KFC étandi Íslendingar

Þessi hérna skrif mín komu mér á öftustu síðu Blaðsis í dag. Um leið ég ég las viðtalið sá ég að KFC á Íslandi er á leið til Litháens. Eitthvað sem á sjálfsagt eftir að vera ágætt, Litháen er nýr markaður þar sem skyndibitiamarkaðurinn er ekki jafn mettaður og víað annars staðar. KFC getur vaxið með aukinni eftirspurn eftir skyndibita eins og þeir gerðu hérna heima.

Svo sá ég að þeir voru líka að hugsa um að fara í útrás Svíþjóðar og Danmerkur. En það er eins og lóðaskortur hafi komið í veg fyrir árangur þar.

Um leið og maður heyrir þetta dettur manni í hug alla hina, sem hafa farið á undan þeim. Líklega voru fyrstir af þeim sem ætluðu að verða ríkir í Danmörku Pizza 67, það ævintýri entist í nokkra mánuði. Næstir voru Dominos, sem fóru út, lögðu griðarlegar fjárhæðir í þetta dæmi og gáfu svo næstum staðina til að hætta að tapa.

Um leið og ég held að þeim eigi eftir að vegna vel í Litháen sé ég engin sérstök tromp sem þeir hafa sem gera þá færari en aðra til að reka svona staði í Svíþjóð og Danmörku. Á markaði sem er gríðarleg samkeppni er á. Sérstaklega í Danmörku þar sem skyndibitinn virðist ekki vera vinsæll og aðrar erlendar keðjur hafa líka verið á hrakhólum. Í Svíþjóð er skyndibitinn vinsælli en þar eru bara svo margar keðjur fyrir, og markaðurinn er gríðarlega erfiður.

KFC hefur vaxið með markaðnum hérna heima án þess að hafa mikið fyrir því, það voru ekki markaðherferðir sem komu þeim í þá stöðu sem þeir eru í núna. Heldur var þetta nánast eini skyndibitastaðurinn þegar þeir byrjuðu og hafa náð að vaxa með Íslendingum um leið og íslendingar hafa aukið við sig skyndibita át.

Menn geta spurt sig hvernig KFC hefði þróast á Íslandi, ef hann væri að koma til landsins núna. Ætli staða hans yrði nokkurn tíman jafn sterk?

Athugasemdir

[Neopúritaninn, 24.8.2007 kl. 13:10]

    Sérstaklega í Danmörku þar sem skyndibitinn virðist ekki vera vinsæll og aðrar erlendar keðjur hafa líka verið á hrakhólum.

 Skyndibitinn er víst vinsæll hér.  Hinsvegar tíðkast það ekki að fá bitann sendann frítt heim að dyrum.  Og þar sem daninn er yfirleitt nokk meðvitaður um kostnað og grætur þær 20dkk sem það kostar að fá sent heim, þá kýs hann yfirleitt að sækja hann.  Þá kemur að punkti #2.  Hér er fyrir hver stað þann sem starfræktur er af erlendri/innlendri keðju máski 10 tyrkjapizzustaðir, og líkurnar á því að einn þeirra sé nær en hinn erlendi eru nokkuð góðar.  Einnig eru þeir oftast með fjölbreyttan og ódýran matseðil.  Sem dæmi þá er hægt að kvöldverð fyrir kjarnafjölskyldu þar fyrir minni pening en þú þarft að láta fyrir eina skitna böku á Domino's.