Mannlíf birtir launin mín

Ég er á leiðinni út í nótt, þannig að ég veit ekki hvort ég eigi eftir að sjá tekjublað Mannlífs en nú þegar hef ég fengið ábendingar bæði í athugasemdum hér sem og með SMS skeytum um að ég sé hluti af því blaði.  Það er spurning hvort maður reynir að pikka það upp á leiðinni út á flugvöll eða hvort það er í boði yfir höfuð núna. Ég sé það þá þegar ég kem heim eftir um viku.

Það verður gaman að sjá hverjir aðrir eru í þessu blaði, veit ekki hvað ég hef gert til að verðskulda þennan heiður.  Líklega er það Eyjan.is sem má hrósa sér þennan heiður frekar en nokkuð annað, en ég veðja að nokkrir eyjubloggarar og topp moggabloggarar séu þarna.

Seint átti ég von á því að sjá sjálfan mig í þessu blaði, og verður það nú væntanlega til að herða enn róðurinn í baráttunni gegn birtingu þessara upplýsinga.  Ég hef lengi verið á móti þessu, en mér hefur fundist það vera á milli starfsmanns og vinnuveitanda hvað viðkomandi fær í laun.  Mun beittari aðferðir eru til þess að finna skattsvikara enda þekkist það varla að skattsvikarar finnist eftir að einhver hafi snuðrar í álagningaskránum og tilkynnt nágranna sinn. Varðandi launaleyndina má vinna allar þessar upplýsingar upp úr þessum tölum án þess að vera að nafngreina einstaklinga.  Ríkið á að safna þessum upplýsingum upp til að leggja á mig skatta, en ekki til að breyta verslunarmannahelginni í Séð og heyrt hátíð, þar sem undir liðnum hver var hvar birtist nú hver græddi hvað og þjóðin smjattar á því.   

Sjálfsagt er eina góða við birtingu þessara upplýsinga menn sjá að ég hef ekkert að fela. Ég vakna á morgnana og mæti til vinnu og fæ greidd laun fyrir eins og annað fólk og greiði það til fógetans sem fógetans er.  

Athugasemdir

[Júlíus Valsson, 2.8.2007 kl. 10:25]

Ef menn eru duglegir við að hrósa Mannlífsútgáfunni og skyldum ritum er þá meiri líkur á því að komast í tekjublaðið, eða minni?

[Baldur Kristjánsson (IP-tala skráð) 2.8.2007 kl. 11:11]

Það væri a.m.k. þess virði að hætta að birta þessa upplýsingar bara til að losna við fréttaflutninginn í kringum þetta (skattakóngana og publicity stuntið hjá SUS) ..

[Ólafur Þórðarson, 2.8.2007 kl. 13:01]

Gott að heyra að þú hefur ekkert að fela. Maður veit aldrei. Þar fyrir utan eru það ekkert bara launin þín sem birtast, þú ert ekki einn í þessum heimi.

[Sigurður Þór Guðjónsson, 2.8.2007 kl. 23:51]

Er þetta ekki lítið ok að bera þegar menn fá svona góð  laun? Sumir berjast í bökkum alla æfi en kvarta samt ekki yfir neinu.   

[TómasHa, 7.8.2007 kl. 19:06]

Júlíus: Ég veit það ekki, ég hef svo sem ekki hrósað þeim eða kvartað undan þeim.  Nema kannski einmitt þessu framtaki, veit ekki hvort það gerði það að verkum að ég er þarna. 

Veffari: Aðrir geta séð um að kvarta fyrir sjálfa sig, ég skal sjá um mig sjálfan. 

Sigurður:Það að vera fátækur og kvarta ekki er lítil sárabót fyrir að birta launin launin mín.