Megleiðbeiningar með megaviku

Eftir að hafa horft upp á konum næstum grætta á Dominos áðan er komið að megaleiðbeiningum fyrir megavikuna. Þrátt fyrir að hafa haldið þennan sérstaka viðburð sem megavikan er, virðist dominos aldrei hafa lært, en sem betur fer er fólk sjálft farið á læra á þetta ruglingslega kerfi þeirra. Það eru nefnilega eiginlega 3 raðir í gangi.

• Röðin að sækja - Þetta er klárlega lengsta röðin, og nær oft úr.
• Röðin að panta - gestir Dominos hafa gert með sér þögla sátt um að fólk sem er að panta fái að fara á undan þeim sem eru að sækja. Margir nýliðar eru hálf ruglaðir í þessari reglu
• Uppkallsröðin - hérna ruglast fólk oft virkilega en þetta er fólkið sem hangir víðsvegar um sjoppuna, án þess virðast vera í nokkurri röð. Þetta fólk er að bíða eftir að heyra nafn sitt, en Pizzan var þá ekki tilbúin þegar það hafði staðið í panta-röðin, pizzan var vitlaust bökuð eða það fór í panta röðina

Konan sem var næstum grætt áttaði sig sem sagt ekki á þessu og fór beint í panta röðina, maðurinn fyrir framan mig áttaði sig á þessum mistökum konunnar og hreytti í hana ónotum, uns hún áttaði sig á þessum óskrifuðu reglum Dominos.

Margir misskilja alveg kerfið og halda t.d. vegna þess að þeir hafi pantað á undan geti þeir bara vaðið inn og sótt sína pizzu. Þetta er auðvitað stór misskilningur, ætli hann sé ekki síst til kominn vegna SMS skilaboðana sem Dominos sendir. Þar segja þeir fólki hvenær pizzan er tilbúin. Þegar fólk mætir á þeim tíma í sækja röðina, þá er 20 mínútna bið og pizzan orðin köld. Málið er að sirka hvenær SMS-ið kemur og vera mættur í röðina þegar það kemur. Þannig hámarka menn líkurnar á að pizzan sé heit þegar hún er afhent.

Athugasemdir

[s1zzl3r (IP-tala skráð) 20.8.2007 kl. 23:42]

Mættir alveg passa innsláttinn þinn aðeins betur, en ég er hreint ekki sammála þér að öllu leiti. Það er mjög auðvelt að fá sér pizzu hjá Dominos og fljótlegasta leiðin er alltaf að hringja á undan. Eftir SMS-inu leggur maður af stað að ná í pizzuna sína og þegar komið er á staðinn þá fer maður í röð eins og manneskja og segir afgreiðslumanneskjunni að það sé búið að panta pizzuna maður á bara eftir að borga. Eftir borgun segir afgreiðslumanneskjan að nafnið verði kalla upp og maður slappar þá bara af einhverstaðar í búðinni og bíður eftir kalli. Eftir kallið þá er allt komið :D

[TómasHa, 21.8.2007 kl. 00:17]

Þetta er einmitt augljóst þegar mega leiðbeiningarnar hafa verið lesnar eða menn hafa farið þarna nokkrum sinnum.  Þetta er í rauninni ekki svo augljóst fyrir þá sem eru að fara þarna í fyrsta skipti.

Leiðbeiningar væru örugglega vel þegnar á staðnum, svo að fólk sé ekki að lenda í svona insidentum eins og konu greyið í kvöld.  Hún ætlaði sér svo sannarlega ekki að troðast, var bara ekki með kerfið á hreinu.

Auk þess er það staðreynd að ef þú ert að panta um kvöldmatarleitið á meðan á megavika er nettur pirringur í gangi þarna inni hjá fólki sem veit að það er að fara að fá kalda pizzu. 

Ef þú fylgir megaleiðbeiningunum ertu í góðum málum. 

[Egill Óskarsson, 21.8.2007 kl. 18:29]

Ég efast nú um að það fái margir kaldar pizzur á Dómínós, sama hvort um er að ræða megaviku eða ekki. Þegar pizzan er komin úr ofninum er hún sett beint í kassann og skorinn og kassinn fer svo beint í hitagrind. Pizzur sem eru þar lengi, þ.e. það líður langur tími frá því hún kemur út og þar til greitt hefur verið fyrir hana og hún sótt, eru kannski ekki jafn heitar og pizzur sem eru nýkomnar úr ofninum en ég held nú að þær verði varla kaldar.  

Eða þannig var þetta á þeim Dómínós stað sem ég vann á á sínum tíma.  

[TómasHa, 21.8.2007 kl. 22:57]

:) Já kannski.  Ég hef pantað nokkuð oft á megaviku, þær eru frekar svona volgar þegar þær eru búnar að vera undir hitaperunni eða kassanum.  Hvað þetta nú er.