Flugeldasalan

Björgunarsveitir hljóta að hafa nokkrar áhyggjur af þeim rúmlega þúsund tonnum sem voru fluttar til landsins í ár (þeir og aðrir).  Það er nánast ekki nokkur séns að það verði selt nokkuð nálægt því sem þeir áætluðu.  Gott árferði og góð jólasala sem áttu að vera vísbending um góða sölu, á eftir að drukkna í rigningunni sem er núna í gangi.

Maður fer auðvitað og verslar flugelda, en ef veðrið verður eins og það var í dag, verður það bara lítið brot af því sem það hefur verið undanfarin ár.  Maður verður nú að sjá dótið sitt sprringa, og vill helst ekki að það verði í næsta húsgarði.

Hitt er annað mál að umræðum um "landráðamennina", sem eru að selja framhjá björgunarsveitunum er skemmtileg.  Ég heyrði viðtal við Örn Árnason um daginn, þar sem hann afsakaði sína sölu annars með að þetta væri frjálst samkvæmt lögum og hins vegar þá væri hann að gefa starfskrafta sína í góð málefni eins og björgunarsveitirnar.  Hann náði meira að segja koma því út úr sér að hann væri alls ekki í samkeppni við björgunarsveitirnar, því hann væri bara með kökur. Fyndið að vera í svona mikilli vörn.

Ég fagna þessum frjálsu aðilum sem eru að selja, þó svo að þeir verði að standast eðlilega samkeppni og merkja verslanir sínar þannig að menn átti sig á því hjá hverjum er verið að versla við.  Þrátt fyrir að björgunarsveitirnar séu með frábært starf og maður vildi ekki vera án þeirra , þá tryggir samkeppnin að þeir geti ekki rukkað mig um hvaða verð sem þeim dettur í hug.   Samkeppnin eykur líka fjölbreytileika og sjálfsagt að menn hafi val um að geta keypt ódýrari flugelda.  

Sem betur fer fyrir björgunarsveitirnar eru flestir tilbúnir að versla við þá og þeir hafa yfirburðarstöðu á markaðinum.   Ég fer alla vegana þangað og kaupi mest af flugeldunum mínum þar en stundum en fer líka á aðra staði og skoða hvort það séu einhverjir skemmtilegir flugeldar í boði.  

Athugasemdir

[Björn Heiðdal, 30.12.2007 kl. 21:05]

Hver skyldi álagningin vera á þessu dóti?  1000-2000%??? 

[TómasHa, 30.12.2007 kl. 22:08]

Maður gerir sér ekki grein fyrir því en alveg örugglega verulega góð álagning.  Þegar ég bjó í Hollandi missti ég mig og fjárfesti gríðarlegt magn flugelda enda verðið þar brot af því sem gerist hér heima.

[Tryggvi R. Jónsson (IP-tala skráð) 30.12.2007 kl. 22:28]

Verðlagning á þessu dóti skiptir mig persónulega engu máli, ég lít á þetta sem "afsökun" til að styrkja hið góða og þarfa starf sem björgunarsveitirnar eru að sinna. Ég myndi jafnvel kaupa af þeim og skilja svo bara dótið eftir í pokanum á borðinu. Ég er ekki að kaupa vöru, ég er að styrkja björgunarsveitirnar. Því finnst mér umræða um álagningu skipta engu máli í þessu samhengi en það er eins og áður segir bara mín persónulega skoðun á þessu umdeilda hita- og eldfimamáli... (sprengihætta er jafnvel einhver...). Því finnst mér að þessi sala eigi ekki að fara eftir hinum hefðbundnu markaðslögmálum, frekar en annað góðgerða/non-profit starf.

Kveðja

Tryggvi (sem ekki hefur enn þurft á aðstoð björgunarsveitar að halda en vill samt eiga möguleika á því ef þarf...).

[TómasHa, 30.12.2007 kl. 22:48]

Tryggvi: Þeir taka örugglega við frjálsum fjárlögum :) Ég kaupi líka af þeim þótt ég viti að þetta sé dýrara af sömu ástæðum. Hit er annað mál að verðlanging þarf að vera í einhverjum tengslum við raunveruleikann.

[Einar Jón, 30.12.2007 kl. 23:13]

fjárfesti gríðarlegt magn flugelda

Fyndið að tala um flugelda sem "fjárfestingu". En samt... varla mikið verri en sum hjlutabréfin í dag

[Tryggvi R. Jónsson (IP-tala skráð) 30.12.2007 kl. 23:22]

Nei Tómas ;) ég held einmitt að þetta þurfi ekki að vera í tengslum við verðlagsraunveruleikann. Raunveruleikinn er sá að björgunarsveitirnar eru að vinna algerlega ómetanlegt starf bæði í byggð og víðar og ég treysti mér s.s. ekki til að verðleggja það. Ég geri mér alveg grein fyrir "frjálsu framlögunum" en ég kallaði líka flugeldakaupin "afsökun" til að styrkja ;) stundum þarf maður smá spark í rassinn til að koma sér af stað... nú eða sjálfvirka millifærslu í heimabankanum sem endurtekur sig næstu 12 mánuði... sem er kannski ekki svo slæm hugmynd, veit einhver reikningsnúmerið hjá Súlum á Akureyri ;) ?

[TómasHa, 31.12.2007 kl. 10:37]

Trigger, við erum bara ósammála um þetta en samt ekki svo glettilega mikið.  Ég fagna því að geta keypt mér mikið af flugeldum fyrir þann pening sem ég ver í þetta. Um leið og ég gleðst yfir því að styrkja gott mál, þá vil ég fá eitthvað fyrir þann pening sem ég ver í þetta. 

Einar, þetta lýsti nú kannski þeim hugarheim sem 16 ára hefur um þetta.  Þetta var fjárfesting á sínum tíma :) og stílfært miðað við það.