Árás á torrent.is

Þegar ég les þetta lítur þetta frekar út sem árás á torrent.is en á leikinn. Það er amk. mikið gert úr því að þetta sé að finna á síðunni torrent.is. Síðan hefur verið þyrnir í augum margra. Leitað hefur verið leiða til að stöðva hana en hingað til hefur ekki orðið árangur af þeim tilraunum. Þetta er því ný leið til að ráðast á síðuna.

Torrent.is drefir bara efni sem notendur setja inn og hafa áhuga á að vera þarna úti, einhver þarf að halda þræðinum lifandi og aðrir að sækja. Það er enginn munur á að þetta sé þarna inni frekar en á erlendum torrentum, notendur geta jafnauðveldlega sótt þennan leik þangað. Væntanlega munu stjórnendur torrent.is eyða þessum torrent út, þannig að dreifing verður stöðvuð. Það eru varla sérstakar fréttir að svona efni sé til, nóg er af svona hlutum á netinu fyrir þá sem hafa áhuga á að leita að því.

Að lokum enda ég þessa færslu eins og aðrar sem fjalla um torrent.is auglýsa eftir aðgangi. Ég vona að enginn falli í þá gildru að veita mér þann aðgang, en og aftur finnst mér það fyndið að af þeim 18 þúsund notendum skuli ég ekki þekkja neinn. Ég þekki greinilega ekki nógu mikið af tölvunördum (já eða núna klámhundum).

Nauðgunarþjálfun á Netinu

Athugasemdir

[Gunnsteinn Þórisson, 24.5.2007 kl. 17:01]

Ég get lofað þér að þú þekkir einhvern torrent.is notenda, þarf bara að leita betur :) Annars er ég sammála þér, það er augljóslega verið að ráðast á torrent.is, fréttin hefði verið nógu sjokkerandi ef leikurinn sjálfur hefði verið umræðuefnið. Annars er fremur tæpt að halda að torrent.is sé þing klámhunda ;) Klámið er til staðar, en akkurat á þessari stundu er einungis 2 torrent af efstu 20 torrentum klámfengin, hvorugt þeirra í efstu 10 :) Finnst leitt að sjá moggabloggara ráðast á aðstandendur og notendur síðunnar, það er verið að dæma saklaust fólk.

[TómasHa, 24.5.2007 kl. 17:04]

Ef ég þekki einhvern, þá les viðkomandi amk. ekki bloggið mitt, því ég hef nokkrum sinnum nefnt þetta í gríni.  

[Þorsteinn Valdimarsson, 24.5.2007 kl. 17:41]

Góður punktur þarna, Torrent.is setur ekki efni inná netið, það eru notendur síðunnar sem eru að deila því með hvoröðrum. Því finnst mér undarlegt að verið sé að bendla nafn síðunar svona sterklega við fréttina. Hversu sjúkur sem tilgangur þessa leiks er, hefur torrent.is mjög lítið að gera með það. Ef ég þekki netið rétt þá er örugglega hægt að finna leikinn annarsstaðar líka.

[Geiri (IP-tala skráð) 24.5.2007 kl. 19:22]

Af hverju er verra að nauðga í tölvuleikjum heldur en að lemja eða drepa? Ég skil þetta ekki. Ekki reyna að segja mér að einhverjir fari út og nauðga bara vegna þess að þeir spiluðu leikinn.