Að bjarga leiðinlegum mánuði

Það er misjafnt hvað gleður fólk, Þórunn Guðmundsdóttir gleðst yfir því að hafa fengið á sig kæru. Ég gleðst yfir því að hafa náð að fylla 2 ræðunámskeið á vegum JCI Esju.

Sjálfsagt er bæði jafn nördalegt. 

Það er áhugavert að hafa það marga lögmenn í kringum sig að menn verði að draga um þeð hver fái að verja sig.  

Er þetta ekki það sem heitir Showoff.  

 

 

Vísir, 15. jan. 2008 10:17

Kæra Ástþórs bjargar leiðinlegum janúar hjá Þórunni

„Ég sem hélt að janúar yrði langur og leiðinlegur en þessi kæra bjargar honum alveg," segir Þórunn Guðmundsdóttir, hæstaréttarlögmaður og fyrrverandi oddviti yfirkjörstjórnar í Reykjavík norður. Ástþór Magnússon hefur kært Þórunni fyrir brot á hegningarlögunum í kjölfar fréttar hér á Vísi undir þeirri fyrirsögn að forsetaframboð hans síðast hefði verið nauðgun á lýðræðinu.

Þórunn vinnur á lögmannsstofunni LEX og segir það valdi sér smá áhyggjum hversu mikla gleði kæra á hendur henni fyrir brot á almennum hegningarlögum hafi vakið meðal vinnufélaganna. „Í þessum töluðu orðum eru þau víst að draga um hvert þeirra fái heiðurinn af því að verja mig í málinu," segir Þórunn.

Þórunn segir að hún sé sérstaklega stolt yfir því að Ástþór hafi meðal annars kært sig til Öryggis-og samvinnustofnunnar Evrópu (ÖSE). „Það er ekki á hverjum degi sem maður fær kæru af slíkri stærðargráðu á sig. Mér hefur ekki verið sýndur annar eins heiður í langan tíma," segir Þórunn.

 

FL á botninum

Gengi FL Group stendur nú í 10,81 krónur á hlut. Það hefur ekki farið niður fyrir 11 krónur á hlut síðan 10. janúar 2005, en þá var það 10,35. FL Group lækkaði mest allra félaga í vikunni sem leið í Kauphöllinni. Félagið lækkaði um 12,7% en Exista fylgdi fast á hæla þess með 11,8% hækkun.

Vísir segir frá gengi FL Group, en fyrirtækið er nýlega komið úr gagngeri endurskipulagni.

Það merkilega við þá endurskipulagningu voru veglegir samningar sem stjórnendur fengu, þrátt fyrir að allt væri í kaldakolum, var samt hægt að veita þetta til þeirra.

Sjálfsagt er hluti af þessu að fyrirtækið hefur fallið jafn mikið og raun ber vitni. Fyrirtækið hafði séns á að hreinsa sig af þessu en í staðin klúðra þeir þessu með fáranlegum samningum.

Auðvitað var skyndifriðun beitt

Hvaða vit hefði verið í að bíða þangað til það væri búið að rífa kofana, eins og þessi verktaki er með samning um að gera og það innan tveggja vikna?  Þetta var eina rétta hjá nefndinni að gera fyrst þeir voru á annað borð að friða þessi hús.

Hitt er annað mál að ég tek undir með vinum mínum í SUS að það sé of seint að friða þetta núna, það sé búið að leggja í alltof mikin kostnað.  Það á eftir að koma í ljós hvaða stefnu menntamálaráðherra á eftir að taka í þessum efnum. 

Vonandi sendir hún þetta til baka, með þeim skilaboðum að nefndin taki sig á, og friði þau hús sem á að friða áður en ekki eftir að byrjað er að rífa þau. 

Ég horfði eins og allir aðrir á Silfrið í gær, og sá umræðu Sigmunds um þróun í miðbænum. Að sumu leiti var ég sammála um uppbygginuna og öðru leiti ekki.   Þetta eiga eftir að vera mjög áhugaverðir þættir hjá honum um skipulagsmál og á ég örugglega eftir að horfa á þessa þætti. 

Skyndifriðun beitt á Laugavegi

Ræðumennskan vinsæl

Eftir að hafa auglýst ræðunámskeið JCI Esju hérna, og þá umfjöllun sem kom í mogganum hefur ekki bara eitt ræðunámskeið fyllst, heldur eru komin 2 námskeið á vegum JCI Esju.   Þegar þetta er skrifað eru öfá sæti laus á seinna námskeiðið.

Þetta er ótrúlegur árangur og mjög ánægjulegt og sýnir þörfina á þessum námskeiðum.  

Það hefur alltaf verið skortur á því að æfa framkomu og ræðumennsku í grunnskóla.  Íslendingar lenda oft í vandræðum þegar þeir koma út og eiga að flytja ræður eða koma fram.

Sama gildir þegar menn eru búnir að klára nám hérna heima og eiga að halda kynningar, standa á fundum og setja fram skoðanir eða selja vörur.  Þá vantar bara reynslu og æfingu í framkomu.

Öryggi í ræðumennsku getur hjálpað fólki á margan hátt, margir halda að ræðumennskan sé einhvers konar nördaskapur þar sem menn eru bara að keppa í morfískeppnum en svo er ekki.  Á þessum námskeiðum er bara verið að þjálfa sig í framkomu og styrkja mann í samskiptum.

Ef þú hefur áhuga á að bæta þig í framkomu og ræðumennsku, kíktu á heimasíðu JCI Esju og kynntu þér hvað þetta gengur út á. 

Umfjöllun um rasistasíður

Það kemur á óvart hvað fjölmiðlar hafa verið gjarnir á að fjalla um einhverja vitleysinga sem hafa opnað rasistasíður.  Þó svo að lögreglan sé að tala við þetta fólk, þurfa fjölmiðlar ekki að auglýsa lénið í hvert skipti, og það eru ekki sérstakar fréttir þegar þessir fáu einstaklingar sem standa að baki þessu síðum loka þeim, hvað þá heldur að auglýsa þær sérstaklega þegar þeir ákveða að opna þennan soraskap aftur.

Að veðja á sigurvegara kosninganna

Jón Steinsson skrifar ágæta grein á Deigluna í dag, þar bendir hann á áhrif kosninganna í litla fylkinu Iowa, á niðurstöður forvalsins í Bandaríkjunum.

Hann bendir á síðuna www.intrade.com, þar sem hægt er að trade með spá um árangur í forvalinu, og hvernig þetta hefur verið að þróast með tímanum.

Þetta er áhugaverð síða, það væri gaman ef svona síða væri í boði á Íslandi, og menn gætu fylgst með verðmæti stjórnmálamanna.

Eðlilegt

Þetta mál virðist allt vera hið ótrúlegasta, nú ætlar þessi nefnd að setja sig í eitthvað hásæti og ákveða hvaða hús eigi að koma í staðinn.  Hvernig má það vera að þessi nefnd telur sig geta ákveðið fyrir okkur hvað eigi að koma í staðin?

Það er virkilega gaman að sjá umræður um þetta hérna á moggablogginu, þar virðast fordómar í garð SUS helst ráða skoðunum manna á álytinu.  Menn eru á fullu að gera SUS upp skoðanir og að menn séu á móti allri friðun.

Hver er svo þessi mynd af Laugarvegnum sem menn vilja varðveita? Hnignandi verslunargata, sem er í stöðugri samkeppni við kringlur í bænum.   Er það sá laugarvegur sem hefur verið í stöðugri uppbyggingu undanfarin ár, þar sem húsum hefur verið breytt þannig að ekki er hægt að sjá þetta séu sömu húsin?

Svo var mjög áhugavert að það væri hægt að lyfta þessum húsum upp, og byggja undir þau. Er það þá sömu götumynd?

Er réttur þeirra sem eiga húsin, hafa kynnt hugmyndir og gengið í gengum margra ára ferli einskis virði?

Húsafriðunarnefnd hefði átt að grípa strax inn í, og friða þessi hús hefði það verið hennar vilji. Að gera það á 11 stundu eru vinnubrögð sem á ekki að líðast. 

Ég tek því heilshugar undir með SUS og vona að Þorgerður taki ekki mark á nefndinni.   

 

 

„Undirbúningur að uppbyggingu á viðkomandi reit hefur staðið yfir um margra ára skeið bæði að hálfu eigendanna og borgarinnar. Deiliskipulag svæðisins var kynnt, rætt og samþykkt innan borgarkerfisins. Íbúum gafst tækifæri á að gera athugasemdir við byggingaráformin og eigendur lóðarinnar hafa sýnt mikla viðleitni í þá átt að taka tillit til þeirra.“ „Eins er nýlega lokið heildarvinnu við friðun húsa á Laugaveginum og voru umrædd hús ekki á þeim lista sem friða átti. Niðurstöður þeirrar vinnu má skoða í svokölluðum Laugavegsbæklingi sem gefinn var út árið 2005. Ritstjóri bæklingsins er Nikulás Úlfar Másson, núverandi formaður Húsafriðunarnefndar.“ „Ummæli formanns nefndarinnar í viðtali við Morgunblaðið sýna auk þess að nefndin hefur farið langt út fyrir valdsvið sitt við ákvarðanatökuna. Formaðurinn telur þar að nefndin hefði ekki getað tekið ákvörðun um friðunina fyrr en fyrir lægi hvað ætti að „koma í staðinn". Af lögum um húsafriðun er ljóst að hlutverk nefndarinnar er að standa vörð um byggingafræðilegan arf þjóðarinnar, en ekki að vera fagurfræðilegur dómstóll fyrir allar nýbyggingar í miðbænum, eins og formaðurinn virðist telja.“

SUS: Laugavegshúsin verði ekki friðuð

Góð grein í mogganum

Um daginn hringdi blaðamaður Moggans í mig og bað um viðtal, vegna ræðunámskeiða JCI, þar merkilega við þetta var að hann var stadddur erlendis, og hringdi í gegnum netið.    Hins vegar var frábært að sjá vinnubrögðin þar á bæ enda var boðið upp á að staðfesta það sem ég sagði.

Hérna er svo greinin:

Kíkið endilega á síðu Ræðunámskeiðsins ef þið hafið áhuga á að taka þátt, það er alveg víst að menn tapa ekki á því að skella sér á ræðunmáskeið, hvort sem menn ætla bara að halda litla ræðu eða kynningu í vinnunni.

Mac is Back

Ég skrifaði um það í gær að ég saknaði umfjöllunar um republikana á Deiglunni, nú hefur loksins komið alvörur replublicaka grein, þar sem Þórlindur Kjartansson fjallar um John McCain.

Engu að síður er ljóst að nú, fjórum árum seinna mun Bush armurinn í Repúblkanaflokknum róa öllum árum að því að koma í veg fyrir velgengni John McCain. Ólíklegt er að sama aðferð dugi aftir í Suður Karólínu, en stuðningsmönnum og aðdáendum John McCain má þó vera ljóst, að til eru þeir sem einskis munu svífast á næstu vikum til þss að koma í veg fyrir að McCain hljóti útnefningu flokksins. En stuðningsmenn hans munu ekki láta slíkan ótta skemma fyrir sér vonina - og halda áfram að hrópa "Mac is back" og fagna hinni ólíkindalegu upprisu hans í aðdraganda útnefningar Repúblikana á forsetaefni.

Í gær skrifaði ég um hvernig Deiglan hefur fyrst og fremst fjallað um Demókratana, en virðast vera fyrst barátta milli svarts frambjóðanda og hins vegar konu.  Það er því nánast ljóst að þaðan munu koma stórar fréttir, hverjar sem þær verða.

Hjá Rep virðist þetta vera sama gamla tuggan, hjartaveilir stresskallar.  Það er því ekki furða að maður sé ekki jafn spenntur yfir þeim.  Þetta er reyndar algjörlega óháð því hvað þetta fólk stendur fyrri, ég skal alveg viðurkenna það :)

Það eru nú nokkuð margir mánuðir eftir af þessar baráttu og nægur tími til stefnu.  

Við hverju var búist?

Maður veit ekki hvernig þessu fólki datt í hug að fá sjónvarpssálfræðing til að hjálpa aumingjans stúlkunni. 

Manni finnst hugmyndin álíka fáránlegt eins og koma með áfengi í heimsókn til manns í afeitrun.  Hvað sem er að henni er augljóst að þetta líferni og athygli sem hún hefur fengið hefur haft veruleg áhrif og einhver svona þáttur hefði aldrie gert neinum gott. 

Fjölskylda Britney reiðist Dr. Phil