Landsleikurinn

Ég fór í fyrsta skipti í meira en áratug á handboltaleik áðan.  Ástæðan var hið sniðuga boð KSÍ með hjálp miði.is.  Ég verð að segja að þetta var bara nokkuð áhugavert, og mun meira að gerast en í blessuðum fótboltanum, sem ég fór á í sumar.

Ég þekkti auðvitað nánast ekki einn einasta kappa úr landsliðinu, og ýmislegt kom mér á óvart.

Mér fannst þeir ekki nógu kappsamir, það vantaði neistann þangað til undir lokin þegar eitthvað gerðist.  Ég held að það vanti einhvern óútreiknanlegan í liðið, annars fannst mér þetta oft voðalega vélrænt og fyrir séð.  Helst var það þessi Róbert, sem sýndist vera svona “loose Canoon”.  Þeir voru auðvitað að reyna fullt af nýjum strákum, það var gaman að sjá hvað það eru margir ungir eru að koma upp.  Reyndar gerðu þeir ótrúlega mörg mistök í leiknum en væntanlega er það eitthvað sem er að skólast til.

Mér fannst líka fyndið hvað það var rosalega mikill hæðarmunur, þetta var bara eins við væru að spila við risa.    Maður mætti halda að okkar strákar væru einhverjir sérstakir stubbar.

Mér finnst þetta frekar vera á gráu svæði þegar kynnirinn er að nota hljóðkerfi hússins til að hvetja liðið áfram “strákana okkar” og nota kynningar á mörkum til að búa til anda.  Salurinn á að sjá um þetta, en svo virðist vera sem að liðið hafi neitað að borga “klöppurunum”.  Reyndar datt þetta allt í gang á endanum.

Svo var verið að kynna stuðningsfélag landsliðins sem var kallað í blíðu og í stríðu.  Sjálfsagt margir tilbúnir að standa alltaf að baki liðinu.

Galia tryggði Tékkum sigur í Höllinni

Athugasemdir

[Arna Hrund (IP-tala skráð) 16.1.2007 kl. 12:45]

Skrítið að ég hafi ekki séð þig á leiknum. Ekki það að ég hafi verið að leita að þér, Laugardalshöllin er einhvernvegin síðasti staðurinn sem mér dettur í hug að leita að þér. (Bæ þe vei, HSÍ, ekki KSÍ)

Lausa kanónan á línunni (Róbert Gunnarsson) er frændi minn, enda afburða myndarlegur drengur.

P.S. Þó þú hafir ekki hjálpað mér að flytja megið þið hjónaleysin alveg kíkja í vöfflur, ef þið komið með rjómann.

[TómasHa, 16.1.2007 kl. 14:01]

Ég er alltaf svo buisse, ef það er ekki vinnan er það Jci, ef það er ekki JCI er það Deiglan, og ef það ekki Deiglan er það flokkurinn. 

Mér leist vel á þennan Róbert, hann minnti mig einmitt á bróður þinn þarna úti á vellinnum.  Alvöru dökk hetja.