Sex og ofbeldi selur Tíbet

Það er gaman að vera í Kína og fylgjast með fjölmiðlum.  Í greiningu þeirra hafa vestræni fjölmiðlar brotið alla kóða um eðlilega fjölmiðla, og fylgja bara reglunni um að Kynlíf og ofbeldi selur.

Hérna er mikið fjallað um þetta, og sérstaklega hversu gróf þessi umfjöllun er og hversu röng hún er.

Jafnvel er bent á myndfalsanir, þar sem kínverskir hermenn eru sýndir meiða fólk en eru í raun að særðum einstaklingum.

Athugasemdir

[Jón Valur Jensson, 2.4.2008 kl. 18:27]

Hér á þessari mynd má nú ætla að kínverskir hermenn séu að búa sig undir að koma fram í dulargervi sem Búddhamunkar í rauðum kuflum, eflaust ekki sem friðsamlegastir fyrir framan myndatökuvélarnar, sbr. þann unga munk sem á einni upptökunni kastaði stórum steini í átt að einhverju húsinu. Ætli hann hafi ekki verið í "herþjónustu" sá.

[TómasHa, 2.4.2008 kl. 23:18]

Sá einmitt þessa sömu mynd, þessi mynd er sögð koma frá allt öðrum stað en tíbet, og dæmi um hvernig vestrænir fjölmiðlar snúi sannleikanum.

[Þorvaldur Þórsson (IP-tala skráð) 3.4.2008 kl. 12:43]

Það sem Kínverjar eru og hafa gert í Tíbet er mikið verra en fólk á Vesturlöndum áttar sig á. Það trúir að miklu leiti þeirri lygi sem kínverjar segja um þetta mál. Ég fór á fyrirlestur hjá Chris Bonninton sem er frægur breskur fjallaklifrari og hafði farið 15 ferðir til Tíbet. Hann saga var svo dökk að ég var í sjokki í marga daga á eftir og það þegar Dalai Lama segir að það sé verið að framkvæma menningarlegt þjóðarmorð í Tíbet þá er það bara frekar vægt til orða tekið. Það er til dæmis bannað að kenna á móðurmáli þeirra Tíbeta í öllum skólum í landinu. Kínverjar á sínum tíma brenndu niður um 3000 munkaklaustur í landinu þar sem fóru mikil menningarverðmæti svo sem gamlar bækur og annað. Mjög margir munkar voru drepnir eða fangelsaðir á þessum tíma þegar kínverjar réðust þarna inn. Kínverjar eru kerfisbundið að flytja inn milljónir kínverja inn í Tíbet til að smám saman eyða allri tíbetsrki menningu. Þetta lítur út fyrir að vera mjög vel úthugsað plan hjá þeim og virðist vera að takast fullkomlega. Ég get ekki annað en fordæmt svona hátterni. Tíbetar eru mjög seinþreyttir til vandræða og er með friðsamara fólki sem þekkist á jörðinni. Mér er til efs að nokkur þjóð mundi láta svona hluti ganga yfir sig án þess að gera nokkuð í því. Tíbetar sjá nú að þeir hafa ekki lengur neinu að tapa og þeir sjá einnig að Kínverjar eru að vinna í þessu stríði og ætla sér ekki þarna út.

Kveðja Þorvaldur

[Jón Valur Jensson, 3.4.2008 kl. 13:20]

Mér sýnist á ýmsu, að Tómas sé mjög vilhallur Kínverjum. Ég tek hins vegar undir orð Þorvalds Þórssonar, sem eru í samræmi við þekkingu mína. – Frjálst Tíbet! Sniðgöngum opnunarhátíð Ólympíuleikanna! – eins og Angela Merkel og Nicolas Sarkozy ætla að gera, sem og Noregskonungur, ef hann fær grænt ljós á það frá ráðherra.

[Nexa, 14.4.2008 kl. 09:43]

Ég get alveg staðhæft það að Tómas vinur minn er ekki vilhallur Kínverjum í þessu máli. Hins vegar er hann að segja okkur hinum sem ekki eru staðsett í Kína þessa dagana hvernig kínverskir fjölmiðlar mála söguna sín megin.

[TómasHa, 14.4.2008 kl. 10:33]

Jón, það skiptir svo sem litlu hvort þú teljir að ég sé vilhallur Kínverjum.  Ég veit ekki í hverju það á svo sem að liggja.  Ég var bara að segja frá því hvernig kínverskir fjölmiðlar segja frá þessu.