STEF vill hluta af styrktarfé krabbameinssjúks manns

Vísir segir frá manni sem ætlaði að halda styrktartónleika fyrir vin sinn og er nú komin í baráttu við STEF. 

Það er ótrúlegt að heyra þetta.  Hvernig má það vera að STEF sé yfir höfuð að fá eitthvað greitt þegar menn eru að halda tónleika! Hvaða þjónusta er STEF að inna af hendi þegar menn eru að halda tónleika?  

Þetta STEF Rugl er alveg ótrúlegt! Um leið og maður vill að tónlistarmenn fái greitt á eðlilegan máta fyrir vinnuna sína, þá er þetta STEF komið út fyrir allt eðlilegt!  

Athugasemdir

[Árni Elvar Eyjólfsson (IP-tala skráð) 29.2.2008 kl. 08:02]

Ég var eitt sinn með verslun og bauð gestum og gangandi í grill og fékk svila minn til að koma að syngja nokkur lög.  Eftir viku kom reikningur frá Stef upp á 70 þúsund kall, eftir þras og læti var samið um 25 þúsund króna greiðslu.  Vildi svo skemmtilega til að fulltrúi þeirra var á staðnum :)

[Ari Björn Sigurðsson, 29.2.2008 kl. 09:17]

Þetta vissi ég ekki, að menn geti ekki haldið tónleika án þess að borga Stef pening. Þvílikt rugl, veit einhver rökstuðninginn fyrir þessu?

[Brjánn Guðjónsson, 29.2.2008 kl. 15:39]

Þetta á víst að heita einhverskonar greiðsla fyrir afnot af hugverkum. Hinsvegar spyr ég hvernig þessum peningunum (fyrir tiltekna tónleika) er ráðstafað ef lagalistinn ligurr ekki fyrir?

ég hef reyndar heyrt (óstaðfest) að STEF byggi einungis á lagalistum ríkisstöðvanna og Bylgjunnar, þegar greitt er fyrir flutning í útvarpi. Hvernig fer þá um greiðslur til handa þeim sem eiga lög sem flutt eru á öðrum útvarpsstöðum (og rukkað er fyrir) en fá ekki spilun á fullorðinsrásunum? Fá þá bara Bó og Bubbi þeirra pening?

þetta er með eindæmum, að láta þessa mafíu þrífast. eitt sinn átti ég lag sem hlaut nokkra spilun í útvarpi og fékk ég í kjölfarið sendar ávísanir frá STEF. halló! hvernig stendur á að þeir fái barasta sisona, umboð til að rukka þessa peninga? mína peninga. ég gaf þeim aldrei umboð mitt og ég er ekki félagi eða aðili að STEF. kannski vil ég bara leifa öllum að njóta, endurgjaldslaust.

[Þórdís Guðmundsdóttir, 29.2.2008 kl. 16:48]

Það er kannski orðið spursmál um að rukka mann þegar maður syngur heima hjá sér?

[Ingólfur, 29.2.2008 kl. 17:02]

Maður verður orðið að passa sig að raula ekki lagstúf á meðan maður bíður eftir strætó. Maður gæti fengið rukkun.

Einnig voru krakkar landsins heppnir að vera ekki rukkaðir um aðra hverja karamellu af STEF þegar þeir gengu í fyrirtæki á öskudaginn og sungu.

[Tobbi (IP-tala skráð) 8.3.2008 kl. 15:06]

Þegar lög eru flutt eru menn, hafi þeir ekki samið þau sjálfir, að nota verk annarra manna.  Fyrir þann afnotarétt er verið að borga.  þasð er sem sagt bannað að taka það sem aðrir eiga og nota eins og maður eigi það sjálfur.    Og sá sem hefur tónlist eftir aðra til sölu, hvort sem það eru styrktartónleikar eða til að trekkja inn í búðina hjá sér, eða flytur hana á opinberum vettvangi notar eigur annarra í hagnaðarskyni.  Af þeim hagnaði ber höfundinum hlutdeild. Til allrar hamingju telst Ísland nefnilega til siðmenntaðra ríkja og því er komið í veg fyrir að menn taki eigur annarra ófrjálsri hendi.

[Emil Örn Kristjánsson, 11.3.2008 kl. 13:43]

Og ef mér dettur skondin skrítla í hug og segi hana félaga mínum, má hann þá ekki segja hana fleirum nema greiða mér höfundarlaun?

Skulda ég kannske stórfé fyrir að hafa lesið nokkur ljóð og smásögur upp á starfsmannaskemmtunum auk þess að hafa lesið heilu bókastaflana fyrir börnin mín og barnabörnin?