstólar meira og betra við sinn tíma en að eltast við gamlar syndir.

Tímarnir breytast og þetta var bara það tíðarfar sem var í gangi á þessum tíma. Ég efast um að minning Jims hafi skaðast af þessu.

Vill að Jim Morrison verði gefnar upp sakir

Tippa á nafnið Bílanaust

Það er mjög skiljanlegt að fyrirtækið ákveði að láta af þessu nafni miða við 50 milljónir á ári í kostnað. Haldi þeir sömu samningum þegar kemur að innkaupum, ætti þetta að vera aðgerð sem er fljót að borga sig. Ég get ekki séð að ég versli frekar hjá bílkó, olíulindinni eða bílanaust.

Ég held reyndar að þeir ættu að setja bílanaust nafnið á allan flotan, ég væri ekkert hissa þótt að þeir myndu gera það. Þetta er þekkt nafn og því ekki þörf á að kynna nafnið.

Esso-merkið kostar fimmtíu milljónir á ári

Nú fyrst verður fjör í dallinum

Þetta hljóta að vera gleðifréttir fyrir áhugamenn um þjóðhátíð. Hægt að hanga á barnum alla leiðina og vera orðinn vel ölvaður þegar til Eyja er komið.

Ég er hissa að það skuli ekki fyrir löngu vera búið að útvega þetta leyfi um borð í ferjuna. Það gæti farið svo að það færi að verða hagnaður af bátnum.

Sótt um áfengisleyfi um borð í Herjólfi

Að blogga fyrir bæði lið

Nú hef ég bloggað í um 5 mánuði á blog.is og hef allan tíman verið einn virkasti bloggarinn.  Ég hef alltaf haft áhuga á bloggi en verið með blogg meira og minna síðan 1998.   Maður ætti auðvitað fyrir löngu að vera kominn í hóp valinna bloggara.  Maður hefur ekki enn komist á náðina hjá þeim sem það ákveða.

Ég hef verið að fylgjast með blogginu á vísi.is, ég stofnaði um daginn blogg þar og fór að prufa mig áfram,  fyrst og fremst til að bera saman kerfin.  Ég tók eftir því að það eru ótrúlega margir sem eru að blogga á báðum stöðum.  Þetta á sérstaklega við up pólitíkusa sem virðast vera að birta sömu færslurnar á báðum bloggunum sínum. Væntanlega í von um meiri lestur.   Hins vegar er óvíst að það borgi sig, þar sem líklega eru heimsóknir á vísisbloggið svo fáar.

Könnun mín á vísisblogginu bendir til að blogga um frétt virki alls ekki. Það er annars varla tilviljun að það er ekki einu sinni bloggað um vinsælustu fréttirnar á vísi.is? Ég var að skoða nokkrar fréttir áðan og það er hvergi bloggað um frétt. Það þýðir að lesendur vísisbloggsins njóta lítils góðs af því að vera þar, fremur en hverju öðru ókeypis bloggi.

Það er samt sniðugur fídus á vísis blogginu, að þar er listi yfir alla bloggara í stafrófsröð. Þar er einnig að finna lista með 50 vinsælustu bloggurunum. Fyrst ætlaði ég að kvarta undna því hversu lítill sá listi er, en miðað við heimsóknir á listanum bendir fátt til þess að það sé nauðsynlegt.

Það sem báðum bloggkerfunum vatnar er að bjóða upp á lista sem er nokkuð langur yfir ný uppfærð blogg. Mogginn birtir á nokkrum stöðum umþb. 10 nýuppfærð blogg en maður ætti að geta valið sjálfur 50, 100, eða 400 eins og þeir bjóða upp á með vinsæl blogg. 

Ekkert að frétta á Útvarpi Sögu

Útvarp Saga er komin með nýja fína heimasíðu. Svo fína að það tekur ekki að uppfæra hana. Reyndar er fyrsta frétt á síðunni ágætt, en það er að Villi Vill hafi verið valinn maður ársins.

Björn orðinn ráðherraefni öryrkja og aldraðra

Var að lesa blogg Baráttusamtökin sem eru sameiginlegt framboð Baráttusamtaka eldri borgara og öryrkja, sé þar að Björn Þór er orðinn ráðherraefni samtakanna. Miðað við hversu vel var tekið í þetta hjá Birni, er ekki ólíklegt að hann verði ofarlega á lista hjá þeim. Mér skilst að þau séu á fullu að manna listana. Ég held að fáir höfnuðu Birni, enda held ég að hann hafi tiltölulega fá lík í kjallaranum, vel menntaður, með gott ættarnafn og framkvæmdarstjóri. Það er varla hægt að hafa það mikið betra.