Ungir stuðningsmenn Margrétar Sverrisdóttur

Þegar maður heyrir þetta brosir maður.  Ætli þetta sé Margrét sjálf.  Hún var nú lengi vel einn efnilegasti "ungi" stjórnmálamaðurinn hjá Frjálslyndum.

Ungliðahreyfingar „tjarnarkvartettsins" gefa út sameiginlega ályktun

Og hvað?

Þetta eru nú ekki mjög merkilegar fréttir að mínu mati og ekki hægt að sjá hvaða áhrif þetta hefur á þessa deilu.

Það er hins vegar ekki hægt annað en að skilja kröfu handritshöfunda og eiginlega óskiljanlegt hvað kvikmyndaverin eru þrjósk með þetta.  Nú þegar eru þeir búnir að tapa stórum fjárhæðum vegna þess að þeir eru að endursýna gamla þætti og áhorf hefur minnkað.  

Það er auðvitað fyrir utan sölu og hagnað af þáttum sem ekki eru framleiddir um þessar mundir. 

Hótar að sniðganga Óskarsverðlaunahátíðina

Afturför hjá DV.is

Það hefur orðið gríðarleg afturför hjá DV.is síðan Guðmundur Magnússon hætti þar afskiptum. Vefurinn var kominn á bullandi flug með sjálfstæða blaðamennsku og einn af þeim vefum sem var í rúntinum. Vörumerkið DV.is var auðvitað mein, en samt stóð vefurinn og fréttaflutningurinn undir sínu. Þeir sem stóðu að þessum hefði betur valið þessum nýja vef eitthvað annað nafn. Hann hefði líklega verið í betri málum í dag hefði það verið valið.

Eins og þetta er í dag, þá virðist þetta vera eins og þetta var, þar sem helst er verið að segja frá fréttum sem hafa verið sagðar í blaðinu og fá menn til að kaupa.

Eini munurinn er að það er ekki þessi ljóta auglýsing fyrir neðan hverja frétt þar sem mönnum er boðin áskrift.

Biðlaunin góðu

Ekki að þessi biðlaun séu mikill sómi en hins vegar virðist vera mikill miskilningur með þau, eins og ég heyrði í morgunútvarpi Rásar 2 í morgun. 

Biðlaun þeirra manna sem eru í meirihluta eru óveruleg, þeir eru með grunnlaun 432.800, ofan á þetta bætist  25% fyrir að vera forseti borgarstjórnar, (upp í 541000 kr) og svo önnur 25% ef menn eru formenn í fastanefnd ( og þá upp í 649200).

Auðvitað er það mjög óheppileg staða að vera með 3 borgarstjóra á launum, hins vegar er þetta eins svakalegar tölur og menn hafa verið að benda á. 

Öngstræti í Pólitík

Bendi á mjög góðan pistil á Deiglunni í dag um nýjan meirihluta.

Það verður að segjast að sú atburðarrás sem borgarbúar, og þjóðin öll hefur horft upp á, er ákaflega dapurlegur vitnisburður um þau öngstræti sem valdabrölt í pólitík getur leitt menn í. Það þarf mikið hugmyndaflug til þess að trúa því að hugsjónir og hugmyndir hafi ráðið miklu um þær fléttur sem settar hafa verið á svið á síðustu mánuðum. Sjálfstæðismenn, sem voru sviknir síðastliðið haust, hafa náð fram hefndum. En hefndin er hvorki gott vegarnesti né góð ástæða til þess að leggja í vegferð. Það er því ákaflega brýnt að hinn nýi meirihluti - þegar gleðivíman er runninn af honum - finni sér brýnna erindi í sínum störfum heldur en að fullnægja hefndarþorsta

Skemmtileg Tímaskekkja

Nú safna menn undirskriftum villt og galið gegn því að Bobby Fisher verði grafinn í þjóðarreitnum.  Í dag birtast svo linkar á 69.is þar sem þetta er auglýst.

Ætli þeir viti að það sé búið að jarða Bobby? 

Fötin góðu

Nú er komið nýtt útspil í þessum farsa.  Björn Ingi hefur viðurkennt að hafa keypt föt, en kannast ekki við að þau hafi verið fyrir milljón.  Miðað við listann var meðal annars leðurjakka og nokkur jakkaföt á listanum.

Vandamálið við þessa viðurkenningu hans í dag, er sú að hann er búinn að snúa út úr alla vikuna.  Af hverju sagði hann bara ekki frá þessu strax?  Það þurfti að sýna honum nóturnar með hans eigin undirskrift til þess að hann myndi viðurkenna þetta.

Það var fyndið að sjá hann reyna að snúa sér út úr þessu í viðtali áðan. Hann reyndi að koma með þá skýringu að þetta væri bara mjög eðlilegt, og greinilega búinn að undirbúa vörnina vel.  Það væri alþekkt að menn fengju fatapeninga.   Svo reyndi hann að vitna í einhverja fatapeninga, sem Ingibjörg Sólrún hafði fengið sem borgarstjóri.

Enginn framkvæmdastjóri flokkanna sagði að þetta væru venjuleg vinnubrögð.  

Það var eiginlega of fyndið.   Ekki síst þegar hann sagði að fötin væru nú orðin of lítil, því hann hafi fitnað! Þetta gerði hann þegar spurningarnar voru of óþægilegar.  Svo klikkaði hann út að hann hefði verið að máta föt með Guðjóni Ólafi.

Af hverju viðurkenndi hann þetta bara ekki strax? Af hverju var hann að reyna að setja upp leikrit og snúa út úr? Hvað varð af umræðunni um úrsögn?  Nú þegar hann er komin í minnihluta hefur ekkert heyrst um að hann sé að íhuga að fara á braut. Fyrr í dag þurfti hann að hugsa þetta mál, en seinnipartinn virtist þetta ekki plaga hann neitt.

Keyptu föt fyrir tæpa milljón

Hvað veit Dagur?

Fyndið hvernig Dagur reynir að snúa þessu upp á Sjálfstæðismenn.   Hvort sem það er einhver flugufótur fyrir þessu, er hallærislegt að reyna að koma þessu yfir á Sjálfstæðisflokkinn.  Það vita það allir sem hafa fylgst með starfi þessa nýja meirihluta, að þar er hver höndin upp á móti annari og samkomulag um fátt annað en að halda meirihluta.

Það er alveg ljóst að Dagur er jafnmikið í ljósinu með þetta eins og þegar Sjálfstæðismenn biðu eins og fífl í Höfða meðan Bingi samdi við hann sjálfan, eða þegar Ólafur F hélt að hann væri búinn að landa samningi um meirihluta við Sjálfstæðismenn en þeir sömdu svo við Framsókn.

Þannig er bara þessi pólitík.   

Það hjálpar nú ekki Degi að bæði Villi og Ólafur F láta ekki ná í sig.  Ef þetta er allt frá Sjöllunum komið getur hefði Ólafur verið búinn að blása á allar sögusagnir fyrir löngu.  

Borgarstjóri: Enginn fótur fyrir meirihlutaviðræðum

Mikið um að vera

Ég var á fundi hjá félögum mínum í JCI í gær, þar sem lagt var upp með dagskrá vetrarins.  Þeir ætla að bjóða upp á um 20 námskeið næsta árið, allt frá því að bjóða kennslu í stofnun fyrirtækja og yfir í sykurbrjóstsykurgerð.  

Það er ekki hægt að kvarta undan þessu og þetta verður mjög spennandi.

Ég get ekki neitað því að það mjög gott að sjá félagið sitt dafna svona vel, ég hefði ekki trúað því þegar ég tók við sem forseti fyrir ári síðan að það ætti eftir að ná þessari stöðu á 1 ári.   

Frekari upplýsingar um starfið er að finna á heimasíðu JCI Esju. 

Ekki hnífasett

Þessi mynd gengur nú á netinu, ég fékk hana senda frá nokkrum í morgun.

Það voru greinilega ekki hnífasett í bakinu á Guðjóni Ólafi heldur skylmingasverð.