Megleiðbeiningar með megaviku

Eftir að hafa horft upp á konum næstum grætta á Dominos áðan er komið að megaleiðbeiningum fyrir megavikuna. Þrátt fyrir að hafa haldið þennan sérstaka viðburð sem megavikan er, virðist dominos aldrei hafa lært, en sem betur fer er fólk sjálft farið á læra á þetta ruglingslega kerfi þeirra. Það eru nefnilega eiginlega 3 raðir í gangi.

• Röðin að sækja - Þetta er klárlega lengsta röðin, og nær oft úr.
• Röðin að panta - gestir Dominos hafa gert með sér þögla sátt um að fólk sem er að panta fái að fara á undan þeim sem eru að sækja. Margir nýliðar eru hálf ruglaðir í þessari reglu
• Uppkallsröðin - hérna ruglast fólk oft virkilega en þetta er fólkið sem hangir víðsvegar um sjoppuna, án þess virðast vera í nokkurri röð. Þetta fólk er að bíða eftir að heyra nafn sitt, en Pizzan var þá ekki tilbúin þegar það hafði staðið í panta-röðin, pizzan var vitlaust bökuð eða það fór í panta röðina

Konan sem var næstum grætt áttaði sig sem sagt ekki á þessu og fór beint í panta röðina, maðurinn fyrir framan mig áttaði sig á þessum mistökum konunnar og hreytti í hana ónotum, uns hún áttaði sig á þessum óskrifuðu reglum Dominos.

Margir misskilja alveg kerfið og halda t.d. vegna þess að þeir hafi pantað á undan geti þeir bara vaðið inn og sótt sína pizzu. Þetta er auðvitað stór misskilningur, ætli hann sé ekki síst til kominn vegna SMS skilaboðana sem Dominos sendir. Þar segja þeir fólki hvenær pizzan er tilbúin. Þegar fólk mætir á þeim tíma í sækja röðina, þá er 20 mínútna bið og pizzan orðin köld. Málið er að sirka hvenær SMS-ið kemur og vera mættur í röðina þegar það kemur. Þannig hámarka menn líkurnar á að pizzan sé heit þegar hún er afhent.

Hotmailið orðið 5 gigabite

Það er ótrúlega jákvætt að hotmailið mitt er orðið 5 gb, úr því að vera 20 mb fyrir einu ári.  Þetta er ótrúlega jákvætt og merkilegt í samanburði við gmail sem eru bara 2 gb.   Google hefur auglýst að maður eigi aldrei að þurfa að eyða úr tölvupóstboxinu sínu.  Þetta er ekki rétt en nú stefnir allt í að ég þurfi að fara að eyða úr pósthólfinu mínu.  Þá kemur galli gmail í ljós.  Það er ekki hægt að raða í boxinu eftir stærð tölvupóstsins.  Það tefur virkilega við að eyða út stórum óþarfa pósti.

Lúkas sjálfur mættur

Sá götulist í Reykjavík, á síðunni hans Palla. Ég er nú ekki alltaf mjög hrifin af götulist og finnst þetta oftast sóðalegt. Hins vegar er margt sniðugt í gangi hérna. .

Newcastle vs. Westham

Hvort ætli Westham eða Newcastle sé flottara lið. Ég efast um að kaup á svona félagi sé mikil gróðafjárfesting.   Er þetta ekki bara næsta þota?  Flott að eiga einkaþotu og fótboltalið.  Standard milljarðamæringa á Íslandi að hætta.

Í þeim samanburði, þá stóðu gömlu milljarðamæringarni að Stoke, svona eins og það var einu sinni í tísku fyrir þá að njóta saman í Saga Class.

Ætli það sé ekki farið að vera einmanalegt að vera milli?

Vilja kaupa Newcastle

Heimsklassa hljómsveitir

Um menningarnóttina eða reyndar aðalega daginn var ég í JCI húsinu í Hellusundi. Þar voru mest yngri og óþekktari hljómsveitir að spila. Nokkur highlight voru yfir daginn hjá mér.

• Það er ekki rokk að vera með spangir
• Markaðsátakið mitt á félaginu var stöðvað
• Ganga herstöðvaandstæðinga fór fram hjá okkur, annað hvort var mjög ungt eða mjög gamalt fólk í göngunni. Hvar var venjulega fólkið?
• Heimsmeistarinn í rökræðu tapaði fyrir minni spámanni, þegar hópur pönktara gekk fram hjá um leið og verið var að klappmæla til að vita hver vann. Pönkararnir klöppuðu mikið fyrir verri manninum.
• Brynjólfur mætti til að sjá mig keppa en ég ákvað á seinustu stundu að bakka út
• Ég móðgaði fyrverandi landsforseta, þegar ég gerði lítið (óvart) úr grip sem ég vissi ekki hver var.

Myndir teknar um daginn af mér og fleirum

Skemmtilegar myndir frá heimsforseta

Það eru nokkuð mikið af skemmtilegum myndum hérna frá heimsókn heimsforsetja JCI til landsins. Það eru nokkrar myndir að mér í hópnum enda fór ég bæði með honum á Alþingi, þar sem Sigðurður Kári tók stórkostlega vel á móti okkur, svo fór ég með honum á Besastaði í mjög áhugaverða heimsókn til forsetans. Hann tók líka mjög vel á móti okkur og spjallaði um framgang JCI á Íslandi. Í svona samtökum eru forrétinda að vera á Íslandi, hann var hérna í 2 daga og fékk ég nokkur tækifæri til að hitta á hann. Erlendis þá er þetta þannig að heimsforsetinn fer á milli landshluta og menn fá bara að bera hann augum nokkrar sekúndur eða funda með honum í smástund. Hann er með 200.000 félaga, í 130 löndum. Á árinu fer hann í heimsókn til 50. Myndirnar.

Ó-stuðmenn

Það er óhætt að kalla framkomu í Stuðmanna í gær óstuð.  Þeir voru ekki í essinu sínu, lögin voru ekki skemmtileg og atriðið var almennt frekar súrt.  Þeir ættu kannski að nota svona jaðarhúmor á öðrum tímum en þegar þeir eru að spila fyrir alla þjóðin.  Klárlega ekki peningana virði.  Ég glápti á þetta til enda en rétt  svo, ef það hefði verið eitthvað betra á öðrum rásum hefði ég frekar valið það. 

Það var alveg sýnilega minna klappað en í atriðunum á undan. 

Hitt var svo Bubbi, hann átti ágæta kafla.  Hins vegar efast ég um að bankinn borgi manninum stórfé fyrir að drulla yfir ríkisstjórnina?  Hann virtisti ekkert vita hvað hann var að drulla yfir. Óskýr skilaboð um peninga sem verið var að eyða.  Hvaða peningar eru þetta?  

Það var líka gaman að heyra mun í tölum.  Mönnum var mikið í mun að fjöldinn væri mikill, tölum bar ekki saman og töldu kaupþingsmenn sig hafa fengið 100% meira en lögreglan virtist gefa upp. 

Heimsókn til forseta með forsetum

Undanfarna daga hef ég verið að skottast með heimsforseta JCI, ég hef reyndar ekki náð að fara á alla staðina en í fyrra dag mættum við í Alþingi þar sem Sigurður Kári tók á móti okkur og fylgidi okkur um þetta merkilega hús.  Í gær fórum við svo til forsetans, þar sem forsetinn settist niður með okkur og spjallaði um daginn og veginn.  Þetta var nú mjög skemmtielg heimsókn, þar sem þetta var ekki þessi hefðbundna stífa heimsókn, héldur lék forstinn á alls oddi og spilaði hlutverk þjóðfhöðingja vel.  Forseti JCI mun amk. örugglega alltaf muna eftir þessu og sjálfsagt eftir að nefna land og þjóð víða eftir þessa heimsókn.

Margir fúlir út DHL

Það er greinilegt að DHL er ekki að standa sig. Það hafa greinilega ótrúlega margir lent í svipuðum upp á komum og ég í gær, amk. hef ég sjaldan eða aldrei fengið jafn mikið af sterkum viðbrögðum eins og í gær. Auk þess hafa á annað þúsund manns lesið þetta á einum sólarhring, án þess að ég hafi gert nokkuð annað en að skrifa þetta í pirringi mínum í gær.

Ég hef oft fengið fína þjónustu hjá þeim, en það er greinilegt að þegar hlutirnir klikka þá hafa þeir engin ráð. Ótrúlegt að svona fyrirtæki.

DHL sendi mér bækur 5 mánuðum of seint!

Í dag fékk ég frekar skrýtna sendingu, en ég kannaðist ekkert við að hafa pantað neitt sem átti að koma með DHL í dag. Þegar ég mætti þangað voru það bækur sem ég hafði pantað í febrúar og borist til landsins í mars. Fyrir meira en 5 mánuðum síðan!

Ég varð auðvitað nokkuð hissa og benti starfsmanninum á þetta. Hann sagði að ég hefði bara ekki sótt pakkann, en þeir hefðu gert sitt til þess að koma honum til mín.

Eftir þrugl og leiðindi komust við að því að þeir hefðu átt að vera búnir að senda mér nokkra pósta með póstinum. Á einhvern undarlegan máta virðast þeir hafa gufað upp, þeir hafa amk. aldrei rambað inn um lúguna til mín.

Þeir gátu heldur ekki gert neitt, þeir gátu ekki boðið mér afslátt af sendingunni, ekki afsökun vegna tafanna og starfsmanninum virtist vera nokkuð sama yfir höfuð. Þetta var bara vinnan hans. Hann var þó alltaf kurteis, þrátt fyrir að ég hafi verið orðinn mjög fúll yfir þessu og að þetta fyrirtæki gæti virkilega ekki gert neitt annað en óbeint að saka mig um að lesa ekki póstinn minn.

Það er algjörlega ótrúlegt að fyrirtæki eins og DHL, skuli ekki hafa neinar lausnir þegar svona gerist. Það er augljóst að það hafa orðið einhver mistök og þeir geta ekki einu sinni beðist afsökunar. Eina sem mér var boðið var að endursenda bækurnar! Það hefði örugglega verið frábær lausn, að senda bækur sem ég greiddi fullt af peningum fyrir út í heim aftur í þeirri von og óvon að fá þetta einhvern tíman endurgreitt. Hitt var að senda kröfu á Amazon, sem ætti að senda kröfu á DHL, sem þá hugsanlega gætti endurgreitt mér hluta af sendingarkostnaðnum! Líklegt að það gerist á þessari öld.

Það þarf ekki að taka fram að ég yfirgaf staðinn sót illur og lofaði þeim að ég myndi tala illa um þá í hverju samtali sem ég myndi eiga næstu vikurnar eftir þessar kveðjur. Starfsmaðurinn tók bara undir þetta plan hjá mér og ég var ekki frá því að hann ætlaði bara að gera það sama. Þetta væri hvort sem er bara vinnan hans eins og hann sagði.

Það fyndna í þessu er að það hefði verið svo einfalt að koma í veg fyrir þetta. Fyrir utan að drullast til að senda bara pakkann til mín á réttum tíma, þá hefðu þeir einfaldlega geta beðist afsökunar. Hérna hefðu greinilega orðið einhver mistök. Því miður væri ekki hægt að endurgreiða mér út af þessu, út af bla bla bla, en ég gæti fengið þennan líka fína DHL bolla, blýant eða DHL bol. Það er nefnilega merkilegt hvað svona smáhlutir geta gert. Þar með hefði ég fengið eitthvað fyrir minn snúð, og viðurkenningu á því ranglæti sem ég hefði orðið fyrir. Ég hefði að sjálfsögðu skilið þá aðstöðu sem fyrirtækið er í og jafnvel gleymt því að þeir hafi logið til um að hafa sent fjölmarga pósta til að minna mig á pakkann. Allir gera mistök. Fyrirtækið hefði orðið af 100 kalli (fyrir bollann) og ég hefði farið ánægður út. Það er nefnilega merkilegt hvað afsökunarbeiðni og bolli geta gert margt til að létta manni lund. Ég hefði farið burt sem sigurvegari, í staðin fyrir að fara með skottið á milli lappana, eftir fyrirtækið rétti mér löngutöng.

Af sjálfsögðu fá þeir mína löngutöng á móti, og ég mun tuða um af hverju DHL heiti DHL ásamt varnaðarorðum um að fólk eigi að forðast þá eins og pestina.