Suðurhafseyja beint suður af fróni

Rakst á áhugaverða yfirlýsingu á vefnum Eyjar.net.   Þar hafa menn greinilega fundið áhugaverð tækifæri fyrir Vestmannaeyjar.  

Því hvetjum við bæjarstjórn Vestmannaeyja, svo og Vestmanneyinga alla, til þess að vinna að stofnun sjálfstæðs fríríkis í Eyjum. Bjarni Ármannsson og allir þessir gæjar sem makað hafa krókinn á undanförnum uppgangsárum á Íslandi gætu þá flutt sig til sannra suðurhafseyja beint suður af fróni, í stað þess að þurfa að flýja með allt góssið alla leið til Caymaneyja.

Tilkynningin kemur frá vinum Ketils bónda. 

Það er reyndar fróðlegt að fleiri skuli berjast fyrir sjálfstæði en ýmsir í Grafarvoginum.  Reyndar hefur fáum dottið í hug að gera Grafarvog að sérstökum skattaparadís, umfram því að bjóða lægra  útsvar. 

Athugasemdir

[Svanur Gísli Þorkelsson, 6.6.2008 kl. 20:13]

Þetta er næstum orðið raunhæft hjá þjóðhátíðargenginu VKB, ekki endilega vegna þess að það væri svo arðbært fyrir Eyjamenn, heldur vegna þess að þá þyrftu þeir ekki lengur að sætta sig við að þurfa að bera allt undir Íslendinga sem varðar afkomu þeirra og lífsviðurværi.