Rúntað yfir á rauðu ljósi

Var nokkuð hissa að mæta löggubíl á gatnamótum Skeifu og Grensásvegar skella sér yfir á rauðu ljósi og setja á bláuljósin, bara rétt til að komast yfir.  Svo þeir lentu þeir bara á næstu ljósum og voru þar stopp.  Svo brunuðu þeir á alltof miklum hraða niður Miklubraut. 

Maður kannaðist við svona vinnubrögð fyrir nokkrum árum, þegar löggan stundaði þetta oft.  Hins vegar hélt ég að það væri búið farið að skrá þetta niður og bera saman við hvort menn væru í útköllum eða ekki.  

Það er greinilega ekki.

Þetta er ekki sérstaklega gott PR hjá löggunni, um leið og það er búið að þrengja að almenningi með mun hærri sektum og minni frávikum, hefði maður haldið að löggan ætti að sýna gott fordæmi (sem þeir gera lang oftast). 

Athugasemdir

[TómasHa, 26.2.2008 kl. 08:26]

Ég fullyrði einmitt ekki neitt um þennan atburð en velti þessu einfaldlega fyrir mér.   

Hins vegar fullyrði ég og stend við að þetta var nokkuð algeng sjón fyrir nokkrum árum.

Hins vegar stemmir ekki þín tilgáta.   Hafi þeir verið að þessu eins og þú lýsir hefðu þeir farið yfir á báðum ljósunum.  Þarna eru þeir að koma úr skeifunni, þar setja þeir blá ljós á, lenda svo strax á ljósum við kringlumýrarbraut, þar býða þeir í töluvert langan tíma (ég var löngu kominn).

Þeir geta heldur ekki keyrt á ólölegum hraða nema með því að setja á forgangsljósin. 

[Atli Viðar Gunnarsson (IP-tala skráð) 26.2.2008 kl. 17:34]

Það er nú ýmislegt sem lögreglan "leyfir" sér, sama hvað talsmaður hennar hann Árni Guð segir.

[corvus corax, 27.2.2008 kl. 14:12]

Það er alveg ótrúlega skemmtilegt þegar fólk er sárhneykslað yfir því að löggan geri svona og hinsegin sem má ekki. Og það eru yfirleitt þeir sem sjálfir eru með allt niður um sig sem hæst hafa um þetta. Þeir sem eru gómaðir fyrir brot á umferðarlögum af löggum í launsátri eða á ómerktum bílum verða yfirleitt alveg æfir yfir því að upp um þá komst því þeir ætlast til að löggan sé alltaf sýnileg við eftirlit og því þurfi þeir ekki að fara að reglum nema þegar löggan sér til. Ef maður fer eftir umferðarreglum þarf maður ekki að eiga á hættu að verða gómaður við umferðalagabrot, svo einfalt er það. Löggan ætti sem mest að vera sýnileg og jafnmikið ef ekki meira "ósýnileg" til að ná þessum vitleysingum sem halda að reglur séu bara fyrir aðra en ekki þá sjálfa. Þetta minnir mig alltaf á dópista sem ég þekki en hann er ofurseldur því hvort að löggan megi þetta eða hitt, stoppa hann og spyrja um ferðir hans, sitja fyrir honum þegar hann sækir sendingu o.s.frv. Ef hann er spurður hvort að hann megi stunda lögbrot verður fátt um svör.