Ætti tryggingarfélag að bera ábyrgð á ölvun annara?

Nokkuð merkilegt að tryggingarfélagið ætti að borga út vegna þess að maðurinn vissi ekki að sá sem var að nota bílinn hans var ölvaður.

Mun eðlilegra hefði verið að maðurinn færi í mál við bílstjórann?

Fær ekki greidda kaskótryggingu vegna ölvunar ökumanns

Mat á ræðumönnum

Tommi skrifar um val á ræðumanni kvöldsins í Eldhúsdagsumræðunum, en í kvöld var birt niðurstaða ákvörðunar um hver hefði verið bestur.

Matið er byggt á dómnefnd sem er með dómarablöð sem taka tillit til ýmissa málefna, þannig er t.d. ekki hægt að meta að út frá því hvort menn eru sammála eða ósamála viðkomandi.

Fyrir þá sem hafa áhuga á að kynna sér betur ræðumennskuna, verður haldinn kynningarfundur á morgun á kringukránni um ræðumennsku á vegum JCI. Fundurinn hefst klukkan 20:30.

Sjá frétt á vef JCI.

Fréttin sem var aldrei til?

Það er varla góður siður hjá fjölmiðli að eyða út fréttum, þó svo að þeir hafi birt þær og þær hafi verið rangar. Í dag var birt umfjöllun á vef viðskiptablaðins þess efnis að bæði Orri Hauksson og Brynjólfur væru að hætta hjá Símanum.

Nú þegar þeir búa við betri vitnesku leiðrétta þeir ekki þessa frétt, þeir einfaldlega eyða henni út.

Þessi vinnubrögð hjá viðskiptablaðinu eru út í hött og rýra gildi frétta hjá þessum miðli.

Bjössi bloggar

Þá er minn allra elsti vinur byrjaður að blogga. Ég á eftir að fygljast spenntur með.

Björn Þór Heiðdal.

Hverjir stjórnuðu borginni?

Það er fróðlegt að lesa pistil Ágúst Ólafs í dag, þar segir hann:

Jafnaðarmenn stjórnuðu höfuðborginni í 12 ár við góðan orðstír. Fjármál borgarinnar voru tekin föstum tökum, leikskólinn var byggður upp nánast frá grunni, kynbundinn launamunur minnkaði um helming og öll þjónusta og umhverfi borgarinnar tók stakkaskiptum.

Þá vitum við það, það var ekki R-listinn heldur voru það jafnaðarmenn sem stjórnuðu borginni.

Ég skil ekki hvernig menn geta grobbað sig af hvernig borgin var eftir valdatíð R-listans. Flestir myndu kalla þetta að finna eitthvað jákvætt í myrkrinu.

Svo minnist Ágúst á hvernig jafnaðarmönnum hefur gengið að stjórna á öðrum stöðum erlendis og í bæjarstjórnum.

Vandamálið er eins og Ingibjörg benti sjálf á þá treystir fólk ekki þeim sem eru í forsvari fyrir flokkinn. Það er auðvitað enginn að dæma alla jafnaðarmenn, en hins vegar treystir fólk ekki þeim sem eru á listum Samfylkingarinnar. Góð æfing er að velta fyrir sér ráðherraefnum framboðsins.

Tekið á stórumálunum

Það vakti athygli mína í dag að lesa þetta. Það er greinilegt að stúdentaráð er að taka á stórumálunum þessa dagana.

Skúbb dagsins

Ég held að Pétur Gunnarsson eigi alveg pottþétt Skúbb dagsins.

Þó svo að Brynjólfur hefði verið pólitískt ráðinn, var hann einmitt gagnrýndur fyrir það að vera of tengdur þeim hópi sem keypti fyrirtækið. Þannig að séu þeir að víkja honum vegna pólitískra tengsla kæmi það á óvart. Hann hefur almennt verið talinn standa sig mjög vel.
Uppfært:
Viðskiptablaðið segir frá þessu.
Jón Axel segir að Orri sé að kaupa Tæknivörur.

Endureisn velferðakerfisins

Var að lesa hjá Guðmundi Steingrímssyni, að nú væri komið endurreisn, takið eftir orðavalinu. Það er ekki verið að tala um uppbyggingu, þróun eða bætur. Heldur endurreisn, svona svipað og endurreisn Þjóðverja eftir seinni heimstyrjöld, þar sem byggingar voru reistar úr öskustó eftir loftárásir Breta.

En hvað á að gera. Fyrst þetta er endurreisn, hljóta þau að vera uppfull að hugmyndum. Því miður virðast hugmyndirnar eingöngu það langt að það þurfi að endurreisa, en engar sérstakar hugmyndir um hvernig á að gera þetta.

Jónína hætt að blogga um baugsmálið

Það vakti athygli mína og fleiri að bloggsíða Jónínu Ben var lögð fyrir í rétti. Nú hefur Jónína tjáð sig og segist hætt að blogga, en auk þess segir hún:

En nú held ég að þeir láti mig vera. Ég var þæg og góð við þá í réttarsalnum veitti þeim afslátt í öllum málum og nú á ég inni grið strákar!

Nokkuð sérstök orð. Sagði hún þá ekki allt sem hún hefði getað? Var hún að kaupa sér grið með því að segja ekki rétt frá?

Það hefur ekki verið stíll Jónínu að draga úr, síður en svo, hún hefur farið mikinn í efnum sem margir myndu segja að hún ætti ekki að vera að tala um.

En eru heldur ekki komnar neinar bækur út, en ég man eftir loforðum um tvær bækur.

Er kaffibrandarinn fyndinn?

Ég heyrði í Guðjóni Ólafi Jónssyni á Alþingi um daginn, þar kallaði hann Kaffibandalagið kaffibrandarann. Finnst mönnum þetta fyndið? Þetta er svona eins og að vera í 5 ára bekk, og vera kallaður Tommi tómatssósa.