Nýtt útlit moggans

Ég velti fyrir mér hvort nýir miðlar í fréttamennsku séu ástæða þess að Mogginn hefur nú ákvðiða að breyta útliti vefsins síns.  Ég er búinn að skða þetta nokkuð og er ekki viss um að þetta sé framför. 

Ég er reyndar bara búinn að skoða þetta í smástund og á eftir að venjast. 

Þetta á kannski eftir að jafna sig á næstu dögum, þegar maður venst þessu. 

Athugasemdir

[Ólafur Björn Ólafsson, 25.11.2007 kl. 22:43]

Ég fékk áfall þegar ég sá breytingu þá er mbl hefur gert á síðunni.

Það eina sem ég get sagt er "komið með gamla útlitið aftur", allavega er það svo í augnablikinu.

Þetta olli vandræðum þegar ég ætlaði að vera snöggur að finna eitthvað, búið að færa það til og varð til vandræða.

En vonandi venst þetta eins og svo margt annað...

[Sölvi (IP-tala skráð) 25.11.2007 kl. 23:52]

Hvaða hvaða, þetta er rosaflott. Síðan eins og hún var hefur verið að verða allt of eitthvað... full af drasli! Núna er hún stílhrein og fín. Þó reyndar finnist mér lógóið aðeins of stórt, en það er auðvitað bara smekksatriði.

[Jóna Á. Gísladóttir, 26.11.2007 kl. 00:08]

ég hélt að tölvan mín hefði fríkað út... breytt um letur upp á sitt einsdæmi.

[alva (IP-tala skráð) 26.11.2007 kl. 01:01]

Mér líst vel á þetta svona við fyrstu reynslu - kynni...sjáum til.

[Bjarni nokkur (IP-tala skráð) 26.11.2007 kl. 09:24]

Stóra ógeðslega auglýsingin fyrir ofan hausinn er farin. Það er frábært.

Munið þið svo hversu erfitt var að finna tenglana í hausnum ef maður vildi til dæmis fara á fasteignavefinn eða bara yfir á viðskipti, tækni og vísindi eða fólkið?

Ég var einhvern veginn alltaf jafn lengi að skima eftir þessum tenglum, núna sést þetta miklu betur.

Þeir moggamenn fá stórt knús frá mér

[Lana Kolbrún Eddudóttir (IP-tala skráð) 26.11.2007 kl. 15:04]

Mér finnst þetta á vissan hátt afturför, því nú er mbl.is orðið eins og "auðlesna" síðan í Mogganum: stuttar fréttir, stórt letur, lítið innihald ... og ekki bitastætt fyrir kröfuharða lesendur. En á móti kemur að síðan er léttari í vöfum. Ég var t.d. löngu hætt að hafa hana sem "heimasíðu" því ég hafði ekki þolinmæði í að bíða eftir því að hún keyrðist upp.