Ómar Ragnarsson í formanninn

Ég heyrði þá kenningu í dag að Ómar Ragnarsson, fréttamaður og andstæðingur virkjana, væri að íhuga framboð til formensku í Frjálslyndaflokknum.

Steingrímur Sævar bendir á að í fréttum stöðvar 2 í gær að Ómar ætli að bíða átekta þangað til eftir þíng Frjálslyndra með að ákveða framboðsmál sín á öðrum vígstöðum. Margrét ákvað að bjóða sig ekki fram til formennsku og spurning hvort það sé hluti af áætlunum um óvissu framboð Ómars.

Það er ljóst að Ómar á marga stuðningsmenn og hann myndi geta gert verulega hluti gegn Guðjónir Arnari, margir myndu sjá sameiningartákn í Ómari sem gæti sameinað báða armana. Auk þess er víst að Ómar næði að sópa til sín fylgi.

Við fáum að sjá þetta allt um helgina.

Ég hef hins vegar ekki séð umhverfisstefnu flokksins, eða að hún sé sérstaklega umhverfisvæn. Ég man ekki til þess að þeir hafi verið sérstakir baráttumenn, nema hugsanlega þeir sem eru í borgarstjórn.

Þetta verður skemmtileg helgi fyrir áhugamenn um pólitík og það eru enn nokkrir dagar í helgina og ýmislegt getur gerst.

Gefur kost á sér til embættis ritara Frjálslynda flokksins