Áhugaverð menntun

Menntun Williams vekur athygli, hann er með MA í náttúruvísindum og BA í dýralækningum.   Hann er hvorki með menntun í viðskiptum, lögfræði né verkfræði eins og svo margir bankamenn. 

Hvernig ætli þetta sé hérna heima, ætli margir háttsettir séu með menntun sem er svo langt frá bankastarfseminni?

Annars er búið að stöðva sölu með bréf Eimskipafélagsins, og menn gera ráð fyrir að flugreksturinn hafi verið seldur. Lítið hefur farið fyrir þessum samningaviðræðum í fjölmiðlum, og miðað við yfirlýsingar flugleiða ólíklegt að þeir séu í kaupendahópnum.  Það er skemmtilegur hringur sem þetta er komið í, þar sem Burðarás var alltaf fjárfestingarfélag Eimskipa og nú er það komið á flug en Eimskip er að selja frá sér rekstur.

Ráðning nýs forstjóra Straums-Burðaráss sögð marka tímamót

Athugasemdir

[Örlygur N. Jóhannsson (IP-tala skráð) 29.5.2007 kl. 13:11]

Já, sammála, þetta er áhugaverð menntun.  Ætli þeir fari að fjárfesta í dýraspítulum og búfjárrækt?

Varðandi söluna á flugrekstri Eimskips er bara um enn eina hringekjuna að ræða.  Þetta heitir að "búa" til peninga.  Eitt fyrirtæki selur til þess næsta á 5 mia.kr. sem svo selur til annars fyrirtækis eftir 1 ár á 8 mia.kr. sem sex mánuðum síðar selur til enn annars fyrirtækis á 10 mia.kr. o.s.frv. og o.s.frv. og allir græða.  Þetta minnir á söguna um Litlu gulu hænuna með hveitifræið.