Það eru deilur!

Já, það eru svo sannarlega deilur innan borgarstjórnarflokksins.  Kenningar DV eru þess efnis að þetta er vegna aðkomu Baugs að málinu. Maður á mjög erfitt með að trúa slíkum ásökunum, enda hefur jafnvel sést til hörðustu Sjalla í verslunum í þeirra eigu nýlega.  Það ber auðvitað að hugsa til þess að Baugur er eigandi DV, fyrir utan hvað þessi frétt selur miklu betur en að menn séu að berjast fyrir hugsjónum.

Það er áhugavert að lesa þetta fyrir 5 dögum síðan og lesa svo þetta. Maður spyr sig, er þetta sami maður sem skrifar þetta? Fyrir nokkrum dögum voru Heimdellingar nánast landráðamenn fyrir að gagnrýna borgarstjóra, og svo dregur höfundur staksteina stóru byssurnar og fagnar unga fólki í borgarstjórnarflokknum, sem lét svo vel í sér heyra á fundinum.

Mundi bendir á mjög áhugaverðan punkt í dag, þegar hann bendir á samanburðinn við Enex, í fyrsta lagi byrjaði Enex að starfa í þeirri mynd sem það starfar árið 2001 og hins vegar hefur Enex ekki staðið í fjárfestingum heldur verið ráðgjafar. Ég hef fylgst með þessu fyrirtæki frá upphafi með mikill aðdáun enda hefur það rutt brautina, sem bæði Geysir og Rei voru að feta. Það er augljóst að sameinað fyrirtæki mun vera mun sterkara en bæði félögin séu að berjast um sömu verkefnin. Rökin fyrir að félögin starfi saman eru ótrúlega mörg.

Hins vegar er mun eyðilegra að þetta verði í höndum einkaaðila en ekki einhverskonar sambland einkaaðila og borgarinnar.

Athugasemdir

[Salvör Kristjana Gissurardóttir, 6.10.2007 kl. 12:44]

Skemmtilega meinleg ritvilla hjá þér sem sýnir kannski dáldið vel hvað þér finnst sjálfum  boðskapurinn um einkavinavæðinguna vera innantómur og eyðandi.

Þú segir:

"Hins vegar er mun eyðilegra að þetta verði í höndum einkaaðila en ekki einhverskonar sambland einkaaðila og borgarinnar. "

 Ég er alveg sammála þér. Það er miklu eyðilegra að þetta verði í höndum einkaaðila. Endilega ekki breyta þessu orði.

[TómasHa, 6.10.2007 kl. 14:35]

:) Þetta er hið eyðilegasta mál.

[Guðmundur Magnússon, 6.10.2007 kl. 15:53]

Ágæti Tómas.

Þegar þú talar um "kenningu DV" hér að ofan ertu væntanlega að vísa til fréttar á dv.is á föstudaginn "Baugur sagður ástæða upphlaupsins". Rétt er að taka fram að þetta eru tveir sjálfstæðir fjölmiðlar. Engin ritstjórnarleg tengsl eru á milli þeirra.

En það er misskilningur að dv.is hafi sett fram einhverja "kenningu" í tengslum við Orkuveitumálið. Það sem vísað er til er einfaldlega frétt, höfð eftir háttsettum mönnum í innstra hring Sjálfstæðisflokksins. Þetta er mat þeirra sem við  vorum að greina frá. Svo eru aðrir sem hafa allt aðra skoðun og við greinum líka frá því.

Að svo miklu leyti sem fjölmiðillinn sjálfur, dv.is,  hefur skoðanir koma þær fram hverju sinni í leiðaranum sem er á forsíðunni.

Með góðri kveðju,

Guðmundur Magnússon

ritstjóri dv.is

[TómasHa, 6.10.2007 kl. 16:37]

Sæll Guðmundur,

Ég veit að DV.is er með stjálfstæða ritstjórnarstefnu og hefur sem slíkur náð ótrúlegtri stöðu á nokkrum dögum.   Best að nota tækifærðið og óska þér til hamingju með það.

Ég ætla að biðjast afsökunar á að kalla þetta keningu DV, ég veit fullvel að það var ekki búið til.   Ég efast hins vegar um að þetta sé almenn skoðun sjálfstæðismanna og fannst of mikið gert úr þessari athugasemd, sem einhver hefur sagt við blaðamann.  Þetta var ekki efni í forsíðufrétt á vefnum, nema vegna þess að þetta var skoðun sem selur.   

"Skoðun fjölmiðla" kemur ekki bara fram í leiðurum, þrátt fyrir að menn séu ekki að búa til kenningar eins og ég notaði um þetta.  Þetta getur komið fram í hlutum eins og hvar frétt er staðsett og hvaða punktar fréttarinnar eru aðalatriði og hvað er aukaatriði.