Miði á deep purple og engin leið til að ná í hann!

Til stóð að halda spilakvöld í kvöld, með JCI félaginu mínu en þegar það datt uppfyrir vegna veikinda, þá ákvað ég að skella mér á Deep Purple, enda mikill aðdáandi.  Ég skellti mér því inn á miði.is og fjárfesti í miða.  

Þar er mér sagt að fara í næstu Skífu og sækja miðann minn.  Tölvupósturinn sem ég fékk sendan, stendur stórum stöfum að þetta sé ekki miði og að ég geti ekki fengið endurgreitt.  Ég verði að fara í næstu skífu. Ég fór í allar skífur á höfuðborgarsvæðinu og engin er opin, ég hringdi í þjónustuverið þeirra og það svarar ekki. Ég hringdi líka í concert en þar er bara opið á skrifstofutíma.

Nú hef ég greitt fyrir miða, sem ég er ekki með og engin leið virðist vera að nálgast fyrir tónleikana.

Að sjálfösögðu ætla ég að mæta með kvittunina mína og rífa kjaft, fyrr má nú vera. Ef miðinn var ekki til sölu átti miði.is bara að taka miðana úr sölu. 

p.s. nokkrum mínútum eftir að ég póstaði fékk ég ábendingu að ég gæti farið frá 15 niður í höll og fengið miðann minn afhentan þar.   Kemur í ljós en var kominn í stellinganrarnar að ibba gogg. 

Athugasemdir

[Kristján Kristjánsson, 27.5.2007 kl. 16:02]

Þetta gerðist líka fyrir Bjarkartónleikana og þá gátu menn sótt miðann í afgreiðsluna í höllinni. Þetta er klaufaskapur hjá miða.is að tilkynna ekki þetta. Þeir gætu verið með klausu í póstinum sem þeir senda sjálfkrafa með seldum miðum að ef Skífan er lokuð sé hægt nálgast miða á tónleikastað!

Annars er ég líka að fara í kvöld og hlakka mikið til :-) Rokk og roll

[TómasHa, 27.5.2007 kl. 16:23]

Ég er alveg sammála þér í þessu, ég hefði sparað klukkutíma í akstri ef ég hefði sleppt þessu og farið bara beint niður í höll og náð í miðann minn.

Ég hlakka líka mikið til, sérstaklega til að sjá Uriah Heep, og sjá hvort þeir geri þetta betur en mánar 2005, þegar hæsti tóninn á Easy morning var tekinn með teipi.

[Atli Fannar Bjarkason, 27.5.2007 kl. 23:01]

Býst við að þú sért að tala um July Morning (blandar saman því og Easy Living). En hljómborðsleikari Mána tók þar hæsta tóninn, ekki söngvarinn. Held að þeir hafi ekki verið með það á teipi.

[TómasHa, 27.5.2007 kl. 23:47]

:) Rétt hjá þér Atli,  Það er July morning og Easy living :).  Jú Jú, þeir voru örugglega með þetta á teipi.  Ég var nægjnanlega framarlega til að sjá trikkið þegar ljósin voru slökkt og teipið kom inn.

[Atli Fannar Bjarkason, 28.5.2007 kl. 00:37]

Tjaaa ekki vera svo viss. Mánar gáfu út heimildarmynd um undirbúning tónleikanna, og þar sést hljómborðsleikarinn negla umrædda tóna.