Gamalt vín á nýjum belgjum

Ég held að þessi orð lýsi ágætlega þessa nýja merki.   Þetta er enn einn kattarþvotturinn á andliti flokksins, væntanlega ætlar flokkurinn ekki að koma fram með EXBÉ hugmyndina frá því í vor.

Þar með eru seinustu teningar við bændurnar horfnar, flokkurinn ekki lengur gamaldags bændaflokkurinn heldur nútíma flokkur, ekki lengur traktor heldur Hummer. 

Reyndar kæmi ekki á óvart að kosningabílinn hjá þeim í næstu kosningum yrði Hybrid bíll.  Í anda nýs tíma. Nútímalegur umhverfisflokkur.

Það verður fróðlegt hvaða útspil þeir koma með næst, seinast byrjuðu þeir að auglýsa mjög snemma í sjónvarpi 90% lánin.   Eitthvað eru kosningasmalar flokksins að velta fyrir sér. 

Í seinustu borgarstjórnarkosningum kom samt fram ný hlið sem ég held að framármenn í flokknum hafi nokkar áhyggjur af.  Þrátt fyrir að hafa eytt meira en nokkru sinni var fylgisaukningin með auglýsingunum mjög lítil. Rétt nóg til að koma að einum manni, en ekkert í samanburði við t.d. fylgisaukninguna fyrir seinustu alþingiskosningarnar.  

Hluti skýringinarinnar liggur i því að "framsóknaróþolið" hefur vaxið mjög.  Framsókn hefur sýnt sig að vera frekar atvinnumiðlun frekar en stjórnmálaflokkur og þeir atburðir sem voru í gangi nýverið í Reykjavík sýna þetta.  Meira að segja Kaffiuppáhellurunum er launað með bitlungm, eitthvað sem hinir flokkarnir leyfa sér ekki í sama mæli.  Fólk veit þetta.

Stóra spurningin fyrir vorið er því hvort Framsókn nær að vinna á óþolinu.  Ólíklegt en ekki ómögulegt verkefni.