test

Comparison of Process Structures and Characteristics

 

Project

Job
Shop

Batch
Process

Assembly
Line

Continuous
Flow

Flow

 None  Continuous

Flexibility

  High  Low

No. of Products

  High  Low

Capital Investment

  Low  High

Variable Cost

  High  Low

Labor Content

  High  Low

Labor Skill

  High  Low

Volume

  Low  High




Ræðunámskeið Toastmasters

Ég hef verið að undirbúa ræðunámskeið Toastmasters. Þetta er búinn að vera skemmtilegur tími og mikil vinna enda þrátt fyrir að ég hafi kennt ræðunámskeið í áraraðir, þá er þetta samkvæmt stöðlum Toastmasters. Nú er allt komið á fullt og byrjað að auglýsa ræðunámskeiðið.

Bjargbrún

Þegar ég stofnaði mitt fyrsta fyrirtæki ákvað ég að kalla það Bjargbrún ehf.  Nafnið er tilkomið vegna þess að ég var ungur að aldri og hafði enga reynslu af rekstri.  Myndlíkinging var því af fugli sem stæði á bjargbrúninni og velti fyrir sér hvort taka ætti af skarið. Hann stæði þarna á bjargbrúnninni og velti fyrir sér hvort hann væri fleygur. Það væri þó bara ein leið fyrir hann til þess að komast að því og það væri að henda sér fram af. Þetta voru sömu spurningar og við stóðum frammi fyrir á leið í Þórsmörk árið 1992, þegar unginn velti fyrir sér hvort hann ætti að ráðast í fyrirtækja rekstur (þrátt fyrir ugan aldur).

Síðar varð þetta félag í eigu foreldra minna og er þar enn. Ég hef haft hönd í bagga öll þessi ár en í dag leigir félagið út húsnæði sem við höfum keypt frá árinu 1992 þegar félagið var stofnað (það var þó stofnað um innflutning). Við höfum lagt áherslu á lítil atvinnuhúsnæði.

Frá því það var stofnað hefur ýmislegt á daga fyrirtækja rekið, við höfum alltaf haldið í nafnið þótt í tísku væri að kalla félög ýmsum flottari nöfnum (group og útlenskum PR nöfnum). Því miður minnir nafnið í dag kannski of mikið á hrunið í dag. Við munum þó halda áfram í nafnið enda finnst mér (eins og mér fannst þá) þetta vera fallegt nafn sem minnir á íslenska nátturu. Varðandi upprunalegu spurninguna hvort fuglinn sé fleygur, þá skal það ósagt látið. Þau fyrirtæki sem ég hef stjórnað hafa þó ekki tekið þátt í ofurvexti, útrás eða hruni.

Hvaða rök

Það vekur athygli að þau í Kópavogi hafi ekki verið tibúin að samþykkja þetta, það hljóta að vera hagsmunir sveitafélaga í kringum Reykjavík þar sem þetta er skattur á íbúa þeirra.  

Það væri sannarlega fróðlegt að sjá sambærilega ályktun í Reykjavík og að í borgarstjórn væri barist fyrir hagsmunum Reykjavíkinga.  

Ég get ekki gert af því að finnast að í borgarstjórn Reykjavíkur séu ýmsir sem vilji helst að maður éti gras og rúlli sér svo upp og niður Hverfisgötu á hjólinu sínu. 


mbl.is Tillögu um að mótmæla vegtollum vísað frá
Tilkynna um óviðeigandi tengingu við frétt

Kjaftæði

Ekkert má nú orðið. Prinsessan er þarna að fara í ferð á vegum náins fjölskylduvinar og það sagt sérstakt hneyskli. Miðað við þær tekjur sem prinsessan er með gæti hún allt eins hafa greitt þetta úr eigin vasa, auk þess er vandséð hvernig spillingin getur náð til hennar. Það sérstaklega í ljósi þess að hún hefur engin bein völd.

Ætli þessum mönnum væri ekki nær að eyða tíma sínum í aðra og skynsamlegri hluti.


mbl.is Viktoría krónprinsessa sökuð um mútuþægni
Tilkynna um óviðeigandi tengingu við frétt

Skemmtilegur brandari

Var að rifja upp brandara fyrir ræðunámskeið sem ég var að halda um daginn, ég fann hérna nokkuð marga góða brandara, greinilega gott safn og fínt að leita af bröndurum.Fann meðal annars þennan brandara:

Eldri hjón komu nýlega inn á McDonalds og pöntuðu BigMac með gosi á tilboði. Þau skiptu öllu í tvennt, fengu aukaglas og skiptu gosinu á milli sín. Maðurinn byrjaði að borða en konan sat og horfði á. Stúlka sem var að þrífa stóðst þetta ekki og spurði hvort hún mætti ekki gefa þeim annan skammt svo þau þyrftu ekki að skipta þessu á milli sín.Gamli maðurinn svaraði: „Við erum búin að vera gift í 50 ár og við höfum alltaf deilt öllu á milli okkar. Við breytumst ekki úr þessu.“ Stúlkan spurði konuna næst hvers vegna hún borði ekki og gamla konan svaraði: „Hann er að nota tennurnar, það kemur að mér þegar hann er búinn."

 

Einn af þessum gömlu góðu.


En ekkert heyrst frá Samfylkingunni í Reykjavík

Um leið og það tók nokkra klukkustundir hjá Sjálfstæðisflokknum í Hafnarfirði að leysa úr þessu hefur ekkert heyrst frá Samfylkingunni í Reykjavík.  Ekki múkk!  Það er bara eins og það sé sjálfsagt mál að oddviti flokksins fái 112 fleiri atkvæði en eru talin og það þurfi ekkert að ræða það neitt frekar.

Ef þetta hefðu verið einföld mismæli eða misritun á seðilinn hefði verið löngu búið að leiðrétta þetta. Það er því ekki hægt annað en að gera ráð fyrir að það hafi verið eitthvað meiri háttar að hjá þeim.

Ætla menn virkilega ekkert að svara fyrir um það hvort atkvæðum var bætt við oddvitann til að láta hann líta betur út?  


mbl.is Niðurstaðan var staðfest
Tilkynna um óviðeigandi tengingu við frétt

Varmadælur

Undanfarið hefur orðið gríðarleg vakning þeirra sem búa utan hitaveitusvæða á að nýta varmadælur í staðin fyrir hefðbundna rafmangskyndingu. Það er hið besta mál og ótrúlegt hversu seinir við íslendingar höfum verið að bregaðst við í þessum efnum.

Varmadælur nýta sér varmamismun oftast í lofti til þess að kynda upp. Þannig að ef útilofthiti er -5°C, kælir varmadælan loftið sem fer í gegnum kerfið enn frekar niður en nýtir varma mismuninn til þess að hita inni. Þetta er grunnurinn að varmadælunni sem þýðir þó að varmadælan er að skila meiri orku en sem nemur því rafmagni sem kostar að knýja hana.

Flestar varmadælur á Íslandi nýta sér lofthita og skila hita til baka með hitablásara. Erlendis hafa í auknum mæli verið að nýta sér dælur sem kynda vatna og setja inn á hitakerfi og dælur sem nýta sér jarðvarma til að fá þann hitamismun sem er nauðsynlegur.

Hérna eru nokkrir þættir sem menn ættu að kynna sér um leið og menn kaupa sér varmadælu.

Nýtnistuðull
Nýtnistuðull varmadælunnar skiptir höfuð máli þegar menn eru að velta fyrir sér kaupum á varmadælum. Varmadælur með lélega nýtnistuðul eru oftast ódýrari í innkaupum en þegar til lengri tíma er litið eru þær oftast dýrari sé tekið tillit til þess að dælan eyðir meira af rafmagni til þess að ná fram sömu kyndingu. Í dag er hægt að fá dælur sem skila allt að 1/6. Það er 1 kw af rafmagni gefur 6 kw í hita, algengara er þó að dælurnar séu 1/4.

Kuldaþol
Einn af þeim þáttum sem stóru framleiðendurnir á varmadælum hafa verið að keppa á er hversu neðarlega dælurnar virka. Margar ódýrari dælur hætta að virka við 0 til 5°C, sem þýðir að þegar varmadælan þarf virkilega að vera að nýtast mönnum er hún óvirk. Betri framleiðendur hafa náð fá þolanlega nýtni alveg niður í -15 til -20°C.

Viðhald
Töluverðu máli skiptir fyrir þá sem eru með varmadælur sem fyrsta hitagjafa að um viðhalds litlar dælur sé að ræða. Ódýrari dælur eru oft með hærri bilanatíðni og það getur verið kostnaðarsamt að gera við dælurnar, sparnaður í innkaupum getur því verið fljótur að hverfa með kaupum á ódýrari dælu.

Það er merkilegt að í dag er á milli 10-15% vörugjöld af varmadælum, sem skiptir oft verulegu máli þegar menn eru að velja á milli kosta. Um leið og margir sem ættu að vera að keyra varmadælur eru að nota aðra óhagstæðari kyndingarmáta er ríkisstjórnin ekki beint að hvetja menn til að skipta með því að leggja auka vörugjöld á þessa vöru. Þrátt fyrir að flestir eru að kynda með innlendu rafmagni þá þekkist enn að menn séu að nota innflutta miðla, gas og olíu til kyndingar.

Að lokum þá er hér að finna áhugaverða grein um varmadælur.


Frambjóðandi framsóknar í sambandi við borgarfulltrúa annars flokks?

Óskar Bergson segir að framboðið hafi komið á óvart. Kannski gerði það en Óskar er ekki beint maður nýrra tíma hjá Framsókn. Hvort sem ádeilur á Óskar hafa verið sanngjarnar eða ekki, þá ber hann spillingartimpilinn.

Framboð Einars kemur kannski á óvart út af einu. Það er örugglega einsdæmi að maki eins borgarfulltrúa bjóði sig fram í oddvitasæti í öðru framboði. DV er ekki og hefur ekki verið áreiðanlegasti miðillinn en samkvæmt DV eru Oddný Sturludóttir borgarfulltrúi Samfylkingarinnar og Einar par.

Það getur ekki verið til þess fallið að hjálpa Einari í framboðinu eða hvað?


mbl.is „Framboðið kom á óvart“
Tilkynna um óviðeigandi tengingu við frétt

Frábært framtak

Var svo heppin að fá að keyra ræðunámskeið, fyrir þessa krakka hluta úr deginum í dag.  Það var haft samband við mig í gær og ég beðinn um að taka þátt í þessu verkefni.  Mér fannst þetta mjög spennandi og í gær setti ég niður á blað nokkrar punkta um ræðumennsku sem ég vildi miðla til krakkanna.

Þetta er í fyrsta skipti sem ég kenni krökkum á þessum aldri.  Það var þó gaman að sjá hversu yngri krakkarnir voru mun viljugri til þess að taka á  móti móti leiðbeiningum en þau eldri. 

Skemmtilegast við þetta var hversu frábærar hugmyndirnar voru.  Fyrirfram hafði ég búist við einhverjum barnalegum hugmyndum, en þetta voru eiginlega bara frábærar hugmyndir.  Sjálfur var ég hrifinn af viðbót við Ipod.  Hugmynd sem er svona hugmynd sem þegar maður hefur heyrt, finnst manni augljóst að eigi að vera til.  Aðrar hugmyndir eins og framlenging á ísstað fundust mér alveg frábærar.

Við höfum þegar rætt um að taka þátt í þessu verkefni að ári.  Ég verð að segja að það er eiginlega bara tilhlökkun að sjá hvað krakkarnir koma upp með.


mbl.is Fartölvuvörn, mjólkurtankur og vekjaraklukka í vinnusmiðju
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband