Góðir Íslendingar í Svíþjóð

Nú er komið að því að bjarga andliti landsliðsins, ég vil því biðja alla sem vettlingi geta valdið að mæta á leikinn á móti Svíum, taka með sér góða boxhanska og svo verður það bara fyrstur kemur, fyrstur fær að kýla dómarann í jörðina.   

Þetta stefnir allt í hræðilegt tap þarna úti, 14-2 gæti hljómað vel í þessum samanburði, þannig að það er skilda okkar að negla dómarann.  Það verður þá bara dæmt 3 - 0 eins og leikurinn hjá Svíum og Dönum og svo einhver smásekt.

Best væri þó að reyna að fá einhvern fullan Svía í málið eða þykjast sænskur.  

Að lokum vona ég að ekki nokkur maður hlusti á þessa vitleysu í mér. 

Athugasemdir

[Erla (IP-tala skráð) 4.6.2007 kl. 15:28]

Það þarf allavega að passa að vera í sænskum landsliðsbúningi þegar höggin eru látin dynja .... !

Við annaðhvort töpum 14-2 eins og þú segir eða þá að við sýnum hvað í okkur býr, strákarnir spila af bestu getu og þora að sýna hvað þeir geta, það verða tveir framherjar sem nenna að hlaupa, Matthías FH-ingur skorar tvö mörk og Eiður kemst aldrei aftur í liðið.

 Vonum það besta